Luka 7:7 - Библия - Пэ Балтитко Романи чиб (Романэс) 2019

⁷ и мэ гинава, со мэ на сом мол тэ явав кэ Ту; нэ Ту пхэн лав, и явэ́ла миро дына́ри нэвэ́стыр састо́.

Biblija - Pe Baltitko Romani čib (Romanes) 2019

⁷ i me ginava, so me na som mol te javav ke Tu; ne Tu phen lav, i javéla miro dynári nevéstyr sastó.

Luka 7:7 Iomraidhean Croise

Psalmy 107:20

Ёв бичхадя́ Пэ́скиро лав и высастякирдя́ лэн и выракхця лэн лэ́нгирэ хасибнастыр.

Psalmy 33:9

Ке́ли Ёв пхэндя́, и саро́ кэрдя́пэ; ёв дыя́ припхэныбэ́н и саро́ яця́.

Vygiiben 15:26

И пхэндя́: “Ко́ли ту явэ́са тэ шунэ́с ракхунэс Ра́скирэ-Дэвлэ́скири, тырэ́ Дэвлэ́скири зан, и тэ кэрэ́с лачхипэ́н анги́л Лэ́скирэ якха́, и тэ шунэ́с Лэ́скирэ припхэныбэна́, и тэ ракхэ́с сарэ́ Лэ́скирэ упхэныбэна́, тэды Мэ на лыджа́ва пэ ту́тэ ни екх дукхэндыр, савэ́ Мэ лыджиём пэ Еги́пто, пал-дова́ со Мэ сом Рай Дэвэ́л, Тыро́ састякирибнари.”

Marko 1:27

И сарэ́ страха́дынэ и пхучэнас екх екхэстыр: “Со да дасаво исын? Нэво́ сыклякирибэ́н и дасавэ́ зорья́са! Ёв аж припхэнэла налачхэ́ духэнгэ (фанэнгэ) и долэ́ кандэ́на Лэс!”

Luka 4:36

И ёнэ сарэ́ зоралэ́с дивиндлэ́пэ и ракирдэ́ екх екхэ́скэ: “Со дава́ значынэ́ла, со Ёв припхэнэла налачхэ́ духэнгэ зорья́са и правоса, и ду́хи (фаны) выджа́на?”

Luka 5:13

Ису́со протырдыя́ васт, чиладя́ лэс и пхэндя́: “Кама́м, ту какана́ сан жужо́ (чысто).” И ада́й жэ ёв сыс высастякирдо проказатыр.

Luka 7:6

И гия́ Ису́со лэ́нца; нэ, ке́ли Ёв сыс на́дур лэ́скирэ кхэрэ́стыр, то бичхадя́ пэ́скирэ малэн тэ пхэнэ́н Лэ́скэ: “Раё Дэ́вла! На мэнчын Пэс; пал-дова́ со мэ на сом мол, соб (кай) Ту тэ заджас дро Миро кхэр;

Luka 7:8

И мэ адя́кэ-паць сом ману́ш, пэ конэ́стэ исын барыдыро́, и ма́ндэ исын халадэ́, савэ́ кандэ́на ман, и мэ пхэна́ва екхэ́скэ: ‘Джа́’ и джа́ла; и явирэскэ: ‘Яв’ и явэ́ла, и кадалэскэ дынари́скэ мирэ́скэ: ‘Кэр дава́,’ и кэрэ́ла.”

Яви́р Зако́но 32:39

Тумэ́ дыкхэ́на акана́, со дава́ Мэ сом, Мэ – и нанэ Дэвлэ́с (нанэ Дэвэ́л), апри́ч Ма́ндэ: Мэ мулякирава и отджидякирава, Мэ насвалякирава, и Мэ састякирава, и нико́н на зракхэ́ла Мирэ́ вастэ́стыр.

1 Kralip 2:6

Рай Дэвэ́л мулякирэ́ла и отджидякирэла, злыджала пэ до свэ́то и вылыджала;