Jakov 5:3 - Библия - Пэ Балтитко Романи чиб (Романэс) 2019

³ Пэ тумаро́ сувнака́й и руп иржа лыя́ упралыпэ́н, дая́ иржа явэ́ла сыр допхэныбэ́н пэ тумэ́ндэ, и схала тумарэ́ маса́ сыр яг. Тумэ́ скэдынэ́ пэ́скэ кучипэ́н пэ палатунэ́ дывэса́.

Biblija - Pe Baltitko Romani čib (Romanes) 2019

³ Pe tumaró suvnakáj i rup irža lyjá upralypén, daja irža javéla syr dophenybén pe tuménde, i shala tumaré masá syr jag. Tumé skedyné péske kučipén pe palatuné dyvesá.

Jakov 5:3 Iomraidhean Croise

Džiibén 31:48

И пхэндя́ Лава́но: “Ададывэ́с дая́ бэ́ргица машки́р ма́ндэ и ту́тэ исын сы́рбы якхи́тко (свидетелё). Палдава́ и лэ́скэ дыно́ лав: Галаа́до,

Džiibén 31:52

дая́ бэ́ргица исын якхи́тко, и дава́ рипирибнытко сты́лбо (помнико) исын якхи́тко, со ни мэ на пириджава кэ ту пал дая́ бэ́ргица, ни ту на пириджаса кэ мэ пал дая́ бэ́ргица и пал дава́ рипирибнытко сты́лбо, ваш чорипэ́н.

Džiibén 49:1

И кхардя́ Яково пэ́скирэ чхавэ́н, и пхэндя́: “Скэдэ́нпэ и мэ роспхэнава тумэ́нгэ, со явэ́ла тумэ́нца пэ дывэса́; со явэ́на анги́л:

Ióvo 16:8

Ту кэрдя́н адя́кэ, со мэ сом саро́ дрэ моршки и дава́ исын досыкаибэн пэ ма́ндэ. Ту вышутькирдян ман дрэ петрёнка (измождёно) – и дава́ адя́кэ-паць исын досыкаибэн, кон допхэнэ́ла пэ ма́ндэ.

Isajos 2:2

И явэ́ла дро палатунэ́ (последня) дывэса́: Дэвлэ́скирэ-Кхэрэ́скири бэ́рга явэ́ла чхуды́ упрэстыр, сыр яви́р бэ́рги, и явэ́ла ґаздыны вучэды́р, сыр яви́р набарэ́ бэ́ргицы и выджа́на кэ ёй сарэ́ народы.

Ереме́ё 19:9

И Мэ кэра́ва адя́кэ, со ёнэ явэ́на тэ хан лоч (плоть) пэ́скирэ чхавэ́н и чхае́н, и, кажно (сва́ко) лэ́ндыр, явэ́ла тэ хал пэ́скирэ-малэнгирэ джидэ́ маса́, ке́ли обчхувэна вэ́рги сарэ́ ригэ́ндыр, ке́ли лэ́нгэ явэ́ла пхаро́ вэргэ́ндыр, и кодолэндыр, савэ́ явэ́на тэ тасавэн лэн, и тэ родэ́н лэ́нгиро джиибэ́н.

Mihiejo 3:3

савэ́ ха́на лоч (джидэ́ маса́) мирэ́ манушэ́ндыр, савэ́ лучкирэна цы́па лэ́ндыр, и пхагирэна лэ́нгирэ кокалы́, и чингирэна лэн пэ котэра́ сыр мас ваш пири́, сыр лоч (джидэ́ маса́) ваш кака́ви (котло).”

Mihiejo 4:1

И явэ́ла адя́кэ дрэ палатунэ́ (последня) дывэса́, со бэ́рга Дэвлэ́скирэ Кхэрэ́стыр явэ́ла чхуды́ пэ бэргэнгиро най вучэды́р штэ́то и ёй явэ́ла вучэды́р сарэ́ бэргицэндыр, и мануша́ явэ́на тэ джа́н кэ ёй сыр рэ́ки (лэня́).

Apostolengiri Butý 2:17

“И дрэ палатунэ́ (последня) дывэса́, – ракирэ́ла Дэвэ́л, – Мэ чхува́ва Миро Ду́хо (Фа́но) пэ кажно лоч (плоть), тумарэ́ чхавэ́ и чхая́ явэ́на тэ ангилпхэнэн и тэрнэ́ мануша́ явэ́на тэ дыкхэ́н дова́, со Дэвэ́л дэ́ла лэ́нгэ, а пхурэ́ мануша́ явэ́на тэ дыкхэ́н сунэ́;

Римлянэнгэ 2:5

А пир тыро́ накандыпэн и напорискирдо кэ Ёв ило́, ту кокоро́ пэ́скэ кэдэса буты́р холы́ пэ дывэ́с ваш Дэвлэ́скири холы́, ке́ли Ёв откэрэла Пэ́скиро сэ́ндо,

2 Ximaske 2:17

и лэ́нгиро лав, сыр кирмо (рако), явэ́ла тэ розджалпэ бутэды́р, машки́р лэ́ндэ исын Именеё, и Филито;

Isúso 24:27

И пхэндя́ Ису́со сарэ́ манушэ́нгэ: “Ѓа́да, дава́ бар явэ́ла тумэ́нгэ якхитконэса, пал-дова́ со ёв шундя́ сарэ́ Ра́скирэ-Дэвлэ́скирэ лава́, савэ́ Ёв ракирдя́ амэ́нца; мэк ёв тэ явэ́л якхитконэса проти тумэ́ндэ, соб (кай) тумэ́ тэ на хохавэн анги́л тумарэ́ Дэвлэ́стэ”.

2 Petr 3:3

Нэ англэды́р сарэ́стыр джинэ́н, со дрэ палатунэ́ (последня) дывэса́ явэ́на нахрата мануша́, савэ́ явэ́на тэ санпэ холямэс тумэ́ндыр, а кокорэ́ ёнэ явэ́на тэ кэрэ́н дурэды́р, со лэ́нгэ пир годы́ пир налачхэ́-пэ́скирэ масэ́нгиро тырдыпэ́н,

Sykadyipén 17:16

И дэш шынга́, савэ́ ту дыкхця́н пэ рискирибна́скирэ мурдалэ́стэ, явэ́на древа́н тэ на сыкавэ́н паты́в розмэкнэ джувля́кэ: ёнэ лэ́на сари́ зор ла́тыр и мэкэ́на ла нангяса и ха́на сарэ́са ла́кири лоч (плоть) и хачкирэна ла яга́са.

Sykadyipén 20:15

И ко́ли вари-кон на сыс латхно дрэ джиибнаскри лылвари́, ёв сыс чхурдыно́ дро зеро (озеро) яга́са.

Sykadyipén 21:8

А даранду́ки, напатяибна́скирэ, магирдэ́ дро вари-со, замарибна́рья; одолэ́, кон кэрдя́ биладжаипэ́н, човаханэ́, кон клониндяпэ патыва́са (кэрдэ шэрэ́са) идолэ́нгэ, хохаибна́рья-лэ́нгири паш явэ́ла кхэтанэ́ дро зеро (озеро), со хачола яга́са и дзэвэля́са (сераса); дава́ исын-яви́р мэрибэ́н.”