Marko 13:1 - Библия - Пэ Балтитко Романи чиб (Романэс) 2019

¹ Ке́ли Ису́со выджа́лас Кхангирья́тыр, екх сыкляибнытконэндыр ракирэ́ла Лэ́скэ: “Дыкх, Сыклякирибнарискиро! Савэ бара́! Савэ упрэкэрибэна!”

Biblija - Pe Baltitko Romani čib (Romanes) 2019

¹ Kiéli Isúso vydžálas Khangirjátyr, jekh sykliaibnytkonendyr rakiréla Léske: “Dykh, Sykliakiribnariskiro! Save bará! Save uprekeribena!”

Marko 13:1 Iomraidhean Croise

Ереме́ё 51:61

И пхэндя́ Ереме́ё Сераияскэ: “Сыр ту явэ́са кэ Вавило́но, дыкх жа, прогин зоралэ́с сарэ́ далэ́ лава́:

Езэкилё 10:19

И ґаздынэ́ херувимы пэ́скирэ пхака́ (крылы) и ґаздынэ́пэ пэ мирэ́ якха́ пхувья́тыр. Ке́ли ёнэ джа́нас, то и ро́ты сыс пашы́л лэ́ндэ, и ячнэ́ ёнэ пашо загиибэ́н дрэ васточно Ра́скирэ-Дэвлэ́скиро Кхэрэ́скиро вуда́р. И Израилёскирэ-Дэвлэ́скири сла́ва сыс упрэ́ лэ́ндыр.

Езэкилё 10:4

И ґаздыя́пэ Ра́скирэ-Дэвлэскри сла́ва херувимостыр и догия́ кэ Кхэрэ́скиро про́го, и Кхэр пхэрдякирдяпэ облокоса, и сыс дуд пэ грэ́да, сави́ зяинэлас Ра́скирэ-Дэвлэ́скирэ славатыр.

Езэкилё 8:6

И пхэндя́ Ёв ма́нгэ: “Манушэ́скиро чхава! Дыкхэ́са ли, со ёнэ кэрэ́на? Баро́ джунгалыпэ́н, саво́ кэрэ́ла ада́й Израилёскиро Кхэр (Кхангири́), соб (кай) Мэ тэ джав криг Мирэ́ свэнтонэ́ штэто́стыр? Нэ обрисёв, и дыкхэ́са джунгалыпэ́н (брыткима) ишчо (инкэ́) буты́р.