Marko 8:2 - Библия - Пэ Балтитко Романи чиб (Романэс) 2019

² “Ма́нгэ исын танго (жалко) адалэн манушэ́н, ёнэ трин дывэса́ исын Ма́нца и лэ́ндэ на яця́пэ хабэ́н;

Biblija - Pe Baltitko Romani čib (Romanes) 2019

² “Mánge isyn tango (žalko) adalen manušén, jone trin dyvesá isyn Mánca i lénde na jaciápe xabén;

Marko 8:2 Iomraidhean Croise

3 Kralip 19:6

И Или́я дыкхця сыгэс, и, акэ, пашы́л лэ́скиро шэро́, сыс пэкны мариклы, и кхоро́ пане́са. Ёв хая, пия чалэ́с, и нэвэ́стыр засутя.

Psalmy 103:13

Сыр ада́кицы бут дад тангинэла пэ́скирэ чхаворэ́н, адя́кэ-паць зорало́ Рай Дэвэ́л тангинэла одолэ́н, савэ́ дарэ́на Лэ́стыр.

Psalmy 145:15

Сарэ́ манушэ́нгирэ якха́ ужакирэ́на лачхипэ́н Ту́тыр, и Ту дэ́са хабэ́н лэ́нгэ тэды, ке́ли трэй лэ́нгэ.

Psalmy 145:8

Рай Дэвэ́л исын лачхэдескиро (милосно) и тангипнаскиро и, Ёв насыг холясо́ла, и исын древа́н лачхэ́-илэ́скиро.

Mihiejo 7:19

Тыро́ ило́ нэвэ́стыр пэрэ́ла пал амэ́ндэ, и Ту штакирэса (злэса) амаро́ чорипэ́н, и Ту чхурдэса сарэ́ амарэ́ грэ́хи дро хорипэ́н морёскиро (дэрьявэ́скиро).

Матфеё 14:14

И сыр Ёв гия́ анги́л, дыкхця́ бут манушэ́н; и Ёв потангиндя лэн и высастякирдя́ насвалэн.

Матфеё 20:34

И потангиндя лэн Ису́со, чиладя́ лэ́нгирэ якха́; и екха́тыр (сра́зу) ёнэ лынэ́ тэ дыкхэ́н и гинэ́ Лэ́са сыр сыкляибны́тка.

Матфеё 9:36

Ке́ли Ёв дыкхця́ бут манушэ́н, тэды древа́н потангиндя лэн, пал-дова́ со ёнэ пынэ́ дро ду́хо и сыс кажно пэ́скэ, сыр бакря́ би чхупнарискиро.

Marko 1:41

Исусо́скэ яця́ танго (жалко) лэс: “Ма́нгэ исын пир ило́, яв састо́”, – пхэндя́ Ёв, протырдыи васт, и чиладя́ лэс.

Marko 5:19

Нэ Ису́со на дыя́ лэ́скэ тэ джал пал Лэ́стэ. “Джа́ кхэрэ́ – ракирэ́ла Ёв лэ́скэ”, – и роспхэн сарэ́нгэ, со ту́са кэрдя́ Рай Дэвэ́л, саво́ лачхипэ́н Ёв ту́кэ кэрдя́ и сыр потангиндя тут.’”

Marko 6:32

И ёнэ отплывиндлэ (дынэ́ пли́ма дурэдыр) пэ ба́рка (лодка) пэ штэ́то, кай никонэ́с на сыс.

Marko 6:34

Ке́ли Ису́со выгия́ пэ брэ́го и дыкхця́ бут манушэ́н, Ёв потангиндя лэн, пал-дова́ со ёнэ сыс сыр бакря́ би чхупнарискиро; и Ёв яця́ лэн тэ сыклякирэ́л.

Marko 8:3

ко́ли Мэ розмэкава криг лэн пир кхэра́ бокхалэнца, ёнэ пир дром вымарэнапэ зорья́тыр, пал-дова́ со бут лэ́ндыр явнэ́ дура́л.”

Marko 9:22

И частэс ду́хо чхурдэлас лэс дрэ яг и дро пани́ тэ хасякирэ́л лэс. Нэ ко́ли ту дэ́са ра́да тэ кэрэ́с вари-со, мэк тэ явэ́л ту́кэ пэ ило́ тэ дэс васт амэ́нгэ.”

Luka 15:20

Уштыя́ ёв и гия́ кэ пэ́скиро дад. Ке́ли ёв сыс ишчо (инкэ́) дур пэ́скирэ кхэрэ́стыр, дад дыкхця́ лэс; дадэ́скирэ илэскэ яця́ танго лэс и дад праста́ндыя, обухтылдя чхавэ́с вастэ́нца и обчамудя лэс.

Luka 7:13

Ке́ли Рай Дэвэ́л дыкхця́ ла, Лэ́скэ яця́ танго (жалко) ла и Ёв пхэндя́ ла́кэ: “На ров”

Юдэ́нгэ 2:17

Ваш дава́ Христосо́скэ трэиндя́ тэ явэ́л адасаво́-паць, сыр Лэ́скирэ пша́ла, соб (кай) ёв тэ явэ́л лачхэ́-илэ́скиро и чачуно́ Англатуно́ Раша́й тэ дынаринэ́л анги́л Дэвлэ́стэ, соб (кай) Ёв тэ отмэкэ́л манушэ́нгирэ грэ́хи;

Юдэ́нгэ 4:15

Амэ́ндэ исын на адасаво́ англатуно́ раша́й, саво́ на могинэ́ла тэ помогинэл (тэ подэл васт) амэ́нгэ дро амаро́ бизорьякирибэн, нэ Адасаво́ Англатуно́ Раша́й, Саво́ сыс пропатякирдо дро саро́, нэ сыр и амэ, нэ Саво́ на кэрдя́ грэ́хо.

Юдэ́нгэ 5:2

а пал-дова́, со адасаво́ раша́й кокоро́ нанэ зорало́ пир саро́, Ёв могинэ́ла тэ сыкавэ́л ковлыпэн кэ мануша́, савэ́ на джинэ́на и одолэ́, савэ́ змардэпэ чачунэ́ дромэ́стыр,