Jakov 5:10 - Библия - Пэ Балтитко Романи чиб (Романэс) 2019

¹⁰ Пшала́лэ мирэ́, сыклён пророкэндыр, сыр ёнэ страдындлэ и сыр ґара́ ёнэ ужакирдэ, савэ́ ракирдэ́ Дэвлэ́скирэ лавэ́стыр.

Biblija - Pe Baltitko Romani čib (Romanes) 2019

¹⁰ Pšalále miré, sykljon prorokendyr, syr jone stradyndle i syr ĥará jone užakirde, savé rakirdé Devléskire lavéstyr.

Jakov 5:10 Iomraidhean Croise

2 Паралипоменоно 36:16

Нэ ёнэ сандлэпэ напатывалэс (здикиндлэпэ) Дэвлэ́скирэ бичхаибнаскирэндыр, и на шундлэ́ Лэ́нгирэ лава́, и кошнэпэ пэ Лэ́скирэ пророкэ́ндэ, пака згия Ра́скирэ-Дэвлэ́скири холы́ пэ Лэ́скирэ манушэ́ндэ адя́кэ, со на сыс лэ́скэ зракхибэ́н.

Isajos 39:8

И пхэндя́ Езэки́я Исаёскэ: “Лачхо́ исын Ра́скирэ-Дэвлэ́скиро лав, саво́ ту пхэндя́н, пал-дова́ со дрэ Мирэ́ дывэса́ Ёв бичхавэ́ла ишчо (инкэ́) рама́нё (миро) и зракхибэ́н”.

Ереме́ё 2:30

Ивья́ (напра́снэс) мулякирдём Мэ тумарэ́ чхаворэ́н, ёнэ на прилынэ́ дова́, пал со мэ пирисыклякирдём лэн. Тумэ́ кокорэ́ зачингирдэ куртала́са пэ́скирэ пророкэ́н, сы́рбы шчэр (ле́во), со похала саро́.

Ереме́ё 23:22

Нэ ко́ли ёнэ тэ тэрдён пэ скэдыибэ́н, кай Рай Дэвэ́л дэ́лас годы́ и тэ кэрэ́н адя́кэ, соб (кай) Мирэ́ мануша́ тэ шунэ́н Мирэ́ лава́, соб (кай) тэ рискирэ́н лэн бибахталэ́ дромэ́стыр и фуипнастыр, со ёнэ кэрдэ́.

Ереме́ё 26:16

И тхага́рья и сарэ́ мануша́ пхэндлэ́ рашангэ и пророкэнгэ: “Дава́ ману́ш на домардяпэ (намол) тэ мэрэ́л; пал-дова́ со ёв пхэндя́ амэ́нгэ Ра́скирэ-Дэвлэ́скирэ лавэ́стыр, амарэ́ Дэвлэ́стыр.”

Luka 13:34

Ерусалимо! Ерусалимо! Дро саво́ мулякирэнас пророкэ́н и шулякирэнас барэ́нца кодолэ́н, савэ́н бичхадя́ кэ ту. Кицы́ мо́лы Ма́нгэ исын пэ ило́ тэ скэдав чхаворэ́н тырэ́н, сыр чириклы скэдэ́ла чириклорэн тэл пхак и тумэ́ на камлэ́!

Luka 6:23

Явэ́н бахталэ́ и радынэ́нпэ дро дова́ дывэ́с, пал-дова́ со бари мазу́ри (награда) Дэвлэ́стыр ужакирэ́ла тумэн дро Болыбна́скиро Раё. Адя́кэ лэ́нгирэ дада́ кэрдэ́ пророкэнца.

Apostolengiri Butý 3:21

Савэс болыбэ́н сыс банго́ тэ прилэл кэ/жы́ко дава́ часо, пака Дэвэ́л кэрэ́ла саро́, и пал Конэ́стэ англэды́р ракирдя́ пир Пэ́скирэ свэнтонэ́ пророкэ́ндэ свэто́скирэ англыпна́стыр.

Apostolengiri Butý 7:52

Конэ́с пророкэндыр на традынэ тумарэ́ дада́? Ёнэ замардэ́ (умардэ) одолэ́н, кон анги́л ракирдя́ пал Христосо́скиро явибэн, нэ тумэ́ какана́ ячнэ́ Лэ́скирэ здыибнарья и замарибнарья!

Юдэ́нгэ 13:7

Рипирэн пэ́скирэ сыклякирибнарьен (наставникэн), савэ́ лыджинэ́ тумэн и сыклякирдэ́ тумэн Дэвлэ́скирэ лавэ́скэ, дыкхэ́н пэ лэ́нгиро джиибэ́н кэ ко́нцо (кэ яго́ро); явэ́н дасавэ́-паць дро патяибэ́н, сыр ёнэ исын.

Jakov 4:11

Пшала́лэ, на ракирэ́н чорипэ́н екх пэ екхэ́стэ. Ману́ш, саво́ ракирэ́ла чорипэ́н пэ пэ́скирэ пшалэ́стэ, ци сэндинэла пэ́скирэ пшалэ́с, одова́ ману́ш ракирэ́ла чорипэ́н пэ Зако́но и сэндинэла Зако́но. Нэ ко́ли ту сэндинэса Зако́но, тэды ту на кэрэ́са пир Зако́но, а ту сан сэнда́ри.

Jakov 5:13

Ци вари-кон тумэ́ндыр мэнчынэлапэ? Мэк ёв тэ мангэ́лпэ Дэвлэ́скэ. Ци исын вари-кон радо тумэ́ндыр? Мэк ёв тэ багал псалмы.

Jakov 5:7

Пшала́лэ, вырикирэн ґара́ (длу́гэс), пака явэ́ла Рай Дэвэ́л. Ѓа́да, ґавитко ману́ш ужакирэ́ла аплодо пхувья́тыр и ваш лэскэ ёв ужакирэ́ла ґара́ (длу́гэс), пака явэ́ла тасярлуно (раннё) и коригуно (позднё) брышы́нд.

Jakov 5:9

Пшала́лэ, на дэн ґондя́ (на уздыхинэн) холя́са екх пэ екхэ́стэ, соб (кай) тумэ́ тэ на явэ́н сэндиндлэ. Ѓа́да, исын тэрдо́ Сэнда́ри пашы́л вуда́р.