Матфеё 4:1 - Библия - Пэ Балтитко Романи чиб (Романэс) 2019

¹ Тэ́ньци лыджия́ Ду́хо (Фа́но) Исусо́с пэ чхучи́ пхув, соб (кай) тэ пропатякирэл Лэс на́лачхо.

Biblija - Pe Baltitko Romani čib (Romanes) 2019

¹ Tén'ci lydžijá Dúho (Fáno) Isusós pe čhučí phuv, sob (kaj) te propatiakirel Les nálačho.

Матфеё 4:1 Iomraidhean Croise

Džiibén 3:15

И нараманё (намиро) кэра́ва Мэ машки́р ту́тэ и джувля́тэ, и машки́р ро́до тыро́ и ла́киро; ёв явэ́ла дро шэро́ тэ дукхавэл тут, а ту явэ́са тэ дукхавэс лэс дрэ пента (кхур).

3 Kralip 18:12

Сыр мэ джа́ва ту́тыр, тэды Ду́хо (Фа́но), Ра́скирэ-Дэвлэ́скиро, лыджа́ла криг тут, мэ на джино́м, карик; и ко́ли мэ джа́ва тэ пхэна́в Ахавоскэ, и ёв на латхэ́ла тут, то ёв замарэла ман; нэ писха́ри тыро́ дарэ́ла Ра́стыр-Дэвлэ́стыр тэрнэ́ бэршэ́ндыр.

4 Kralip 2:16

И пхэндлэ́ лэ́скэ: “Ѓа́да, исын амэ́ндэ, писхарье́ндэ тырэндэ, манушэ́н пандждэша́, мануша́ зоралэ́: мэк бы ёнэ гинэ́ и породынэ тырэ́ хула́с; могинэ́ла (мо) тэ явэ́л, со лыджия́ лэс Ду́хо (Фа́но) Ра́скирэ-Дэвлэ́скиро и ячкирдя́ лэс пэ екх бэргэндыр, ци пэ екх до́ло.” Ёв пхэндя́: “На бичхавэн.”

Езэкилё 11:1

И ґаздыя́ ман Ду́хо (Фа́но), и яндя́ ман кэ васточно по́рта (вра́ты) дро Ра́скирэ-Дэвлэ́скиро Кхэр, саво́ сыс чхудо пэ васто́ко. Акэ, пашо загиибэ́н дро по́рта сыс биш тэ пандж мануша́. Машкир лэ́ндэ мэ дыкхцём Иезанияс (Язанияс), Азуроскирэ чхавэ́с, и Фалтияс, Ванеёскирэ чхавэ́с. Кадалэ́ сыс тхага́рья машки́р манушэ́ндэ.

Езэкилё 11:24

Тэ́ньци Ду́хо (Фа́но) ґаздыя́ ман и яндя́ ман кэ Халдея дро дыкхибэ́н Дэвлэ́скирэ Духо́стыр кэ одолэ́ мануша́ дро пле́но. И, акэ, дыкхибэ́н, со мэ дыкхцём, гия́ криг ма́ндыр.

Езэкилё 3:12

И ґаздыя́ ман Ду́хо (Фа́но), и шундём мэ пал пэ́стэ зоралы́ зан сы́рбы громо: “Тэ явэ́л бахтякирды Ра́скирэ-Дэвлэ́скири сла́ва далэ́ штэто́стыр!”

Езэкилё 3:14

И ґаздыя́ ман Ду́хо (Фа́но), и лыя́ ман. И джавас мэ пхарэ́ илэ́са, холя́са, и Ра́скирэ-Дэвлэ́скиро зорало́ васт сыс пэ ма́ндэ.

Езэкилё 40:2

Дро дыкхибэ́н Дэвлэ́стыр Ёв лыджия́ ман пэ Израилёскиро пхув, чхудя́ ман пэ древа́н вучи́ бэ́рга, и пэ ла́тэ кажнонэ́ рига́тыр сыс сы́рбы патри́н (рисунко) пэ форитка кхэра́.

Езэкилё 43:5

И ґаздыя́ ман Ра́скирэ-Дэвлэ́скиро Ду́хо, и лыджия́ ман дрэ андратуны́ грэ́да, и, акэ, Ра́скирэ-Дэвлэ́скири сла́ва змэкцяпэ пир сари́ Кхангири́.

Езэкилё 8:3

Ёв протырдыя́ сы́рбы васт, и лыя́ ман пал бала́ пэ миро шэро́. И ґаздыя́ ман Ду́хо (Фа́но) машки́р пхув и болыбэ́н, и лыджия́ ман дрэ Дэвлэ́скирэ дыкхибэна кэ фо́ро Ерусалимо кэ загиибэ́н пашы́л вуда́р, саво́ сыс чхудо пэ паш-рат (северо), кай сыс чхудо идоло; саво́ выкхарэла зэвлыныпэ́н.

Joannostir 14:30

Мэ какана́ на ява́ва бут тэ ракира́в тумэ́нца, пал-дова́ со джа́ла далэ́-свэтоскиро хула́й, нэ ёв исын на хула́й пэ Ма́ндэ.

Apostolengiri Butý 8:39

А ке́ли ёнэ гинэ́ криг пане́стыр, Свэ́нто Ду́хо (Фа́но) гия́ тэлэ́ пэ евнухостэ; а Дэвлэ́скиро Янго́ло одотхы́р лыджия́ Филипос, и евнухо на дыкхця́ лэс буты́р, и ёв радыма́са традыя́ дурэды́р.

Римлянэнгэ 8:14

пал-дова́ со сарэ́, кон кэрэ́ла пир Дэвлэ́скиро Ду́хо (Фа́но), исын чачунэ́ Дэвлэ́скирэ Чхавэ́.

Юдэ́нгэ 2:18

пал-дова́ со, сыр Ёв кокоро́ мэнчиндяпэ и на́лачхо пропатякирэлас Лэс, то Ёв какана́ могинэ́ла тэ помогинэл одолэ́нгэ, конэ́с пропатякирэна.

Jakov 1:14

Нэ кажно ману́ш пропатякирэла пэс пэ́скирэ масэнгирэ тырдыпнаса, саво́ на трэй, и саво́ затырдэла лэс дрэ фэлы́;