Osija 2:9 - Библия - Пэ Балтитко Романи чиб (Романэс) 2019

⁹ Пал-дава́ Мэ рисёва́ва палэ, и Мэ ла́ва палэ Миро гив (маро́) дро умалотно часо, и Мири́ мол (вино) дро ла́киро сезоно, и Мэ ла́ва палэ Мири́ вы́лна и Миро ґандладо (лёно), со дыно́ сыс ла́кэ тэ учхакирэл ёй пэ́скиро нангипэ́н.

Biblija - Pe Baltitko Romani čib (Romanes) 2019

⁹ Pal-davá Me risjováva pale, i Me láva pale Miro giv (maró) dro umalotno časo, i Mirí mol (vino) dro lákiro siezono, i Me láva pale Mirí výlna i Miro ĥandlado (ljono), so dynó sys láke te učhakirel joj péskiro nangipén.

Osija 2:9 Iomraidhean Croise

Езэкилё 16:27

Акэ, палдава́ Мэ протырдыём пэ ту́тэ Миро Васт, тыкнякирдём котэ́р долэ́стыр, со сыс тыро́, отдыём Филистимия́кирэ чхаенгэ, савэ́ бидыкхэнас тут, савэ́ ладжанас долэ́стыр, со ту кэрдя́н, соб (кай) тэ кэрэ́н ёнэ ту́са дова́, со камэ́на.

Езэкилё 16:39

Мэ отда́ва тут дрэ лэ́нгирэ васта́, ёнэ роспхагирэна мангипнытка штэ́ты ваш тырэ́ биладжакунэ́ рэ́нды, ёнэ роспхагирэна тырэ́ вучэ́ штэ́ты, рискирэна криг ту́тыр тыро́ урибэ́н, ёнэ лэ́на тыро́ шукарьякирибэн, ёнэ ячавэна тут и ту явэ́са нанги, научхакирды.

Езэкилё 23:26

и ёнэ злэна ту́тыр тыро́ урибэ́н, залэна тырэ́ шукарьякирибэна куч-барорэ.

Дание́лё 11:13

Пал-дова́ со паш-рати́тко (южно) кра́ли рисёла и тэрдякирэла тэ марэ́лпэ э халадэ́н бутыдыр, сыр сыс лэ́стэ, и пир вари-кицы́ бэрша́ сыго явэ́ла барэ́ халадыбнаса и барэ́ барвалыпнаса.

Osija 2:3

соб (кай) Мэ тэ на росчхакирав ла́киро нангипэ́н, и тэ на чхував ла анги́л, сыр дро дывэ́с, ке́ли ёй бия́ндыя; и соб (кай) Мэ на кэра́в ла́тыр чхучи́ (пусто) фэ́лда, и соб (кай) Мэ тэ на пирикэрав ла дрэ шуки́ пхув, и тэ на пэкавав ла смэгаса тэ пьел.

Osija 8:7

Ёнэ посеиндлэ балва́л, и ёнэ счхинэна штормо: сыр гива́ лэ́ндэ сарэ́са на явэ́на пэ ґэро́й (колосо); на явэ́ла прибарипэн дро яржо́. Ко́ли и выбарьёла лэ́ндэ вари-со, то э чу́жа мануша́ накхавэна (проглынинэна) яржо́ (гив).

Osija 9:2

Шурна гиваобкэрибнаскири и пресо на чалякирэна лэн, и нэви́ мол / со́ко (хум) хохавэла лэн.

Ioil 2:14

Кон джинэ́ла, ци Ёв пожалинэла, и мэкэ́ла бахталыпэ́н пал Пэ́стэ, соб (кай) тумэ́ тэ янэ́н свэ́нто дыибэ́н гивэстыр, и тхадуно свэ́нто дыибэ́н Ра́скэ-Дэвлэ́скэ, тумарэ́ Дэвлэ́скэ?

Софония 1:13

Палдава́ росчорэна лэ́нгиро барвалыпэ́н, и лэ́нгирэ кхэрэндыр ячэ́лапэ голоты́ня; ёнэ явэ́на тэ чхувэ́н кхэра́, нэ ёнэ на явэ́на тэ дживэ́н дрэ лэ́ндэ: ёнэ явэ́на тэ почхувэн винаграды́тка хру́сты дрэ пхув, нэ ёнэ на явэ́на тэ пьен мол (вино).

Малахия 1:4

Ко́ли Эдо́мо (Исаво́скирэ радостыр) пхэнэ́ла: “Амэ сам роспхагирдэ́ дрэ руи́ны, нэ амэ нэвэ́с чхуваса пхагирдэ́ штэ́ты”, – адя́кэ пхэнэ́ла янголэ́нгирэ-болыбна́скиро Рай Дэвэ́л: “Ёнэ нэвэ́с чхувэ́на пхагирдо́, нэ Мэ пхагирава тэлэ́ дава́. Э мануша́ явэ́на тэ кхарэ́н дава́ штэ́то ‘Злыднитко Пхув,’ и пэ кадалэ́ манушэ́ндэ Рай Дэвэ́л ўса́ды (сак) явэ́ла дрэ нарадыма.”

Малахия 3:18

Тэ́ньци тумэ́ нэвэ́стыр розґалёна лачхэ́с машки́р патяибнаскирэндэ и фуе́ манушэ́ндэ; машки́р кадалэндэ, кон дынаринэла Дэвлэ́скэ и одолэ́ндэ, кон на дынаринэла Лэ́скэ.