Osija 2:1 - Библия - Пэ Балтитко Романи чиб (Романэс) 2019

¹ Ракирэ́н тумарэ́ пшалэ́нгэ: ‘Мирэ́ мануша́лэ,’ и ракирэ́н тумарэ́ пхэненгэ: ‘Потангиндлы’ (пожалиндлы).’

Biblija - Pe Baltitko Romani čib (Romanes) 2019

¹ Rakirén tumaré pšalénge: ‘Miré manušále,’ i rakirén tumaré phenienge: ‘Potangindly’ (požalindly).’

Osija 2:1 Iomraidhean Croise

Džiibén 22:17

то Мэ бахтякирава тут, и барьякири, убарьякирава тыро́ ро́до, сыр чэргэня́ пэ болыбэ́н, и сыр пра́хо пэ морёскиро (дэрьявэ́скиро) брэ́го; и прилэ́ла ро́до тыро́ пэ́скирэ-вэргэ́нгирэ фо́рья;

Ереме́ё 31:33

‘Акэ, исын Заве́то, саво́ Мэ счхувава Израилёскирэ кхэрэса и Юдэя́кирэ кхэрэса. Палэ долэ́ дывэса́’, – ракирэ́ла Рай Дэвэ́л’, – ‘Мэ чхува́ва Миро Зако́но андрэ́ лэ́ндэ и Мэ чхина́ва дава́ дро лэ́нгирэ илэ, и Мэ ява́ва лэ́нгиро Дэвэ́л, и ёнэ явэ́на Мирэ́ мануша́.

Ереме́ё 32:38

И ёнэ явэ́на Мирэ́ мануша́, и Мэ ява́ва лэ́нгиро Дэвэ́л.

Ереме́ё 51:5

Пал-дова́ со Рай Дэвэ́л, болыбна́скирэ-янголэ́нгиро, на ячкирдя́ Пэскирэн: ни Юдас, ни Израилё, на дыкхи́ пэ дава́, со лэ́нгири пхув исыс пхэрды́ грэхэ́нца проти Израилёскирэ Свэнтонэстэ.

Езэкилё 11:20

соб (кай) ёнэ тэ псирэ́н пир Мирэ́ стату́ты, и тэ рикирэнпэ кэ Мирэ́ упхэныбэна́, и тэ кэрэ́н пир лэ́ндэ и ёнэ явэ́на Мирэ́ мануша́, а Мэ ява́ва лэ́нгиро Дэвэ́л.

Езэкилё 36:11

И Мэ кэра́ва адя́кэ, со явэ́на бут мануша́, и мурдала́ кэ тумэ́; лэ́ндэ явэ́ла бут тыкнорэ; Мэ бичхава́ва тумэн одори́к, сыр сыс дава́ дро тумаро́ ґаратуно часо: Мэ ява́ва тэ кэра́в тумэ́нгэ лачхипэ́н буты́р, сыр дро тумаро́ ґаратунэ́ дывэса́, и тумэ́ ґалёна, со Мэ сом Рай Дэвэ́л, Дэвэ́л.

Езэкилё 36:28

И явэ́на тумэ́ тэ дживэ́н пэ пхув, сави́ Мэ дыём тумэ́нгэ, и тумэ́ явэ́на Миро народо, а Мэ ява́ва тумаро́ Дэвэ́л.

Езэкилё 37:27

Мири́ ша́тра явэ́ла лэ́ндэ; и Мэ ява́ва лэ́нгиро Дэвэ́л, а ёнэ явэ́на Миро народо.

Osija 2:2

Бангякирэ́н [сэндинэ́н-р.с.] тумарэ́ да, бангякирэн ла: пал-дова́ со ёй буты́р на явэ́ла Мири́ ромны́, и Мэ на сом ла́киро ром! Мэк ёй тэ дурьякирэл ла́кирэ мо́стыр ла́киро биладжаипэ́н, и ла́киро на́лачхо камибэн криг ла́кирэ колынэндыр;

Osija 2:23

И Мэ почхувава ла ваш Пэ́скэ пэ пхув, и Мэ сыкава́ва ла́ска пэ ‘Лорухаматэ,’ и Мэ пхэна́ва кэ ‘Лоами’ (на Мирэ́ мануша́): тумэ́ сан Мирэ́ мануша́’! И ёнэ пхэнэ́на: ‘Ту сан амаро́ Дэвэ́л!’”

Заха́рия 13:9

И лыджа́ва Мэ до три́то паш дрэ яг, билякирава лэс, сыр билякирэна руп, и выжужакирава лэс, сыр жужакирэна сувнака́й: ёнэ лэ́на тэ кхарэ́н лав Миро. И Мэ вышунава лэн и отпхэнава: ‘Дава́ исын Мирэ́ мануша́,’ нэ ёнэ пхэнэ́на: ‘Рай Дэвэ́л исын Дэвэ́л миро!’”

2 Коринфянэнгэ 4:1

Ко́ли Дэвэ́л сыкадя́ Пэ́скиро лачхипэ́н кэ амэ и дыя́ дасави́ буты́ амэ́нгэ, тэды амэ на пэраса илэ́са.

1 Ximaske 1:13

ма́нгэ, саво́ англэды́р тэлякирдя Дэвлэ́с, и традыя́ дэвлытконэ́ манушэ́н, и кэрдём чорипэ́н лэ́нгэ: нэ Дэвэ́л примангдя ма́нгэ, пал-дова́ со адя́кэ кэрдём пир наджиныбэн и пир напатяибэн.

1 Petr 2:10

тумэн, савэ́ на сыс Лэ́скирэ мануша́, а какана́ тумэ́ ячнэ́ Лэ́скирэ манушэ́нца, ґарэдыр тумэн на тангиндлэ (на жалиндлэ), акана́ исын Дэвлэ́скиро тангипэ́н кэ тумэ́.