Jakov 5:9 - Библия - Пэ Балтитко Романи чиб (Романэс) 2019

⁹ Пшала́лэ, на дэн ґондя́ (на уздыхинэн) холя́са екх пэ екхэ́стэ, соб (кай) тумэ́ тэ на явэ́н сэндиндлэ. Ѓа́да, исын тэрдо́ Сэнда́ри пашы́л вуда́р.

Biblija - Pe Baltitko Romani čib (Romanes) 2019

⁹ Pšalále, na den ĥondiá (na uzdyhinen) xoliása jekh pe jekhéste, sob (kaj) tumé te na javén sendindle. Ĥáda, isyn terdó Sendári pašýl vudár.

Jakov 5:9 Iomraidhean Croise

Džiibén 4:7

Ко́ли кэрэ́са лачхипэ́н, то со́скэ на ґаздэса муй радыпнаса? А ко́ли на кэрэ́са лачхипэ́н, тэды пашы́л вуда́р исын пашто́ грэ́хо (бизо), ёв тырдэла тут кэ пэ, нэ ту яв хула́са пэ лэ́стэ.”

Psalmy 59:15

И ёнэ явэ́на палэ бэльвэленца, и мэк ёнэ тэ выинэн сы́рбы джукэла и тэ псирэ́н трусця́л фо́ро;

Езэкилё 7:12

Явдя́ часо, подги́я дывэ́с. Кон киндя – на ра́дынпэ, кон бикиндя – на ров, пал-дова́ со холямипэн Дэвлэ́скиро исын пэ лэ́ндэ сарэ́ндэ.

Левито 19:18

На отдэ́ палэ чорипнаса (на отха палэ), и на рикир холы́ пэ тырэ́-манушэ́нгирэ чхавэ́ндэ, а сыка́в паты́в кэ тыро́ пашатуно, сыр пэ́скэ. Мэ сом Рай Дэвэ́л.

Матфеё 24:33

Адя́кэ-паць и тумэ́, сыр явэ́на тэ дыкхэ́н, со саро́ дава́ кэрэ́лапэ, джинэ́н, со Ёв исын на́дур, пашы́л вудара́.

Marko 13:29

адя́кэ и тумэ́, сыр дыкхэ́на, со дава́ саро́ адя́кэ кэрлапэ, джинэ́н, со Ёв исын на́дур, пашы́л вудара́.

Marko 6:19

Иродиада рикирдя холы́ пэ Ианостэ и родэлас саштыпэн (возможность) тэ хасякирэ́л лэс, нэ ёй на могиндя́,

1 Коринфянэнгэ 10:11

Дава́ саро́ сыс лэ́нца, соб (кай) мануша́ тэ сыклён, и дава́ сыс чхиндло́ сыр приракхибэн ваш амэ́нгэ, савэ́ дживэ́на дро палатуно́ часо.

1 Коринфянэнгэ 4:5

Тэды на сэндякирэн анги́л дова́, сыр Рай Дэвэ́л явэ́ла, Саво́ дудвалякирэла (обсвэнцынэла) и калэ́ (цёмна) чораханыбэна и откэрэла пэ якха́ адя́кэ-паць ґарадэ́ мысли дро манушы́тко ило́; и тэды сва́ко (кажно) ману́ш дорэсэ́ла (долэла) шарибэ́н Дэвлэ́стыр.

2 Коринфянэнгэ 9:7

мэк кажно ману́ш тэ дэл ада́кицы, кицы́ исын лэ́скэ пир ило́, а на пир зор; пал-дова́ со Дэвлэ́скэ исын дро́го кодова́ ману́ш, кон дэ́ла радыма́са.

Galatenge 5:14

И саро́ Зако́но рикирлапэ пэ екх припхэныбэ́н: “Сыка́в паты́в пэ́скирэ пашатунэ́ манушэ́скэ, сыр кокоро́ пэ́скэ.”

Galatenge 5:26

На ява́са тэ рикирас вучэ́с накх, на ява́са тэ дас зор холякэ екх пэ екхэ́стэ, соб (кай) тэ на дас якхало екх екхэ́с.

Jakov 4:11

Пшала́лэ, на ракирэ́н чорипэ́н екх пэ екхэ́стэ. Ману́ш, саво́ ракирэ́ла чорипэ́н пэ пэ́скирэ пшалэ́стэ, ци сэндинэла пэ́скирэ пшалэ́с, одова́ ману́ш ракирэ́ла чорипэ́н пэ Зако́но и сэндинэла Зако́но. Нэ ко́ли ту сэндинэса Зако́но, тэды ту на кэрэ́са пир Зако́но, а ту сан сэнда́ри.

Jakov 4:12

Исын Екх, Кон дыя́ Зако́но и исын Сэнда́ри, Саво́ могинэ́ла тэ зракхэ́л и тэ хасякирэ́л: нэ кон жа ту сан адасаво́, соб (кай) тэ сэндинэс пхарэ́с явирэ манушэ́с?

Jakov 5:10

Пшала́лэ мирэ́, сыклён пророкэндыр, сыр ёнэ страдындлэ и сыр ґара́ ёнэ ужакирдэ, савэ́ ракирдэ́ Дэвлэ́скирэ лавэ́стыр.

Jakov 5:7

Пшала́лэ, вырикирэн ґара́ (длу́гэс), пака явэ́ла Рай Дэвэ́л. Ѓа́да, ґавитко ману́ш ужакирэ́ла аплодо пхувья́тыр и ваш лэскэ ёв ужакирэ́ла ґара́ (длу́гэс), пака явэ́ла тасярлуно (раннё) и коригуно (позднё) брышы́нд.

1 Petr 4:5

нэ лэ́нгэ трэй явэ́ла тэ дэн отпхэныбэ́н анги́л Одолэ́стэ, Кон явэ́ла сыг тэ сэндякирэ́л джидэн и мулэн.

1 Petr 4:9

прилэ́н манушэ́н сарэ́ илэ́стыр, савэ́ явэ́на кэ тумэ́ би холямэ́ ракирибнаскиро;

Sykadyipén 3:20

Дыкх! Мэ сом тэрдо́ пашы́л вуда́р и марава дрэ лэ́стэ; ко́ли вари-кон шунэ́ла Мири́ зан и псиравэла (отпхандэла) вуда́р, тэды Мэ заджава андрэ́ кэ ёв и ява́ва тэ хав бэльвэлякиро хабэ́н лэ́са и ёв Ма́нца.