Luka 7:6 - Библия - Пэ Балтитко Романи чиб (Романэс) 2019

⁶ И гия́ Ису́со лэ́нца; нэ, ке́ли Ёв сыс на́дур лэ́скирэ кхэрэ́стыр, то бичхадя́ пэ́скирэ малэн тэ пхэнэ́н Лэ́скэ: “Раё Дэ́вла! На мэнчын Пэс; пал-дова́ со мэ на сом мол, соб (кай) Ту тэ заджас дро Миро кхэр;

Biblija - Pe Baltitko Romani čib (Romanes) 2019

⁶ I gijá Isúso lénca; ne, kiéli Jov sys nádur léskire kheréstyr, to bičhadiá péskire malen te phenén Léske: “Rajo Dévla! Na menčyn Pes; pal-dová so me na som mol, sob (kaj) Tu te zadžas dro Miro kher;

Luka 7:6 Iomraidhean Croise

Džiibén 32:10

Мэ на сом мол саро́ лачхипэ́н и тангипэ́н, савэ́ Ту кэрдя́н Тырэ́ писхари́скэ; пал-дова́ со мэ мирэ́ кхияса пиригиём дава́ Иорда́но; а акана́ ма́ндэ исын дуй табуны.

Pritčy 29:23

Кон пхутёла, кодова́ пэрэ́ла тэлэ́, нэ напхутькирдо дро ду́хо (фа́но) ману́ш дорэсэ́ла паты́в.

Матфеё 20:28

адя́кэ сыр Чхаво́ Манушэ́скиро явдя́ на ваш дова́, соб (кай) Лэ́скэ тэ дынаринэ́л, нэ соб (кай) Ёв тэ дынаринэ́л и тэ отдэ́л Пэ́скиро джиибэ́н, сыр выкиныбэ́н пал бутэндэ.”

Матфеё 3:11

Мэ болава тумэн пане́са пал тумаро́ при ґалыибэ́н дрэ грэ́хи, нэ Ёв, Саво́ джа́ла пал ма́ндэ, исын зоралэды́р ма́ндыр, Конэ́скэ ґэритка мэ на сом мол тэ злав; Ёв явэ́ла тэ болэл тумэн Свэнтонэ́ Духо́са (Фаноса) и яга́са.

Marko 5:24

И Ёв (Ису́со) гия́ лэ́са; пал Лэ́стэ гинэ́ бут мануша́, тасави Лэс.

Luka 5:8

Ке́ли Си́моно дыкхця́ дава́, ёв пыя́ пэ анги́л Исусо́стэ пэ чанга́ и пхэндя́: “Мэк ман, Раё Дэ́вла, мэ сом грэхи́тко ману́ш!”

Luka 7:4

И годэпхурэ́ явнэ́ кэ Ису́со и древа́н мангнэ́ Лэс, ракири́: “Кадава́ ману́ш исын мол, соб (кай) Ту тэ помогинэс Лэ́скэ.

Luka 7:5

Пал-дова́ со лэ́скэ исын дро́га амарэ́ мануша́ и ёв чхудя́ синагога ваш амэ́нгэ.”

Luka 7:7

и мэ гинава, со мэ на сом мол тэ явав кэ Ту; нэ Ту пхэн лав, и явэ́ла миро дына́ри нэвэ́стыр састо́.

Luka 8:49

Ке́ли Ису́со ракирдя́ дава́, явдя́ бичхадо́ ману́ш синагогакирэ-барыдырэскирэ кхэрэ́стыр: “Чхай тыри́ мыя́, палсо́ ишчо (инкэ́) тэ пхарьякирэс Сыклякирибнаскирэс?”

Apostolengiri Butý 10:38

пал Исусо́стэ Назаретостыр: сыр Дэвэ́л дыя́ Свэ́нто Ду́хо (Фа́но) Лэ́скэ и зор, и, сыр Ёв псирдя́ пир сари́ пхув, кэрдя́ лачхипэ́н и састякирдя сарэ́н, савэ́ндэ сыс налачхэскири зор, пал-дова́ со Дэвэ́л сыс Лэ́са.

Jakov 4:10

Чхувэ́н пэс тэлэды́р анги́л Дэвлэ́стэ, и Ёв ґаздэ́ла вучэ́с тумэн.

Jakov 4:6

Нэ Дэвэ́л дэ́ла барэды́р бахтякирибэ́н. Пал-дова́ со и исын пхэндло́: “Дэвлэ́скэ исын на дро́га пхутькирдэ́, а Ёв бахтякирэ́ла напхутькирдэ манушэ́н.”