Mihiejo 2:3 - Библия - Пэ Балтитко Романи чиб (Романэс) 2019

³ Палдава́ адя́кэ ракирэ́ла Рай Дэвэ́л: “Акэ, Мэ придуминава кадасави биба́хт проти кадая́ сэ́м΄я (ири́), со тумэ́ на могинэ́на (на саштынэна) тэ дурьякирэн (тэ злэн) далэ́ бибахтятыр тумарэ́ мэня; и тумэ́ на явэ́на тэ задэнпэ, (тэ псирэ́н маму́й); пал-дова́ со дава́ часо исын бибахтало́.

Biblija - Pe Baltitko Romani čib (Romanes) 2019

³ Paldavá adiáke rakiréla Raj Devél: “Ake, Me priduminava kadasavi bibáht proti kadaja sém'ia (irí), so tumé na moginéna (na saštynena) te durjakiren (te zlen) dalé bibahtiatyr tumaré menia; i tumé na javéna te zadenpe, (te psirén mamúi); pal-dová so davá časo isyn bibahtaló.

Mihiejo 2:3 Iomraidhean Croise

Isajos 29:20

Пал-дова́ со нико́н буты́р лэ́нгэ на явэ́ла тэ кэрэ́л биба́хт, кошыбнари хасёла, и хасякирэна сарэ́н, кон на кэрэ́ла пир чачипэ́н.

Isajos 3:16

И пхэндя́ Рай Дэвэ́л: “Пал-дова́ со чхая́ Сионоскирэ исын пхутькирдэ́, газдэна вучэ́с пэ́скиро шэро́, кхарэ́на кэ пэ якхэ́нца, башавэна лэ́нгэ ґэрэнгирэ укэдэибэнца.

Isajos 5:19

Савэ ракирэ́на: “Мэк Ёв тэ джал сыгэды́р, мэк тэ кэрэ́л Пэ́скири буты́, соб (кай) амэ тэ дыкхас. Мэк тэ явэ́л, мэк тэ сыкавэ́л, со дава́ исын – Свэнтонэ́-Израилёскиро годыпэ́н, соб (кай) амэ тэ ґалёвас!”

Ереме́ё 18:11

И палдава́ акана́ пхэн манушэ́нгэ Юдэя́тыр и Ерусалимо́скирэ джиибнарье́нгэ: ‘Адя́кэ ракирэ́ла Рай Дэвэ́л: ‘Акэ Мэ акана́ скэда́ва (подкэрава) фуипэ́н тумэ́нгэ, и Мэ придуминава плано пэ тумэ́ндэ: ‘Рисён фэды́р акана́ кажно (сва́ко) тумэ́ндыр, тумарэ́ бибахталэ́ дромэ́стыр, фэдырьякирэн тумарэ́ дрома́ и дова́, со тумэ́ кэрэ́на’”

Ереме́ё 27:12

И мэ пхэндём Сэдэкияскэ, крали́скэ пэ Юдэ́я, сарэ́ дасавэ́-сама лава́, ракири́: “Чхувэ́н тумарэ́ мэня дро ґа́мо крали́скиро Вавилоно́стыр, и тумэ́ дынаринэ́н лэ́скэ, и лэ́скирэ манушэ́нгэ и тэ дживэ́н’ явэ́на тумэ́:

Ереме́ё 34:17

“Палдава́ адя́кэ ракирэ́ла Рай Дэвэ́л: ‘Тумэ́ на кандынэ́ Ман, соб (кай) тумэ́ тэ мэкэ́н пэ во́ля, кажно (сва́ко) тумэ́ндыр пэ́скирэ пшалэ́с, кажно тумэ́ндыр пэ́скирэ пашатунэс / суседос (котарис): А́кэ, Мэ да́ва вольныма тумэ́нгэ – тэ мэрэ́н, ци куртала́тыр, ци мэрибнытконэ франсэндыр, ци бокха́тыр! И Мэ кэра́ва адя́кэ, соб (кай) тэ холясон пэ тумэ́ндэ (тумэ́ндыр тэ чуринэнпэ) сарэ́ кралипэна́ пэ пхув.

Ереме́ё 36:23

И сыс адя́кэ: ке́ли о Егуди пиригиндя трин ци штар ряды (колонки), о кра́ли чхиндя́ лэн чхурьяса лыла́-чхиныбнаскирьяса, и чхурдыя́ дрэ яг, сави́ сыс дро саструны пири́ аж сыр яг похая саро́ сви́тко, саво́ сыс дрэ пири́.

Ереме́ё 43:2

то Аза́рия, чхаво́ Осаияскиро (Госаияскиро); Иоханано, чхаво́ Кареёскиро и сарэ́ пхутькирдэ́ мануша́, пхэндлэ́ Еремеёскэ: “Ту ракирэ́са начачипэ́н! О Рай Дэвэ́л, амаро́ Дэвэ́л, на бичхадя́ тут тэ пхэнэ́с: ‘На джа́н кэ Еги́пто тэ дживэ́н одо́й!’

Ереме́ё 8:3

И сарэ́ мануша́, савэ́ ячэ́напэ джидэ́ далэ́ бибахталэ́-кхэритконэ́ родо́стыр выкэдэна пэ́скэ фэды́р тэ мэрэ́н, сыр тэ дживэ́н пэ сарэ́ долэ́ штэ́ты, пэ савэ́ Мэ традыём [вытрадава-р.с.] лэн,’ – ракирэ́ла болыбна́скирэ-янголэ́нгиро Рай Дэвэ́л.

Roiben 1:14

Рай Дэвэ́л пхандя зоралэ́с Пэ́скирэ вастэ́са ґа́мо мирэ́ чорипна́стыр; ёй исын кхуды́ и зарэсця пэ мири́ мэн. Ёв кэрдя́ адя́кэ, со мири́ зор замыя́. Ёв здыя ман дрэ васта́, савэ́ндыр мэ на могина́ва тэ ґаздавпэ.

Roiben 2:17

Рай Дэвэ́л кэрдя́ дова́, со Ёв придуминдя: Ёв выпхэрдякирдя Пэ́скиро лав, со Ёв припхэндя́ дрэ ґаратунэ́ дывэса́. Ёв чхурдыя́ тэлэ́ Ерусалимо, и Ёв на потангиндя, Ёв кэрдя́ адя́кэ, соб (кай) тыро́ вэ́рго древа́н тэ радынэ́лпэ тырэ́ бибахтятыр, Ёв барьякирдя зор тырэ́ намалэнгэ.

Roiben 5:5

Вэ́рги традэнапэ пал амэ́ндэ пир пенты [дрэ мэн-р.с.], амэ кэра́са буты́ пхарэ́с, и амэ́ндэ нанэ откхиныбэн.

Amoso 2:14

Палдава́ сы́гно ману́ш на кэрлапэ никай, а зорало́ на явэ́ла тэ рикирэ́л пэ́скири зор, и муршари на зракхэ́ла кокоро́ пэс;

Amoso 3:1

Шунэ́н дава́ лав, со Рай Дэвэ́л пхэндя́ проти тумэ́ндэ, чхавора́лэ Израилёскирэ, проти саро́ кхэри́тко ро́до, саво́ Мэ вылыджиём Египто́скирэ пхувья́тыр, ракири́:

Amoso 3:2

“Тумэ́ сан екх кхэри́тко ро́до сарэ́ родэндыр пэ пхув, савэ́скэ Мэ кэрдём паты́в, палдава́ Мэ пхарэ́с сэндякирава тумэн пал саро́ тумаро́ чорипэ́н.”

Amoso 5:13

Палдава́ барэ́-годя́киро ману́ш явэ́ла штыл дро далэ́ дывэса́, пал-дова́ со дава́ исын бибахтало́ часо.

Mihiejo 2:1

Бида пэ одолэ́ндэ, савэ́ придуминэна чорипэ́н и савэ́ выдуминэна биба́хт пэ пэ́скирэ чхуибэна! Пэ зло́ко, ке́ли дывэсёла, ёнэ кэрэ́на дова́, пал-дова́ со саро́ дава́ исын дро лэ́нгиро васт.

Римлянэнгэ 16:4

савэ́ пал миро джиибэ́н отдэнас кокорэ́ пэ́скиро шэро́; мэ парикирава лэ́нгэ наекхджино нэ и сарэ́ Наюдэнгирэ кхангирья,

Эфесянэнгэ 5:16

Ракхэ́н часо (цы́ро), пал-дава́ со далэ́ дывэса́ исын хоханэ́.

Яви́р Зако́но 28:48

и ту явэ́са тэ дынаринэс тырэ́ вэргоскэ (врогоскэ), савэ́с бичхавэ́ла пэ ту́тэ Рай Дэвэ́л, дрэ бокх, и смэга, и дро нангипэ́н и дро кажно наухтылыбэн; ёв чхувэ́ла пэ тыри́ мэн саструно ґа́мо адя́кэ, со замэнчынэла тут.

Jakov 2:13

пал-дова́ со ваш одолэ́ манушэ́нгэ, кон на сыкадя́ тангипэ́н (жалима) кэ яви́р мануша́, сэ́ндо явэ́ла би тангипнаскиро адя́кэ-паць кэ ёв, нэ тангипэ́н исын вучэды́р сэндостыр.