Jakov 5:7 - Библия - Пэ Балтитко Романи чиб (Романэс) 2019

⁷ Пшала́лэ, вырикирэн ґара́ (длу́гэс), пака явэ́ла Рай Дэвэ́л. Ѓа́да, ґавитко ману́ш ужакирэ́ла аплодо пхувья́тыр и ваш лэскэ ёв ужакирэ́ла ґара́ (длу́гэс), пака явэ́ла тасярлуно (раннё) и коригуно (позднё) брышы́нд.

Biblija - Pe Baltitko Romani čib (Romanes) 2019

⁷ Pšalále, vyrikiren ĥará (dlúges), paka javéla Raj Devél. Ĥáda, ĥavitko manúš užakiréla aplodo phuvjátyr i vaš leske jov užakiréla ĥará (dlúges), paka javéla tasiarluno (rannjo) i koriguno (pozdnjo) bryšýnd.

Jakov 5:7 Iomraidhean Croise

Ереме́ё 5:24

И ёнэ на пхэнэ́на дро пэ́скиро ило́: “Трэй тэ дарас Ра́стыр-Дэвлэ́стыр, амарэ́ Дэвлэ́стыр, кон бичхавэ́ла брышы́нд, вэснакиро и восенякиро (пал-лынаскиро), дрэ пэ́скиро часо (цы́ро), Кон ракхэ́ла ваш амэ́нгэ упхэндлэ куркэ тэ чхинэн гива́.”

Osija 6:3

Амэ́нгэ трэй тэ джинас буты́р, амэ́нгэ трэй тэ причхувас тэ джинас буты́р Рас-Дэвлэ́с, Лэ́скиро явибэн явэ́ла сыр зло́ко, Ёв явэ́ла сыр брышы́нд, сыр ґаратуно брышы́нд (позднё), со панякирэла пхув.’

Ioil 2:23

Тумэ́, чхаворэ́ Сионоскирэ, радынэ́нпэ, и веселинэнпэ (лошалён) Ра́стыр-Дэвлэ́стыр, тумарэ́ Дэвлэ́стыр, соб (кай) Ёв тэ дэл лачхо́ вэснакиро брышы́нд чачипна́са, и Ёв кэрэ́ла адя́кэ, со явэ́ла брышы́нд, сыр сыс брышы́нд: вэснакиро и пал-лынаскиро (осенякиро) дро пэ́рво чхон.

Заха́рия 10:1

Мангэ́н Ра́стыр-Дэвлэ́стыр брышы́нд, ке́ли вэснакиро ёв трэй тэ явэ́л; Дэвэ́л зазяинэла блискавицаса и дэ́ла тумэ́нгэ ґэнсто брышы́нд, чар пэ фэ́лда.

Матфеё 16:27

Пал-дова́ со явэ́ла Чхаво́ Манушэ́скиро дрэ зорьякири сла́ва Пэ́скирэ Дадэ́скирэ Янголэнца, и тэды кажно (сва́ко) дорэсэ́ла, со явэ́ла мол пал пэ́скиро дова́, со кэрдя́ ёв дро джиибэ́н.

Матфеё 16:28

Чачэс, Мэ ракира́ва тумэ́нгэ: ада́й исын вари-савэ́ мануша́, савэ́ на мэрэ́на, ко́ли анги́л явэ́на тэ дыкхэ́н Чхавэ́с Манушэ́скирэ, саво́ явэ́ла сыр Кра́ли дро Кралипэ́н Пэ́скиро.”

Матфеё 24:27

Пал-дова́ со, сыр блискавица джа́ла вастоко́стыр и яснэдыр явэ́ла кэ западо, адя́кэ явэ́ла Чхаво́.

Матфеё 24:44

Палдава́ явэ́н тумэ́ адя́кэ-паць скэдынэ́, пал-дова́ со Чхаво́ Манушэ́скиро явэ́ла дрэ дасаво мардо́ (шту́нда), со тумэ́ на думинэ́на.

Luka 18:8

Мэ пхэна́ва тумэ́нгэ, со Ёв сы́гэс затэрдёла пал лэ́ндэ. А ке́ли Чхаво́ Манушэ́скиро явэ́ла, ци латхэ́ла Ёв патяибэ́н пэ пхув?”

Luka 21:27

И тэды мануша́ явэ́на тэ дыкхэ́н Манушэ́скирэ Чхавэ́с, Саво́ явэ́ла тэ джал тэлэ́ дрэ о́блоки зорья́са и ярконэ Дэвлэ́скирэ слава́са.

Luka 8:15

а зя́рки, савэ́ пынэ́ пэ лачхи́ пхув, исын сы́рбы мануша́, савэ́ шунэ́на лав и рикирэ́на лэс дро лачхо́ и кандуно ило́ и ёнэ вырикирэна, пака дава́ лав дэ́ла барьякирдо́ (пло́до).” Сыр пхэндя́ Ёв дава́, то ракирдя́: “Конэ́стэ исын кана́, мэк ёв тэ шунэ́л!”

Joannostir 21:22

Ису́со ракирэ́ла лэ́скэ: “Ке́ли Мэ кама́м, соб (кай) ёв тэ явэ́л джидо́ пака Мэ ява́ва, со ту́кэ кэ дава́? Ту джа́ пал Ма́ндэ.”

Joannostir 21:23

И гия́ дава́ лав машки́р пшалэ́ндэ, со одова́ сыкляибны́тко на мэрэ́ла. Нэ Ису́со на пхэндя́ лэ́скэ, со ёв на мэрэ́ла, нэ “Ко́ли Мэ кама́м, соб (кай) ёв тэ явэ́л джидо́, пака Мэ ява́ва, со ту́кэ кэ дава́?”

Римлянэнгэ 15:4

Палдава́ саро́, со исыс чхиндло́ англэды́р, сыс чхиндло́ ваш амэ́нгэ, соб (кай) амэ тэ сыклёвас, соб (кай) амэ́ндэ тэ явэ́л наде́я вырикирибнаса и подрикирибнаса Свэнтонэ́ Чхиныбна́стыр.

Римлянэнгэ 2:7

одолэ́нгэ, кон саро́ часо кэрэ́ла лачхэ́ рэ́нды и пир дава́ родэ́ла сла́ва, чачипэ́н и бимэрибнаскиро ко́нцо (яго́ро), Ёв дэ́ла ве́чно джиибэ́н.

1 Коринфянэнгэ 1:7

палдава́ тумэ́ндэ нанэ ни саво́ наухтылыбэн ни дро вари-саво́ тала́но (дарованиё), ке́ли тумэ́ ужакирэ́на зоралэ́с Христосо́с тэ явэ́л,

Galatenge 5:5

Пал-дова́ со амэ пир Свэ́нто Ду́хо (Фа́но) ужакираса зоралэ́с, ке́ли Дэвэ́л приджиндя амэн чачунэнца пир патяибэ́н.

Galatenge 6:9

ке́ли амэ кэра́са шука́р, тэды амэ́нгэ тэ на кхинёвас, пал-дова́ со амэ ява́са тэ скэдас аплодо дро пэ́скиро часо, ко́ли амэ на пэраса дро ду́хо (фа́но).

Яви́р Зако́но 11:14

то Мэ да́ва тумарэ́ пхувьякэ брышы́нд дрэ пэ́скиро часо, тасярлуно/пэрвотуно (раннё) и коригуно (позднё); и ту скэдэса тыро́ маро́ и тыри́ мол (вино), и елеё тыро́;

Колосянэнгэ 1:11

соб (кай) Лэ́скири бари зор тэ дэл тумэ́нгэ и тэ кэрэ́л тумэн зоралэнца, волякирэнца и бахталэнца,

1 Фесалоникийцэнгэ 1:3

ке́ли амэ рипираса тумэн анги́л амарэ́ Дэвлэ́стэ Дадэ́стэ пал тумари́ буты́ пир тумаро́ патяибэ́н и паты́в кэ яви́р мануша́, амэ джина́са пал тумаро́ вырикирибэн тэ ужакирас лачхипэ́н амарэ́ Ра́стыр-Дэвлэ́стыр, Исусо́стыр Христосостыр анги́л амарэ́ Дэвлэ́стэ-Дадэ́стэ,

1 Фесалоникийцэнгэ 2:19

Кон могинэ́ла тэ явэ́л амарэ́ лачхэ́ ужакирибнаса, ци радыма́са, ци шарибнытконэ вянкаса (коронаса)? Ци дава́ исын на тумэ́ анги́л амарэ́ Растэ – Дэвлэ́стэ, Исусо́стэ Христосо́стэ, сыр Ёв явэ́ла.

1 Фесалоникийцэнгэ 3:13

соб (кай) тэ подрикирэ́л тумарэ́ илэ тэ явэ́н тумэ́ бидошакирэ и свэ́нта анги́л амарэ́ Дэвлэ́стэ и Дадэ́стэ, ке́ли явэ́ла амаро́ Рай Дэвэ́л, Ису́со Христо́со сарэ́ Пэ́скирэ свэнтонэнца. Ами́нь.

Юдэ́нгэ 6:15

а Авраа́мо ужакирдя ґара́ (длу́гэс) и дорэсця́ дова́, пал со Дэвэ́л дыя́ лав лэ́скэ.

Jakov 4:11

Пшала́лэ, на ракирэ́н чорипэ́н екх пэ екхэ́стэ. Ману́ш, саво́ ракирэ́ла чорипэ́н пэ пэ́скирэ пшалэ́стэ, ци сэндинэла пэ́скирэ пшалэ́с, одова́ ману́ш ракирэ́ла чорипэ́н пэ Зако́но и сэндинэла Зако́но. Нэ ко́ли ту сэндинэса Зако́но, тэды ту на кэрэ́са пир Зако́но, а ту сан сэнда́ри.

Jakov 5:10

Пшала́лэ мирэ́, сыклён пророкэндыр, сыр ёнэ страдындлэ и сыр ґара́ ёнэ ужакирдэ, савэ́ ракирдэ́ Дэвлэ́скирэ лавэ́стыр.

Jakov 5:3

Пэ тумаро́ сувнака́й и руп иржа лыя́ упралыпэ́н, дая́ иржа явэ́ла сыр допхэныбэ́н пэ тумэ́ндэ, и схала тумарэ́ маса́ сыр яг. Тумэ́ скэдынэ́ пэ́скэ кучипэ́н пэ палатунэ́ дывэса́.

2 Petr 3:4

и ёнэ явэ́на тэ ракирэ́н: “И кай жа Лэ́скиро лав, со Ёв дыя́, ке́ли Ёв явэ́ла? Пал-дова́ со долэ́ поратыр, ке́ли мынэ́ амарэ́ дада́ нисо́ на парудыя, сыр сыс создыно́ свэ́то.”