Marko 13:10 - Библия - Пэ Балтитко Романи чиб (Романэс) 2019

¹⁰ Нэ англэды́р сарэ́стыр трэй тэ пхэнэлпэ лав Евангелиятыр ваш сарэ́ на́цыи.

Biblija - Pe Baltitko Romani čib (Romanes) 2019

¹⁰ Ne angledýr saréstyr trej te phenelpe lav Jevangielijatyr vaš saré nácyi.

Marko 13:10 Iomraidhean Croise

Матфеё 24:14

И явэ́ла тэ пхэнэлпэ бахталы́ зан (звесь) пал Дэвлэ́скиро Кралипэ́н пир саро́ свэ́то сыр допхэныбэ́н ваш сарэ́ на́цыи; и тэды явэ́ла ко́нцо (яго́ро)!

Колосянэнгэ 1:23

ко́ли тумэ́ сан зоралэ́ дро ду́хо (фа́но) тэ дживэ́н пир патяибэ́н и на отджана дрэ наде́я бахталэ́ занятыр (звесятыр), сави́ тумэ́ шундлэ́, и сави́ роспхэнэлапэ пир саро́ джидо́, со сыс создыно́ тэл болыбэ́н, сави́ Мэ, Па́вли, лыём тэ роспхэнав.

Sykadyipén 14:6

И мэ дыкхцём явирэ Янголо́с, саво́ вурнялас вучэ́с дро фа́но (воздухо), машкира́л болыбэ́н, конэ́стэ сыс ве́чно Ева́нгелия, соб (кай) тэ миштопхэнэл одолэ́нгэ, савэ́ дживэ́нас пэ пхув, кажнонэ́ кхэритконэ́ родо́скэ и родыцо́скэ и екхэ́-чиба́кирэ ирья́кэ/сэм΄я́кэ (чибакэ/ чибьякэ) и кажнонэ́-манушытконэ́ нацыя́кэ.

Колосянэнгэ 1:6

сави́ явдя́ и кэ тумэ́ и сави́ розджалапэ пир саро́ свэ́то и янэ́ла бахтякирибэ́н и барьёла, сыр и машки́р тумэ́ндэ, долэ́-паць дывэсэ́стыр, ке́ли тумэ́ шундлэ́ и уджиндлэ́ Дэвлэ́скиро бахталыпэ́н, саво́ исын дро чачипэ́н;

Римлянэнгэ 10:18

Нэ мэ пхучава: “Нау́што (неужэли) ёнэ на шундлэ́? Шундлэ́, чачэс; лэ́нгири зан прогия́ пир сари́ пхув, и лэ́нгирэ лава́ сыс шундлэ́ пэ свэто́скирэ яго́ры (кра́и).”

Marko 16:15

Ису́со пхэндя́ лэ́нгэ: “Джа́н пир саро́ свэ́то (лот) и пхэнэ́н лав Евангелиятыр кажнонэ́ джидэ́ создыибнаскэ.

Римлянэнгэ 15:19

ґэртыкакирэ зорья́са и дивэнца, Дэвлэ́скирэ Духо́скирэ зорья́са адя́кэ, со мэ пхэрдэ́с роспхэндём Христососкири бахталы́ зан (звесь) Ерусалимо́стыр и пашы́л дава́ фо́ро кэ Илирика;

Римлянэнгэ 1:8

Англыдыр сарэ́стыр мэ парикирава Дэвлэ́скэ Мирэ́скэ пир Исусо́стэ Христосо́стэ пал сарэ́ндэ тумэ́ндэ, пал-дова́ со патяибэ́н тумаро́ исын джиндло́ сарэ́ свэтоскэ.

Матфеё 12:41

Мануша́ Ниневиятыр ґаздэ́напэ пэ сэ́ндо кадалэ́ манушэ́нца и допхэнэна пэ лэ́ндэ, пал-дова́ со ёнэ рисинэ́ пэ́скирэ грэхэ́ндыр кэ Дэвэ́л, ке́ли о Иона пхэнэлас, и, акэ, ада́й исын Екх, Саво́ исын буты́р Ионастыр.