Marko 13:11 - Библия - Пэ Балтитко Романи чиб (Романэс) 2019

¹¹ Ке́ли тумэн лыджа́на тэ здэн, на пиридживэн анги́л, со тумэ́нгэ тэ ракирэ́н; ракирэ́н дова́, со тумэ́нгэ явэ́ла дыно́ дрэ дова́-паць мардо́ (шту́нда) тэ ракирэ́н; пал-дова́ со на тумэ́ кокорэ́ явэ́на тэ ракирэ́н, а Свэ́нто Ду́хо (Фа́но).

Biblija - Pe Baltitko Romani čib (Romanes) 2019

¹¹ Kiéli tumen lydžána te zden, na piridživen angíl, so tuménge te rakirén; rakirén dová, so tuménge javéla dynó dre dová-pac' mardó (štúnda) te rakirén; pal-dová so na tumé kokoré javéna te rakirén, a Svénto Dúho (Fáno).

Marko 13:11 Iomraidhean Croise

Apostolengiri Butý 6:10

Адалэ́ мануша́ сыс бизорья́кирэ анги́л Духоскири зор и годы́, савья́са ракирдя́ Стехвано.

1 Petr 1:12

Лэ́нгэ сыс сыкадо, со ёнэ дынаринэ́нас (служынэ́нас) на пэ́скэ, а тумэ́нгэ, пал-дова́ со тумэ́нгэ роспхэндлэ́ бахталы́ зан (звесь) Духо́скирэ зорья́са, а пал дава́ аж Янго́лы сыклякирэнас миштэ́с.

1 Коринфянэнгэ 2:13

пал со амэ ракираса лавэ́нца, савэ́ на манушытконэ́-годьварипнастыр, а лавэ́нца, савэ́ свэ́нто Ду́хо (Фа́но) сыклякирдя́, ке́ли амэ пирипхэнаса Духоскиро одолэ́нгэ, конэ́стэ исын Ду́хо (Фа́но).

Jakov 1:5

Ко́ли вари-конэ́стэ тумэ́ндыр на ухтылэл (на́доси) годы́, то мэк ёв тэ мангэ́л Дэвлэ́стыр, Саво́ дэ́ла сарэ́нгэ, кон камэ́ла, и Саво́ на выракирэла, а дэ́ла лэ́скэ:

Эфесянэнгэ 3:5

савэ́ на сыс англэды́р джиндлэ́ ни екхэ́ манушытконэ́ родо́скэ адя́кэ, сыр ёнэ какана́ исын отчхакирдэ Лэ́скирэ Свэнтонэ́ Апостолэнгэ и пророкэнгэ пир Свэ́нто Ду́хо (Фа́но),

Apostolengiri Butý 4:31

И ке́ли ёнэ пириячнэ тэ мангэ́нпэ Дэвлэ́скэ, тэды дова́ штэ́то, кай ёнэ скэдынэ́пэ, затринскирдяпэ, и гия́ пэ сарэ́ндэ лэ́ндэ Свэнтонэ́-Духоскири зор и ёнэ пхэндлэ́ Дэвлэ́скиро лав муршыпнаса.

Apostolengiri Butý 2:4

И Свэ́нто Ду́хо (Фа́но) пхэрдякирдя́ сарэ́н и ёнэ лынэ́ тэ ракирэ́н пэ яви́р чиба́ (чибья́), сыр Ду́хо (Фа́но) дыя́ во́ля лэ́нгэ.

Isajos 50:4

Рай Дэвэ́л дыя́ ма́нгэ чиб годьварэ́ манушэ́ндыр, соб (кай) Мэ лавэ́са тэ подрикирав кодолэ́с, кон буты́р на вырикирэ́ла; тася́рлэс (ра́нэс) Ёв джингавэла Ман, джингавэла кан Миро, соб (кай) Мэ тэ шунав, сыр сыкляибны́тко.

2 Kralip 23:2

Ра́скирэ-Дэвлэ́скиро ду́хо ракирэ́ла дрэ ма́ндэ, и лав Лэ́скиро сыс пэ чиб ма́ндэ.

Apostolengiri Butý 3:13

Дэвэ́л Авраамо́скиро и Исако́скиро и Яково́скиро, Дэвэ́л амарэ́ дадэ́нгиро, прославиндя Пэ́скирэ Чхавэ́с Исусо́с, Савэс тумэ́ здынэ и Савэ́стыр отпхэндлэпэ анги́л Пилатостэ, ке́ли Пила́то отсэндиндя тэ отмэкэ́л Лэс пэ во́ля.

Joannostir 3:27

Иа́но отпхэндя́ и пхэндя́ лэ́нгэ: “Ману́ш нашты́ нисо́ тэ кэрэ́л кокоро́ пэ́стыр, ко́ли на явэ́ла дыно́ лэ́скэ болыбна́стыр.

Marko 13:9

Дыкхэ́н жа пал пэ́стэ; тумэн явэ́на тэ сэндинэ́н, и явэ́на тэ марэ́н дрэ синагоги. Пал Ма́ндэ тумэн явэ́на тэ тырдэн анги́л рандэ и кралье́ндэ, и тумэ́ явэ́на тэ допхэнэн лэ́нгэ пал Ма́ндэ.

Матфеё 10:17

Нэ ракхэ́нпэ манушэ́ндыр: пал-дова́ со явэ́на тэ здэн тумэн пэ сэ́ндо, и явэ́на тэ марэ́н тумэн чупняса дрэ лэ́нгирэ синагоги;

Apostolengiri Butý 7:55

Нэ Стехвано, саво́ сыс пхэрдо́ Свэнтонэ́ Духо́са, дыкхця упрэ́ пэ болыбэ́н и дыкхця́ Дэвлэ́скири сла́ва и Исусо́с, саво́ сыс тэрдо́ пир чачи́ риг Дэвлэ́стыр,

Apostolengiri Butý 6:15

Сарэ́, кон сыс бэшто́ дрэ Синедрионо, ракхунэс дыкхнэ́ пэ Стехваностэ, и дыкхнэ́, со муй лэ́скиро зяинэла сы́рбы муй Янголостэ.

Marko 13:12

Пшал явэ́ла тэ бикнэл пэ мэрибэ́н пшалэ́с и дад явэ́ла тэ бикнэл пэ́скирэс биято́с; чхаворэ́ явэ́на тэ бикнэн пэ́скирэ дадэн, соб (кай) тэ мулякирэ́н лэн.

Luka 21:12

Нэ анги́л саро́ дава́ мануша́ явэ́на тэ закэдэн тумэн и тэ традэ́н тумэн, явэ́на тэ здэн тумэн дрэ синагоги и штарибэна; и явэ́на тэ лыджа́н тумэн анги́л кралье́ндэ и балунитконэндэ пал Миро лав;