Матфеё 3:7 - Библия - Пэ Балтитко Романи чиб (Романэс) 2019

⁷ Нэ сыр ёв дыкхця́, со бут Фарисе́и и Садукеи джа́нас тэ болэнпэ кэ ёв, пхэндя́ лэ́нгэ: “Тумэ́ сан сапитко ро́до! Кон сыклякирдя́ тумэн тэ нашэ́н Дэвлэ́скирэ холя́тыр, со явэ́ла сыг?

Biblija - Pe Baltitko Romani čib (Romanes) 2019

⁷ Ne syr jov dykhciá, so but Farisiéi i Sadukiei džánas te bolenpe ke jov, phendiá lénge: “Tumé san sapitko ródo! Kon sykliakirdiá tumen te našén Devléskire xoliátyr, so javéla syg?

Матфеё 3:7 Iomraidhean Croise

Džiibén 3:15

И нараманё (намиро) кэра́ва Мэ машки́р ту́тэ и джувля́тэ, и машки́р ро́до тыро́ и ла́киро; ёв явэ́ла дро шэро́ тэ дукхавэл тут, а ту явэ́са тэ дукхавэс лэс дрэ пента (кхур).

Pritčy 28:4

Одолэ́, савэ́ мэкэ́на Дэвлэ́скиро Зако́но, шарэна фуе́ манушэ́н, нэ кодолэ́, савэ́ рикирэнапэ кэ Зако́но, исын проти лэ́ндэ.

Isajos 59:5

Ёнэ выбэшэна сапэскирэ парнорэ, кхувэна паутина? Кон ха́ла лэ́нгирэ парнорэ – мэрэ́ла, а ко́ли ростасавэла лэн – то одотхы́р сап выджа́ла.

Ереме́ё 51:6

Нашэ́н Вавилоно́скирэ машкиралыпнастыр, и со кэ екх ману́ш мэк тэ ракхэ́л пэ́скиро джиибэ́н, соб (кай) тэ на хасёл пал Вавилоно́скиро чорипэ́н. Ѓа́да, исын часо, со Рай Дэвэ́л дукхавэла палэ, Ёв отдэ́ла палэ лэ́скэ.

Ереме́ё 6:10

Конэ́скэ мэ, Ереме́ё тэ пхэна́в, и тэ досыкавав, соб (кай) ёнэ могиндлэ́ тэ шунэ́н? Акэ, лэ́нгиро кан исын наобчхиндло и ёнэ нашты́ тэ шунэ́н. Ѓа́да, Ра́скирэ-Дэвлэ́скиро лав нанэ дрэ паты́в лэ́ндэ; ёнэ на радынэ́напэ лэ́стыр.

Матфеё 12:24

Нэ ке́ли Фарисе́и шундлэ́ дава́, ёнэ пхэндлэ́: “Кадава́ ману́ш традэ́ла налачхэ́ ду́хи екхэ Вельзэвулоскирэ зорья́са, саво́ исын хула́й пэ налачхэ́ ду́хи.”

Матфеё 12:34

Тумэ́ сан сапитко ро́до! Сыр тумэ́ могинэ́на тэ ракирэ́н лачхипэ́н, ко́ли тумэ́ сан налачхэ́? Пал-дова́ со, со исын дро ило́ пхэрдо́, дова́ ушта́ ракирэ́на.

Матфеё 15:12

Тэ́ньци подгинэ́ сыкляибны́тка и ракирэ́на Лэ́скэ: “Ту на джинэ́са, со Фарисе́и, сыр шундлэ́ дава́ лав, мэкнэ́ тэ патя́н Ту́кэ?”

Матфеё 16:1

И Фарисе́и и Садукеи подгинэ́, и, соб (кай) тэ пропатякирэн Исусо́с, палдава́ ёнэ мангнэ́ тэ сыкавэ́л лэ́нгэ ґерты́к (знаме́ниё) болыбна́стыр.

Матфеё 16:6

И Ису́со пхэндя́ лэ́нгэ: “Дыкхэ́н жа, ракхэ́нпэ Фарисее́нгирэ и Садукеенгирэ сыклякирибнастыр, саво́ исын сы́рбы рошчына (закваска).”

Матфеё 22:15

Тэ́ньци Фарисе́и гинэ́ и доракирдэпэ, сыр тэ ухтылэ́н Лэс дро лав.

Матфеё 22:23

Дро дова́-паць дывэ́с подгинэ́ кэ Ёв Садукеи, савэ́ ракирэ́на, со нанэ отджидыипэн мэрибна́стыр, и пхучнэ́ Лэ́стыр,

Матфеё 22:34

И ке́ли Фарисе́и шундлэ́, со Ёв зачхудя Садукеен тэ явэ́н штыл (ти́ха), скэдынэ́пэ пашы́л Лэ́стэ.

Матфеё 23:33

Тумэ́ сан сапа, ро́до сапитко, сыр тумэ́нгэ тэ нашэ́н сэндостыр дро лю́но (адо)?

Матфеё 5:20

Палдова́ Мэ ракира́ва тумэ́нгэ: ко́ли чачипэ́н тумаро́ нанэ бутэды́р сыр лылваритконэнгиро (книжникэ́нгиро) и Фарисеенгиро чачипэ́н, тумэ́ никели на заджа́на дро Кралипэ́н дро Болыбна́скиро Раё.

Marko 12:13

И ёнэ бичхадэ́ кэ Ису́со вари-савэ́ Фарисеендыр и Иродианэндыр, соб (кай) тэ ухтылэ́н Лэс дро лав.

Marko 12:18

И явнэ́ вари-савэ́ Садукеи кэ Ису́со. Садукеи ракирдэ́, со нанэ отджидыипэн мэрибна́стыр. Ёнэ ячнэ́ тэ пхучэ́н Лэ́стыр:

Marko 8:15

Пир дром Ису́со лэ́нгэ припхэндя́: “Дыкхэ́н, ракхэ́нпэ Фарисее́нгирэ рошчынатыр (закваскатыр) и крали́скирэ Иродоскирэ рошчынатыр.”

Luka 16:14

Шундлэ́ саро́ дава́ и Фарисе́и, савэ́ зоралэ́с традынэпэ пал барвалыпэ́н и ёнэ лынэ́ тэ санпэ Исусо́стыр.

Luka 18:11

Фарисее уштыя́ и мангдя́пэ Дэвлэ́скэ: ‘Дэ́вла, парикира́в Ту́кэ, со мэ на сом адасаво́, сыр яви́р мануша́: розмарибнарья; мануша́, савэ́ кэрэ́на биба́хт явирэ́нгэ; мануша́, савэ́ кэрэ́на биладжаипэ́н; ци сыр кадава́ мытоскиро скэдыибнари.

Luka 7:30

А Фарисе́и и Законо́скирэ сыклякирибнарья отпхэндлэпэ Дэвлэ́скирэ лавэ́стыр; ёнэ на болдэпэ Ианостэ Болдэипнаристэ.

Joannostir 1:24

Мануша́, савэ́ сыс бичхадэ́ пхучибнаса кэ Иа́но, сыс Фарисеендыр.

Joannostir 8:44

Тумаро дад исын на́лачхо и тумэ́ камэ́на тэ кэрэ́н пир тумарэ́-дадэ́скири ла́ска. Нэ ёв саро́ джиибэ́н сыс манушэ́нгиро замарибнари, и ёв на дживдя́ дро чачипэ́н, пал-дова́ со нанэ чачипэ́н дрэ лэ́стэ; ке́ли ёв ракирэ́ла хохаибэ́н, ракирэ́ла пэ́скиро, пал-дова́ со ёв исын хохаибнари и хохаибнаскиро дад.

Joannostir 9:40

Вари-савэ́ Фарисе́и, савэ́ сыс тэрдэ́ пашы́л Исусо́стэ, сыр шундлэ́ дава́, пхэндлэ́ Лэ́скэ: “Нау́што и амэ сам корорэ́?”

Apostolengiri Butý 15:5

Тэды уштынэ́ мануша́ Фарисее́нгирэ сектатыр и пхэндлэ́: “Какана́ Наюдэ́нгэ трэй тэ обчхинэнгэ и трэй тэ зачхувэс лэн, соб (кай) ёнэ тэ кэрэ́н пир Мойза́скиро Зако́но.”

Apostolengiri Butý 20:31

Палдава́ дыкхэ́н и ракхэ́нпэ и рипирэ́н, со мэ на пириячавас тэ сыклякирав кажнонэс тумэ́ндыр сарэ́ трин бэрш а раты́ и дывэсэ́ ясвэ́нца.

Apostolengiri Butý 26:5

ёнэ, савэ́ ґара́ джинэ́на ман, и могинэ́на тэ явэ́н якхи́тка, со мэ дживдём, сыр Фарисеё пир сари́ амари́ патяибнаскири строгима.

Apostolengiri Butý 5:17

Пэ́рво раша́нгиро барыдыро́ уштыя́, и сарэ́, кон сыс кхэтанэ́ лэ́са Садукеенгирэ скэдыибна́стыр лынэ́ тэ зэвлынэн,

Римлянэнгэ 1:18

Пал-дова́ со болыбна́стыр зджа́ла Дэвлэ́скири холы́ пэ кажно бидэвлыткима и пэ манушэ́нгиро хохаибэ́н, савэ́ пэ́скирэ начачипнаса хасякирэна чачипэ́н.

Римлянэнгэ 5:9

Палдава́ какана́, ке́ли амэ сам приджиндлэ чачунэнца Лэ́скирэ ратэ́са, амэ буты́р патя́са дрэ дова́, со амэ зракхасапэ пир Лэ́стэ Дэвлэ́скирэ холя́тыр.

1 Фесалоникийцэнгэ 1:10

и тэ ужакирэн Лэ́скирэ Чхавэ́с, саво́ явэ́ла Болыбна́скирэ Раёстыр, Савэс Ёв отджидякирдя́ мулэ́ндыр, Исусо́с, Саво́ зракхэ́ла амэн Дэвлэ́скирэ холя́тыр, сави́ явэ́ла.

Юдэ́нгэ 11:7

Патяибна́са Ноё дорэсця́ подракхибэн пал дова́, со на сыс джиндло́ ни конэ́скэ; ёв свэнтонэ́ дара́са кэрдя́ ковчэго и зракхця́ пэ́скири сэ́м΄я (ири́). Патяибна́са ёв сэндиндя свэ́то, и Дэвэ́л приґалыя лэс чачипнаскирэ чхавэ́са пал лэ́скиро патяибэ́н.

Юдэ́нгэ 6:18

Дэвэ́л кэрдя́ адя́кэ пир дуй чачипэна́: Дэвэ́л на парувэла пхэндло́ лав и на хохавэла. Амэ́нгэ, савэ́ чхурдыямпэ кэ Ёв тэ ухтыласпэ пал наде́я, со сыс дыны́ амэ́нгэ, явэ́ла зорало́ подыно васт (помошш) тэ зракхаспэ.

1 Ian 3:10

Ѓа́да, сыр Дэвлэ́скирэ чхавэ́ и налачхэскирэ чхавэ́ исын бицялэ: кажно (сва́ко), кон кэрэ́ла на пир чачипэ́н, одова́ нанэ Дэвлэ́стыр и адя́кэ-паць, сыр кодова́, кон на кэрэ́ла паты́в пэ́скирэ пшалэ́скэ.