Marko 13:6 - Библия - Пэ Балтитко Романи чиб (Романэс) 2019

⁶ Бут явэ́на кэ тумэ́ Мирэ́ лавэ́са и явэ́на тэ ракирэ́н: ‘Мэ сом’, и бутэн хохавэна.

Biblija - Pe Baltitko Romani čib (Romanes) 2019

⁶ But javéna ke tumé Miré lavésa i javéna te rakirén: ‘Me som’, i buten xohavena.

Marko 13:6 Iomraidhean Croise

Marko 13:22

явэ́на хоханэ́ Христосы, хоханэ́ проро́ки; ёнэ сыкавэ́на барэ́ ґэртыка (знаме́нии) и кэрэ́на ди́вы, соб (кай) тэ хохавэн аж кодолэ́н манушэ́н, савэ́н Дэвэ́л выкэдыя́, ко́ли явэ́ла сашты́.

1 Ian 4:1

Дро́га мирэ́! На патя́н кажнонэ́ духоскэ, а спробинэн (пропатякирэн) ду́хи, ци Дэвлэ́стыр исын ёнэ, пал-дова́ со бут хоханэ́ проро́ки явэ́на дро свэ́то.

Joannostir 8:24

палдова́ Мэ и пхэндём тумэ́нгэ, со тумэ́ мэрэ́на дрэ тумарэ́ грэ́хи; ко́ли тумэ́ на упатяна, со дава́ сом Мэ, то тумэ́ сарэ́ мэрэ́на дрэ грэ́хи!”

Joannostir 5:43

Мэ явдём кэ тумэ́ ваш Мирэ́-Дадэ́скиро лав, и тумэ́ Ман на приґалёна, нэ ке́ли вари-кон яви́р явэ́ла кэ тумэ́ кокоро́ пэ́стыр, тумэ́ приґалёнас лэс.

Матфеё 24:11

и явэ́на бут хоханэ́ проро́ки и хохавэна бут манушэ́н;

Матфеё 24:5

Пал-дова́, со бут явэ́на Мирэ́ лавэ́са, ракири́: ‘Мэ сом Христо́со,’ и хохавэна бут манушэ́н.

Ереме́ё 14:14

И пхэндя́ Рай Дэвэ́л ма́нгэ: “Проро́ки ангилпхэнэна хохаибэ́н Мирэ́ лавэ́стыр; Мэ на бичхадём лэн, и Мэ на припхэндём лэ́нгэ, и Мэ на пхэндём лэ́нгэ: ёнэ ангилпхэнэна тумэ́нгэ хохано́ дыкхибэ́н (суныбэн), и чхучэ́ чары; дова́, со на мол ничы́, и хохаибэ́н, со джа́ла лэ́нгирэ илэндыр.

Marko 13:5

Ису́со отпхэндя́ Лэ́нгэ: “Ракхэ́нпэ, соб (кай) нико́н тэ на хохавэ́л тумэн.

Marko 13:7

Ке́ли тумэ́ шунэна пал марибэ́н и мавлыня (малвы) пал марибэна, на андыршан. Саро́ дава́ трэй тэ явэ́л, нэ дава́ ишчо (инкэ́) на саро́.

Joannostir 8:28

Адя́кэ Ису́со пхэндя́ лэ́нгэ: “Ке́ли ґаздэ́на Чхавэ́с Манушэскирэс, тэды тумэ́ уґалёна, со дава́ сом Мэ, и со Мэ нисо́ на кэра́ва Пэ́стыр; нэ, сыр сыклякирдя́ Ман Миро Дад, адя́кэ и Мэ ракира́ва.