Joannostir 13:3 - Библия - Пэ Балтитко Романи чиб (Романэс) 2019

³ Ису́со джиндя́, со Дад саро́ отдыя́ дрэ Лэ́скирэ васта́, и со Ёв явдя́ Дэвлэ́стыр и рисёла кэ Дэвэ́л.

Joannostir Svencono lačopheniben 1933 (Latvia)

³ Iisusos, džinindoi, so Dād saro otdija an Leskīri vasta, te so Jov vijavdža Davlestir te džala ko Dēvel,

Biblija - Pe Baltitko Romani čib (Romanes) 2019

³ Isúso džindiá, so Dad saró otdyjá dre Léskire vastá, i so Jov javdiá Devléstyr i risjola ke Devél.

Joannostir 13:3 Iomraidhean Croise

Матфеё 11:27

Саро́ джиныбэ́н пал Пэ́стэ Дад Миро дыя́ Ма́нгэ, и нико́н сарэ́са на джинэ́ла Чхавэ́с апри́ч Дадэ́стэ и нико́н на джинэ́ла Дадэ́с апри́ч Чхавэ́стэ, и Ёв выкэдэ́ла одолэ́с, конэ́скэ Чхаво́ камэ́ла тэ откэрэл Дадэ́с.

Матфеё 28:18

На Ису́со явдя́ и пхэндя́ лэ́нгэ; “Саро́ право дыно́ Ма́нгэ, сыр пэ болыбэ́н, адя́кэ пэ пхув.

Luka 10:22

Миро Дад пиридыя Ма́нгэ сарэ́ далэ́ кэрибэна; и кон исын Чхаво́, ние́кх на джинэ́ла, екх Дад, и кон исын Дад, ние́кх на джинэ́ла, екх Чхаво́, и одолэ́, конэ́скэ Чхаво́ камэ́ла тэ роспхэнэл.”

Joannostir 1:18

Нико́н никели на дыкхця́ Дэвлэ́с: Екх Екхэбияныпнытко Чхаво́, Саво́ исын усады/сак (всегда) кхэтанэ́ Дадэ́са, Ёв сыкадя́ Лэс амэ́нгэ.

Joannostir 13:1

Анги́л свэ́нко Патради́ Ису́со, сыр джиндя́, со явдя́ пашылэды́р мардо́ (шту́нда) ваш Лэ́скэ тэ мэкэл дава́ свэ́то и тэ рисёл кэ Дад, Лэ́скэ ячнэ́ древа́н дро́га одолэ́, савэ́ дживдэ́ Лэ́са пэ дава́ свэ́то, и какана́ Ёв сыкадя́ сари́ зор Пэ́скирэ ласкаса кэ ёнэ.

Joannostir 17:2

адя́кэ-паць, сыр Ту дыя́н Лэ́скэ право пэ кажно лоч (плоть), адя́кэ-паць и Ёв дэ́ла ве́чно джиибэ́н одолэ́нгэ, конэ́с Ту дыя́н Лэ́скэ.

Joannostir 3:13

Нико́н на сыс пэ болыбэ́н апри́ч Одолэ́стэ, кон гия́ тэлэ́ болыбна́стыр, дава́ исын Чхаво́ Манушэ́скиро, Саво́ дживэ́ла дро Болыбна́скиро Раё.

Joannostir 3:35

Дадэ́скэ исын дро́го лэ́скиро Чхаво́ и Ёв саро́ отдыя́ дрэ Лэ́скирэ васта́.

Joannostir 7:29

Нэ Мэ джино́м Лэс, пал-дова́ со Мэ явдём Лэ́стыр, и Ёв бичхадя́ Ман.”

Joannostir 7:33

Нэ Ису́со: “Ишчо нагара яця́пэ Ма́нгэ тэ явав тумэ́нца, и Мэ джа́ва кэ Одова́ пхэндя́, Кон бичхадя́ Ман.

Joannostir 8:14

Ису́со отпхэндя́ лэ́нгэ: “Ко́ли Мэ Кокоро́ пал Пэ́стэ допхэнава, то Мирэ́ лава́ исын чачунэ́, пал-дова́ со Мэ джино́м, каты́р Мэ явдём и карик Мэ джа́ва; а тумэ́ на джинэ́на, каты́р Мэ явдём и карик Мэ джа́ва.

Joannostir 8:42

Ису́со пхэндя́ лэ́нгэ: “Ко́ли Дэвэ́л тэ явэ́л тумаро́ Дад, тэды тумэ́нгэ явавас бы дро́го Мэ, пал-дова́ со Мэ и явдём Дэвлэ́стыр и Мэ явдём на Кокоро́ Пэ́стыр, нэ Ёв Ман бичхадя́.

Apostolengiri Butý 2:36

И палдава́ джин миштэ́с, саро́ кхэр Израилёскиро, со Дэвэ́л кэрдя́ Кадалэ́ Исусо́са, Ра́са-Дэвлэ́са и Христосо́са, Савэс тумэ́ примардэ пэ трушу́л.”

1 Коринфянэнгэ 15:27

Пал-дова́ со Дэвэ́л Дад чхувэ́ла тэлэ́ саро́ тэл Христосо́скирэ ґэра́ (пирэ́), ке́ли Ёв ракирэ́ла, со “саро́ Ёв чхувэ́ла тэлэ́ тэл Лэ́скирэ ґэра́”, дава́ значынэ́ла, со дава́ саро́ апри́ч Кокорэстэ Дэвлэ́стэ Дадэ́стыр, Саво́ чхудя́ тэлэ́ саро́.

Юдэ́нгэ 1:2

а дрэ далэ́ палатунэ́ (последня) дывэса́ Ёв ракирдя́ амэ́нгэ пир Пэ́скирэ Чхавэ́стэ, Савэс чхудя́ хула́са тэ прилэл Лэ́стыр саро́, и пир Савэ́стэ Ёв создыя́ свэ́то (лот):