Jakov 5:16 - Библия - Пэ Балтитко Романи чиб (Романэс) 2019

¹⁶ Приджинэн пэ́скирэ грэ́хи екх анги́л екхэ́стэ, соб (кай) тумэ́ тэ высастён: чачунэ́ манушэ́скиро мангипэ́н кэрэ́ла бари буты́.

Biblija - Pe Baltitko Romani čib (Romanes) 2019

¹⁶ Pridžinen péskire gréhi jekh angíl jekhéste, sob (kaj) tumé te vysastjon: čačuné manušéskiro mangipén keréla bari butý.

Jakov 5:16 Iomraidhean Croise

Džiibén 19:29

И сыс адя́кэ, ке́ли Дэвэ́л хасякирэлас сарэ́ пашатунэ́ фо́рья, Дэвэ́л пририпирдя пал Авраамостэ, и выбичхадя Лотоскирэ-чхавэ́нгиро ро́до одолэ́ штэто́стыр, кай Ёв хасякирэлас фо́рья, кэ савэ́ дживдя́ Лото.

Džiibén 20:17

И Авраа́мо мангдя́пэ Дэвлэ́скэ, и Дэвэ́л высастякирдя́ Авимелехос и лэскирья ромня́ и лэ́скирэ писхарицэн (рабыне́н), и ёнэ лынэ́ тэ биянэн чхавэ́н.

Džiibén 20:7

акана́ ри́скир ромня́ палэ ромэскэ: пал-дова́ со ёв исын проро́ко, и ёв явэ́ла тэ мангэ́лпэ пал ту́тэ, и ту явэ́са джидо́; а ко́ли на рискирэса, тэды джин, со ту, и сарэ́ тырэ́, мэрэ́на.”

Džiibén 32:28

И пхэндя́: “Акана́ лав ту́кэ явэ́ла на Яково, а Израилё; пал-дова́ со ту спробиндян зорья Дэвлэ́са, и ту манушэ́н пиризорьякирэса.”

2 Kralip 19:19

и пхэндя́ крали́скэ: “На чхув ма́нгэ, хула́ё миро, дро грэ́хо, со мэ кэрдём, и на пририпир дова́, саво́ кэрдя́ грэ́хо писха́ри тыро́ дрэ дова́ дывэ́с, ке́ли хула́й миро, кра́ли, выгия́ Ерусалимо́стыр, и на рикир доя́ холы́, кра́лё, пэ ило́ пэ́скиро;

3 Kralip 13:6

И пхэндя́ кра́ли Дэвлэ́скирэ манушэ́скэ: “Ковлякир Рас-Дэвлэ́с, Дэвлэ́с тырэ́с, и мангпэ акана пал ма́ндэ, соб (кай) васт миро могиндя́ тэ рисёл кэ мэ.” И ковлякирдя Дэвлэ́скиро ману́ш муй Рас-Дэвлэ́с, и васт крали́скиро рисия́ кэ ёв, и яця́, сыр англэды́р.

2 Паралипоменоно 30:20

И шундя́ Рай Дэвэ́л Езэкияс, и отмэкця́ грэ́хо манушэ́нгэ.

Ióvo 42:8

Палдава́ лэн акана́ эфта́ гурувэ́н и эфта́ бакрэ́н и джа́н кэ Миро писха́ри Ио́во и янэ́н лэн сыр свэ́нто хачкирибнаскиро дыибэ́н, и мэк Миро писха́ри Ио́во тэ мангэ́лпэ пал тумэ́ндэ. Пал-дова́ со мэ прилава лэ́скиро мангипэ́н, и соб (кай) Ма́нгэ тэ на сыкавав Пэ́скири зор пэ тумэ́ндэ пал тумаро́ дылныпэ́н, пал-дова́ со тумэ́ ракирдэ́ на чачипэ́н пал Ма́ндэ, сыр миро писха́ри Ио́во пхэндя́.”

Psalmy 34:15

ракх пэс тэ кэрэ́с фуипэ́н, кэр лачхипэ́н; ро́дэ рама́нё (миро) и прилэ́ зор тэ латхэс Лэс.

Vygiiben 17:11

И ке́ли Мо́йза ґаздэлас пэ́скирэ васта́, то пиризорьякирэлас Израилё, а ке́ли ёв обмэкэлас пэ́скирэ васта́, то пиризорьякирэлас Амалико;

Vygiiben 9:33

И выгия́ Мо́йза фараоностыр и форо́стыр, и ґаздыя́ пэ́скирэ васта́ кэ Рай Дэвэ́л, и пирияця́ громо и градо, и брышы́нд пирияця́ тэ чхувэлпэ пэ пхув.

Pritčy 15:29

Рай Дэвэ́л дурьёла фуе́ манушэ́ндыр, нэ Ёв шунэ́ла чачунэ́-манушэ́нгири па́тери (моли́тва).

Pritčy 15:8

Рай Дэвэ́л рикирлапэ дрэ риг свэ́нто дыибэ́н, со фуй мануша́ янэ́на, нэ ёв зоралэ́с радынэ́лапэ мангипнастыр, саво́ кэрэ́на дэвлы́тка мануша́.

Pritčy 28:9

Кодолэстэ, кон рискирэ́ла криг пэ́скиро кан, соб (кай) тэ шунэ́л Зако́но, адасавэстэ аж и лэ́скиро мангипэ́н Дэвлэ́скэ исын джунгало́ (брыдко).

Ереме́ё 15:1

И пхэндя́ Рай Дэвэ́л ма́нгэ: “Мэк Мо́йза и Самуи́ло тэ тэрдён анги́л Ма́ндэ, нэ Миро ди на рисёла кэ адалэ́ мануша́. Бичха́в лэн криг Мирэ́ якхэ́ндыр, и мэк ёнэ тэ джа́н пэ́скэ.

Ереме́ё 33:3

‘Кхар Ман Мирэ́ лавэ́са, и Мэ отпхэнава ту́кэ, и Мэ сыкава́ва ту́кэ барэ́ и гарадэ́ рэ́нды (де́лы), и савэ́ ту на джинэ́са!’

Ереме́ё 42:2

и пхэндлэ́ Еремеёскэ, пророкоскэ: “Амэ мангаса зоралэ́с тут, соб (кай) тэ пэрэ́л анги́л ту́тэ амари́ па́тери (моли́тва), и, соб (кай) ту тэ помангэспэ пал амэ́ндэ Ра́скэ-Дэвлэ́скэ, тырэ́ Дэвлэ́скэ, пал сарэ́ндэ, савэ́ ячнэ́пэ, пал-дова́ со бутэндыр яця́пэ древа́н на́бут (куты́) амэ́ндыр, сыр ту дыкхэ́са,

Čysly 11:2

И лынэ́ тэ дэн го́дла мануша́ Мойза́скэ; и помангдяпэ Мо́йза Ра́скэ-Дэвлэ́скэ, и штылыя яг.

Матфеё 21:22

и саро́, со тумэ́ тэ на помангэн патяибна́са, тумэ́ дорэсэ́на.”

Матфеё 3:6

и ёв болдя лэн дро Иорда́но, пало́ дова́, сыр ёнэ приґалёнас пэ́скирэ грэ́хи.

Marko 1:5

И джа́нас кэ ёв бут мануша́ Юдэя́кирэ пхувья́тыр и Ерусалимо́стыр, ёнэ приґалёнас пэ́скирэ грэ́хи, и ёв болдя лэн дрэ рэка (лэнь) Иорда́но.

Luka 9:6

Сыкляибны́тка гинэ́ пир сарэ́ гава́, ёнэ миштопхэнэнас бахталы́ зан (звесь), высастякирэнас усенде (везде).

Joannostir 9:31

Нэ амэ джина́са, со, кон кэрэ́ла грэ́хо, кодолэ́н Дэвэ́л на шунэ́ла, нэ екхэ кодолэ́н, савэ́ славинэна Дэвлэ́с и кэрэ́на, со Лэ́скэ исын лачхо́, кодолэ́с Ёв шунэ́ла.

Apostolengiri Butý 10:38

пал Исусо́стэ Назаретостыр: сыр Дэвэ́л дыя́ Свэ́нто Ду́хо (Фа́но) Лэ́скэ и зор, и, сыр Ёв псирдя́ пир сари́ пхув, кэрдя́ лачхипэ́н и састякирдя сарэ́н, савэ́ндэ сыс налачхэскири зор, пал-дова́ со Дэвэ́л сыс Лэ́са.

Apostolengiri Butý 19:18

И бут мануша́, савэ́ упатя́ндынэ, явэ́нас, и приґалёнаспэ анги́л сарэ́ндэ дрэ пэ́скирэ рэ́нды.

Apostolengiri Butý 8:24

И Си́моно отпхэндя́, пхэни́: “Мангэ́нпэ Дэвлэ́скэ тумэ́ пал ма́ндэ, соб (кай) ма́нца нисо́ тэ на кэрэ́лпэ долэ́стыр, пал со тумэ́ ракирдэ́.”

Римлянэнгэ 3:10

сыр и исын чхиндло́: “Нанэ ние́кх чачуно́ ману́ш;

Римлянэнгэ 5:19

Пал-дова́ со, сыр пал екхэ манушэ́скиро накандыпэн кэрдэ́пэ бут мануша́ грэхитконэнца, адя́кэ-паць и пал Екхэ Манушэ́скиро кандыпэн бут мануша́ ячэ́напэ чачунэнца.

Колосянэнгэ 1:9

Палдава́ и амэ долэ́ дывэсэ́стыр, сыр шундя́м пал дава́, саро́ часо мангасапэ Дэвлэ́скэ пал тумэ́ндэ, и амэ мангаса, соб (кай) Дэвэ́л тэ дэл тумэ́нгэ тэ уджинэл Лэ́скирэ во́ля, годы́ и ґалыибэ́н, со дэ́ла Свэ́нто Ду́хо (Фа́но).

1 Фесалоникийцэнгэ 5:17

Мангэ́нпэ Дэвлэ́скэ саро́ часо;

1 Фесалоникийцэнгэ 5:23

Мэк Дэвэ́л, Саво́ дэ́ла рама́нё, тэ кэрэ́л тумэн свэнтонэнца дро саро́, соб (кай) тумаро́ ду́хо (фа́но), ило́ и маса́ тэ явэ́н бидошакирэ, ке́ли явэ́ла амаро́ Рай Дэвэ́л, Ису́со Христо́со.

1 Фесалоникийцэнгэ 5:25

Пшала́лэ, мангэ́нпэ Дэвлэ́скэ пал амэ́ндэ.

Юдэ́нгэ 11:4

Патяибна́са Авелё яндя́ Дэвлэ́скэ фэдэды́р свэ́нто дыибэ́н, сыр Каино; пир патяибэ́н ёв дорэсця́ допхэныбэ́н Дэвлэ́стыр, со ёв исын чачуно́ ману́ш, ке́ли Дэвэ́л ракирдя́ пал лэ́скиро свэ́нто дыибэ́н и пир Пэ́скиро патяибэ́н, сыр и англэды́р, Авелё ракирэ́ла амэ́нгэ, мэк ёв ужэ мыя́.

Юдэ́нгэ 11:7

Патяибна́са Ноё дорэсця́ подракхибэн пал дова́, со на сыс джиндло́ ни конэ́скэ; ёв свэнтонэ́ дара́са кэрдя́ ковчэго и зракхця́ пэ́скири сэ́м΄я (ири́). Патяибна́са ёв сэндиндя свэ́то, и Дэвэ́л приґалыя лэс чачипнаскирэ чхавэ́са пал лэ́скиро патяибэ́н.

Юдэ́нгэ 12:13

Псирэ́н тумарэ́ ґэрэ́нца пир маму́й (пряма) дроморэ, соб (кай) одолэ́ манушэ́скэ, саво́ исын лангало, тэ на змарэлпэ ґэрэндыр, а соб (кай) ёв тэ джал маму́й (прямэс).

Юдэ́нгэ 13:18

Мангэ́нпэ пал амэ́ндэ: амэ зоралэ́с патя́са, со амэ саро́ кэра́са жужэ́ патыва́са и дживаса пир чачипэ́н.

Isúso 10:12

Ису́со ракирдя́ кэ Рай Дэвэ́л дрэ дова́-паць дывэ́с, дро саво́ отдыя́ Рай Дэвэ́л Амореёс дрэ васта́ Израилёскэ, ке́ли домардя́ лэн дро Гавао́но, и ёнэ домардэ́ сыс анги́л Израилёскирэ-чхавэ́нгиро якха́, и пхэндя́ анги́л Израильтянэндэ: “Тэрдёв, кхам, пэ Гавао́но, и чхон, пэ до́ло Аиалоноскиро!”

1 Petr 2:24

Христо́со Кокоро́ Пэ́скирэ Масэнца ґаздыя́ амарэ́ грэ́хи пэ трушу́л, соб (кай) амэ тэ явас мулэ́ ваш грэ́хо и тэ джива́с пир чачипэ́н: Лэ́скирэ фра́нсы (раны) высастякирдэ тумэн.

1 Ian 3:22

И со амэ тэ на помангас Лэ́стыр, явэ́ла дыно́ амэ́нгэ, пал-дова́ со амэ ракхаса Лэ́скирэ припхэныбэна́ и кэра́са дова́, со исын пир ило́ Дэвлэ́скэ.

1 Kralip 1:12

Машкир дава́ сыр ёй ґара́ (длу́гэс) мангдя́пэ анги́л Растэ-Дэвлэ́стэ, Илиё дыкхця́ пэ ла́кирэ ушта́;

1 Kralip 12:17

ци на укэдыибэн какана́ дро парно́ гив (пшэница)? Нэ мэ рисиём кэ Рай Дэвэ́л, и Ёв бичхавэ́ла громо и брышы́нд, и тумэ́ уджинэна и дыкхэ́на, сыр баро́ грэ́хо, саво́ тумэ́ кэрдэ́ анги́л Ра́скирэ-Дэвлэ́скирэ якха́, манги пэ́скэ крали́с.”

1 Kralip 12:18

И рисия́ тэ кхарэл Самуи́ло кэ Рай Дэвэ́л и Рай Дэвэ́л бичхадя́ громо и брышы́нд дро дова́ дывэ́с; и явнэ́ сарэ́ мануша́ дро бари дар Ра́стыр-Дэвлэ́стыр и Самуилостыр.