Jakov 3:9 - Библия - Пэ Балтитко Романи чиб (Романэс) 2019

⁹ Чибаса (чибьяса) барьякираса амэ Дэвлэ́с-Дадэ́с, и кошаса манушэ́н, савэ́н Дэвэ́л создыя́ пир Пэ́скиро дыкхибэ́н.

Biblija - Pe Baltitko Romani čib (Romanes) 2019

⁹ Čibasa (čibjasa) barjakirasa ame Devlés-Dadés, i košasa manušén, savén Devél sozdyjá pir Péskiro dykhibén.

Jakov 3:9 Iomraidhean Croise

Džiibén 5:1

Ѓа́да, исын пхэныбэ́н пал Адамоскиро ро́до: ке́ли Дэвэ́л создыя́ манушэ́с, Ёв создэлас лэс адя́кэ, соб (кай) ману́ш тэ зджал (тэ поджал) пэ Лэ́стэ.

Džiibén 9:6

Кон прочхувэла манушэ́скиро рат, кодолэскиро рат прочхувэлапэ явирэ манушэ́скирэ вастэ́са: пал-дова́ со ману́ш сыс создыно́ пир Дэвлэ́скири патри́н (о́бразо).

2 Kralip 16:5

Ке́ли догия́ кра́ли Дави́до кэ Бахуримо, ґа́да, выгия́ одотхы́р ману́ш Сауло́скирэ кхэрэ́скирэ родо́стыр, пир лав Семеё, Гераскиро чхаво́; ёв гия́ и косцяпэ,

2 Kralip 19:21

И отпхэндя́ Авеса, Саруяскиро чхаво́, и пхэндя́: “Нау́што Семеё на мэрэ́ла пал дава́, со ёв костя Ра́скирэ-Дэвлэ́скирэ помакхибнаскирэс?

1 Паралипоменоно 29:10

И бахтякирдя́ Дави́до Рас-Дэвлэ́с анги́л саро́ скэдыибэ́н, и пхэндя́ Дави́до: “Тэ явэс бахтякирдо́ Ту, Раё Дэ́вла, Израилёскиро, амарэ́ дадэ́скиро, векостыр и пэ ве́ко!

1 Паралипоменоно 29:20

И пхэндя́ Дави́до сарэ́ скэдыибнаскэ: “Тэ бахтякирэн сарэ́ амарэс Рас Дэвлэ́с, Дэвлэ́с амарэс.” – И бахтякирдя́ саро́ скэдыибэ́н Рас-Дэвлэ́с, Дэвлэ́с пэ́скирэ-дадэнгирэс, и пынэ́, и поклониндлэпэ Ра́скэ-Дэвлэ́скэ и крали́скэ.

Psalmy 10:7

[28] Ке́ли ёнэ ракирэ́на, ёнэ кошэна, хохавэна и трашакирэна манушэ́н, лэ́нгири чиб ракирэ́ла чорипэ́н и дошакирэла манушэ́н.

Psalmy 108:1

Гилы́ Давидо́скиро Пса́лмо.

Psalmy 145:1

Давидо́скиро Шарибнытко Пса́лмо. Мэ ява́ва тэ шара́в кэ вучипэ́н Тут, миро Дэ́вла, о Кра́ли и мэ ява́ва тэ вышарав Тыро́ лав усады (сак) и пэ сарэ́ ве́ки.

Psalmy 145:21

Миро муй явэ́ла тэ шарэл Рас-Дэвлэ́с и мэк кажно лоч (плоть) тэ шарэл лэ́скиро Свэ́нто лав усады (сак) и пэ сарэ́ ве́ки.

Psalmy 16:9

Палдава́ миро ило́ исын лошало, и миро ди радынэ́лапэ; и мири́ лоч (плоть) откхинёла дрэ наде́я.

Psalmy 30:12

Ту парудян миро ровибэн дро кхэлыбэн ваш ма́нгэ; Ту злыян миро жалобно балытко гоно́ (вретишчо) праскаса (пеплоса) и Ту уридян ман адя́кэ, со радынэла ман,

Psalmy 34:1

Давидо́скиро Пса́лмо, ке́ли Ёв парудя пэс пэ бигодякирэ Манушэ́стэ анги́л Авимелехостэ, саво́ традыя́ лэс криг и Дави́до гия́ пэ́скэ.

Psalmy 35:28

И мири́ чиб явэ́ла тэ ракирал пал Тыро́ чачипэ́н, и явэ́ла тэ шарэл Тут со дывэ́с.

Psalmy 51:14

Дэ палэ ма́нгэ тэ радынавпэ, со Ту зракхэ́са ман, подрикир ман лачхэ́ духо́са.

Psalmy 57:8

Миро ило́ зоралэ́с патя́ла: Дэ́вла, миро ило́ зоралэ́с патя́ла; мэ ява́ва тэ бага́в и шара́в Тут.

Psalmy 59:12

На замар лэн, соб (кай) мирэ́ мануша́ тэ на бистрэн лэн, росчхурдэ лэн Тырэ́ зорья́са и рав тэлэ́ лэн, амаро́ Раё Дэ́вла, Ту сан шчы́то амаро́.

Psalmy 62:4

Кицы́ тумэ́ явэ́на тэ пэрэ́н пэ екхэ манушэ́стэ? Тумэ́ родэ́на сарэ́н тэ заравэн сыр доя́ ва́нта, со бандия, сыр тыно, со издрала.

Psalmy 63:4

Тыри́ лачхэ́-илы́ткима исын миштэдыр джиибнастыр, мирэ́ ушта́ явэ́на тэ шарэ́н Тут.

Psalmy 71:24

Мири́ чиб явэ́ла адя́кэ-паць тэ ракирэ́л пал Тыро́ чачипэ́н пэ сарэ́ дывэса́; пал-дова́ со одолэ́ мануша́, кон родэ́ла фуипэ́н пэ ма́ндэ, ладжакирдэ́ и нашадэ паты́в.

Ekliesiastos 7:22

Саро́ дава́ мэ спробиндём пир миро годыпэ́н, и мэ пхэндём: “Мэ ява́ва годо́”, нэ дава́ сыс дура́л ма́ндыр.

Isajos 29:13

И пхэндя́ Рай Дэвэ́л: “Палдова́ со дава́ народо джа́ла кэ Мэ пэ́скирэ уштэ́нца и шарэла Ман пэ́скирэ чиба́са, нэ ило́ лэ́скиро дур отгия́ Ма́ндыр, и дова́, со ёнэ ґаздэ́на Ма́нгэ паты́в дрэ дар долэса, со сыклякирэ́на манушэ́нгирэ упхэныбэна́,

Матфеё 26:74

Тэды ёв лыя́ тэ прокошэл и тэ совлахал: “Мэ на джино́м (на джина́в) Кадалэ́ Манушэ́с” И ада́й жэ пробагандя башно.

Матфеё 5:44

Нэ Мэ пхэна́ва тумэ́нгэ: сыкавэ́н паты́в пэ́скирэ вэргэ́нгэ, и мангэ́нпэ Дэвлэ́скэ пал одолэ́ндэ, савэ́ кошэна тумэн, кэрэ́н лачхипэ́н одолэ́нгэ, савэ́ древа́н на камэ́на тумэн и мангэ́нпэ Дэвлэ́скэ пал одолэ́ндэ, савэ́ нашукар отлыджанапэ кэ тумэ́ и традэ́на тумэн;

Apostolengiri Butý 2:26

далэ́стыр обрадындяпэ миро ило́, мири́ чиб кажно мо́ло шарэла Тут и дрэ мирэ́ маса́ исын наде́я.

Римлянэнгэ 3:14

лэ́нгирэ лавэ́ндыр исын екх кошыбэ́н и киркипэн;

1 Коринфянэнгэ 11:7

А ко́ли исын ладжаво джувля́кэ, соб (кай) ла́кирэ бала́ тэ явэ́н обчхиндлэ́ ци тэ явэ́н мурадэ́, мэк ёй тэ запхандэл вари-со́са шэро́. Палдава́ муршэскэ на трэй тэ запхандэл шэро́, пал-дова́ со мурш исын сы́рбы Дэвлэ́скири патри́н (о́бразо) дрэ манушэ́стэ, и мурш сы́рбы зяинэла Дэвлэ́скирэ ярконэ слава́са, а джувлы́ сы́рбы зяинэла ла́кирэ-ромэскирэ слава́са.

Эфесянэнгэ 1:3

Мэк тэ явэ́л бахтякирдо́ Дэвэ́л и Дад амарэ́ Дэвлэ́скиро Исусо́скиро Христосо́скиро, Саво́ бахтякирдя́ амэн дро екхипэ́н Христоса кажнонэ́ Духо́скирэ бахтякирибна́са дро Болыбна́скиро свэ́то

Jakov 1:27

Жужэ́-патяибнаскири и намагирды строгима анги́л Дэвлэ́стэ Дадэ́стэ исын дро дова́, соб (кай) тумэ́ тэ джа́н тэ дыкхэ́н пал пиротэндэ (сиротэндэ) и пивлендэ (удовэндэ), ке́ли ёнэ пхарэ́с пиридживэна и тэ зракхэн пэс бидошакирэнца далэ́ свэто́стыр.

Jakov 3:10

И кадалэ́-паць уштэндыр джа́ла лавэнгири бари паты́в и кошыбэ́н. Пшала́лэ мирэ́, на трэй, соб (кай) адя́кэ тэ явэ́л.

1 Petr 1:3

Мэк тэ явэ́л бахтякирдо́ Дэвэ́л Дад амарэ́ Ра́скирэ-Дэвлэ́скиро, Исусо́скирэ Христосо́скиро, Саво́ пир Пэ́скиро баро́ тангипэ́н дыя́ амэ́нгэ яви́р джиибэ́н, ке́ли отджидякирдя́ Исусо́с Христосо́с мулэ́ндыр, соб (кай) амэ́ндэ тэ явэ́л джиды наде́я,

Сэндарьенгири Лылвари́ 9:27

И выгинэ́ пэ фэ́лда, и скэдынэ́ пэ́скиро винаградо (дракх), и тасадэ му́ри, и кэрдэ́ свэ́нки, псирдэ́ дрэ пэ́скирэ дэвлэскиро кхэр, и ханэ́ и пинэ́, и кошнэ Авимелехос.