Luka 4:1 - Библия - Пэ Балтитко Романи чиб (Романэс) 2019

¹ Ису́со сыс пхэрдо́ Свэнтонэ́ Духо́са и рисия́ Иорданостыр и Ду́хо (Фа́но) лыджия́ Лэс пэ чхучи́ пхув,

Biblija - Pe Baltitko Romani čib (Romanes) 2019

¹ Isúso sys pherdó Sventoné Duhósa i risijá Iordanostyr i Dúho (Fáno) lydžijá Les pe čhučí phuv,

Luka 4:1 Iomraidhean Croise

3 Kralip 18:12

Сыр мэ джа́ва ту́тыр, тэды Ду́хо (Фа́но), Ра́скирэ-Дэвлэ́скиро, лыджа́ла криг тут, мэ на джино́м, карик; и ко́ли мэ джа́ва тэ пхэна́в Ахавоскэ, и ёв на латхэ́ла тут, то ёв замарэла ман; нэ писха́ри тыро́ дарэ́ла Ра́стыр-Дэвлэ́стыр тэрнэ́ бэршэ́ндыр.

3 Kralip 19:4

И гия́ ёв пэ чхучи́ пхув пэ цэ́ло дывэ́с, и явдя́, и бэсця́ тэл вэрэсытко хру́сто. И ёв мангдя́пэ Ра́скэ-Дэвлэ́скэ, соб (кай) ёв, тэ мэрэ́л, и пхэндя́: “Ухты́лла (до́си) ужэ ма́нгэ, Раё Дэ́вла, лэ миро джиибэ́н, пал-дова́ со мэ на сом фэды́р мирэ́ дадэндыр.”

Isajos 61:1

Ра́скирэ-Дэвлэ́скиро Ду́хо (Фа́но) исын пэ Ма́ндэ, пал-дова́ со Рай Дэвэ́л помакхця Ман тэ пхэна́в бахтало́ лав (бахталы́ зан) чорорэнгэ; бичхадя́ Ман, соб (кай) тэ састякирав манушэ́н розмардэ илэ́са, тэ пхэна́в пал во́ля одолэ́нгэ, кон исын дрэ наволя (бэшыбэн); тэ пхэна́в манушэ́нгэ дрэ бэшыбэн, со вудара́ бэшыбнытка исын псирадэ (откэрдэ).

Езэкилё 3:14

И ґаздыя́ ман Ду́хо (Фа́но), и лыя́ ман. И джавас мэ пхарэ́ илэ́са, холя́са, и Ра́скирэ-Дэвлэ́скиро зорало́ васт сыс пэ ма́ндэ.

Матфеё 3:16

И сыр Ису́со болдяпэ, Ёв гия́ яври́ екха́тыр (сра́зу) пане́стыр, и, акэ, болыбэ́н псирадыя (отчхакирдяпэ), и Иа́но дыкхця́ Дэвлэ́скиро Ду́хо (Фа́но), Саво́ джа́лас тэлэ́ сыр голумбо, и мэкэласпэ тэлэ́ пэ Исусо́стэ;

Luka 2:27

Ду́хо (Фа́но) лыджия́ лэс и яндя́ дрэ Кхангири́. И ке́ли дад и дай яндлэ́ Биятос Исусо́с, соб (кай) тэ кэрэ́н ваш Лэ́скэ дова́, со трэй пир Зако́но,

Luka 3:3

И ёв явдя́ пэ пхув пашы́л рэка (лэнь) Иорда́но, сыклякири манушэ́н тэ болэнпэ тэ сыкавэ́н, со ёнэ рискирдэ́ пэ́скиро джиибэ́н кэ Дэвэ́л, соб (кай) Ёв тэ отмэкэ́л грэ́хи.

Luka 3:38

Каино сыс Енососкиро чхаво́; Еносо сыс Сифоскиро чхаво́; Сифо сыс Адамоскиро чхаво́; Адамо сыс Дэвлэ́скиро чхаво́.

Luka 4:14

Одотхы́р Ису́со рисия́ дрэ Галиле́я. Ёв сыс пхэрдо́ Духо́са (Свэнтонэ́ Духо́са); и мавлы́н (малва) пал Лэ́стэ розгия́пэ пир сари́ пхув, кай Ёв сыс.

Luka 4:18

“Дэвлэ́скирэ–Ра́скиро Ду́хо (Фа́но) исын пэ ма́ндэ; пал-дова́ со Ёв выкэдыя́ Ман тэ роспхэнав бахталы́ зан (звесь) богэнгэ и бичхадя́ Ман тэ пхэна́в во́ля одолэ́нгэ, савэ́ исын дро пле́но, тэ дыкхэ́н свэ́то корорэнгэ; тэ отмэкав пэ во́ля и тэ дзн васт одолэ́нгэ, савэ́н вэ́рги притасадэ,

Joannostir 1:32

Иа́но допхэнэлас, ракири́: “Мэ дыкхцём Ду́хо (Фа́но), саво́ зджалас болыбна́стыр сыр голумбо, и Ёв яця́пэ пэ Лэ́стэ.

Joannostir 3:34

Пал-дова́ со Кодова́, Конэ́с бичхадя́ Дэвэ́л, ракирэ́ла лава́ Дэвлэ́скирэ, пал-дова́ со Дэвэ́л дэ́ла Пэ́скиро Ду́хо (Фа́но) Лэ́скэ би меракиро.

Apostolengiri Butý 1:2

кэ/жы́ко дова́ дывэ́с, дро саво́ Ёв ґаздыя́пэ пэ болыбэ́н и дыя́ припхэныбэ́н пир Свэ́нто Ду́хо (Фа́но) одолэ́ Апостолэнгэ, савэ́н Ёв Кокоро́ выкэдыя́,

Apostolengiri Butý 10:38

пал Исусо́стэ Назаретостыр: сыр Дэвэ́л дыя́ Свэ́нто Ду́хо (Фа́но) Лэ́скэ и зор, и, сыр Ёв псирдя́ пир сари́ пхув, кэрдя́ лачхипэ́н и састякирдя сарэ́н, савэ́ндэ сыс налачхэскири зор, пал-дова́ со Дэвэ́л сыс Лэ́са.

Apostolengiri Butý 8:39

А ке́ли ёнэ гинэ́ криг пане́стыр, Свэ́нто Ду́хо (Фа́но) гия́ тэлэ́ пэ евнухостэ; а Дэвлэ́скиро Янго́ло одотхы́р лыджия́ Филипос, и евнухо на дыкхця́ лэс буты́р, и ёв радыма́са традыя́ дурэды́р.