Jakov 3:2 - Библия - Пэ Балтитко Романи чиб (Романэс) 2019

² Пал-дова́ со амэ сарэ́ частэс обштавасапэ пир грэ́хо. Ко́ли вари-кон на кэрэ́ла грэ́хо лавэ́са, одова́ ману́ш исын бидошакиро, саво́ могинэ́ла тэ пхандэл сы́рбы цугленца сарэ́ пэ́скирэ маса́.

Biblija - Pe Baltitko Romani čib (Romanes) 2019

² Pal-dová so ame saré častes obštavasape pir grého. Kóli vari-kon na keréla grého lavésa, odová manúš isyn bidošakiro, savó moginéla te phandel sýrby cuglienca saré péskire masá.

Jakov 3:2 Iomraidhean Croise

3 Kralip 8:46

Ке́ли ёнэ кэрэ́на грэ́хо анги́л Ту́тэ: (пал-дова́ со нанэ манушэ́с, саво́ на кэрдя́ бы грэ́хо), – и Ту холясоса пэ лэ́ндэ, и отдэса лэн вэргэ́нгэ, и мануша́ залэна лэн дро пле́но и залыджана лэн пэ вэргоскири пхув, дур ци пашы́л.

2 Паралипоменоно 6:36

Ке́ли ёнэ кэрэ́на грэ́хо анги́л Ту́тэ, – пал-дова́ со нанэ манушэ́с, саво́ на кэрдя́ грэ́хо, – и Ту росхолясоса пэ лэ́ндэ, и отдэса лэн вэргоскэ, и отлыджана лэн мануша́, савэ́ лынэ́ лэн дро пле́но пэ дуратуны пхув ци пашатуны,

Ióvo 15:13

со ту рискирдян ду́хо (фа́но) пэ Дэвлэ́стэ, и сыр кадасавэ́ лава́ выджа́на тырэ́ мо́стыр?

Psalmy 34:13

Конэ́скэ исын дро́го джиибэ́н и конэ́скэ исын дро́го тэ дыкхэ́л лачхэ́ дывэса́?

Psalmy 39:1

Хоро́скирэ Дирижоро́скэ. Идифимоскэ (Едуцыноскэ). Давидо́скиро Пса́лмо.

Pritčy 10:19

Кай ракирэ́на бут лава́, одо́й и чорипэ́н пхэнэ́на: нэ кон обрикирэла пэ́скирэ ушта́, одова́ исын годо́ ману́ш.

Pritčy 13:3

Кон пририкирэла пэ́скиро муй, одова́ ракхэ́ла пэ́скиро джиибэ́н, нэ кодова́, саво́ отпхандэла буґлэс пэ́скиро муй, одова́ хасёла.

Pritčy 20:9

Кон сашты́ (могинэ́ла) тэ пхэнэ́л: “Мэ кэрдём жужо́ ило́, мэ сом бигрэхэнгиро?”

Pritčy 21:23

Кон приракхэла пэ́скиро муй и чиб, одова́ ману́ш ракхэ́ла пэ́скиро джиибэ́н пхарипнастыр.

Ekliesiastos 7:20

Адя́кэ-паць и на прилэ́ илэ́са сарэ́ лава́, со мануша́ пхэнэ́на, соб (кай) ту тэ на шунэ́с тырэ́ дынари́с тэ кошэл тут.

Isajos 64:6

Сарэ́ амэ кэрдямпэ-сыр нажужо предмето, амари́ паты́в – сыр замакхны и́дя, амэ шутиям сыр патри́н (листо); амарэ́ налачхэ́ рэ́нды лыджинэ́ амэн, сыр балва́л.

Левито 13:39

и раша́й дыкхэ́ла, со пэ лэ́нгирэ-масэнгири цы́па бледна-парнэ́ плямы, тэды дава́ исын лишаё, со росцвэцындя пэ цы́па: ёв исын жужо́.

Матфеё 12:34

Тумэ́ сан сапитко ро́до! Сыр тумэ́ могинэ́на тэ ракирэ́н лачхипэ́н, ко́ли тумэ́ сан налачхэ́? Пал-дова́ со, со исын дро ило́ пхэрдо́, дова́ ушта́ ракирэ́на.

Матфеё 12:37

пал-дова́ со пир тырэ́ лава́ Дэвэ́л пхэнэ́ла пал тыро́ набангипэн и пир тырэ́ лава́ тыро́ бангипэн.”

Римлянэнгэ 3:10

сыр и исын чхиндло́: “Нанэ ние́кх чачуно́ ману́ш;

Римлянэнгэ 7:21

И адя́кэ мэ ґалыём, со дасаво исын Зако́но, ко́ли мэ кама́м тэ кэра́в лачхипэ́н, а ма́ндэ выджа́ла чорипэ́н.

1 Коринфянэнгэ 9:27

Нэ мэ кхинякирава мирэ́ маса́ и рикирава лэс дрэ васта́, соб (кай) ке́ли мэ ява́ва тэ роспхэнав бахталы́ зан явирэ́нгэ, ма́нгэ тэ на ячавпэ налачхэса ваш прастаибэн.

Galatenge 3:22

нэ Свэ́нто Чхиныбэ́н ракирэ́ла, со сарэ́ мануша́ исын тэл грэхоскири зор, палдава́ бахталыпэ́н, пал саво́ Дэвэ́л дыя́ лав, пир патяибэ́н дрэ Исусо́стэ Христосо́стэ, тэ явэ́л дыно́ одолэ́нгэ, савэ́ патя́на.

Galatenge 5:17

Пал-дова́ со лочакэ на трэй дова́, со Духоскэ трэй, и Духоскэ (Фаноскэ) трэй на дова́, со лочакэ трэй: кадалэ́ дуй камибэна исын вэ́рги екх екхэ́скэ; палдава́ тумэ́ на кэрэ́на дова́, со тумэн тырдэла,

Колосянэнгэ 1:28

Савэскиро лав амэ роспхэнаса, амэ даса годы́ кажнонэ́ манушэ́скэ и сыклякираса кажнонэ́ джиныбнаскэ, соб (кай) амэ тэ чхувас кажнонэ́ сталонэ патяибнаскирэс дро екхипэ́н Христосо́са.

Колосянэнгэ 4:12

Пиридэла “рама́нё” тумэ́нгэ тумаро́ Епафрасо, Исусо́скирэ-Христосо́скиро писха́ри, саво́ саро́ часо мангэлапэ Дэвлэ́скэ зоралэ́с пал тумэ́ндэ, соб (кай) тумэ́ тэ явэ́н тварда и зоралэ́ дро патяибэ́н и тэ кэрэ́н саро́ пир Дэвлэ́скири во́ля.

Юдэ́нгэ 13:21

мэк тэ дэл Ёв зор тумэ́нгэ тэ кэрэ́н буты́ лачхэ́с, соб (кай) тэ кэрэ́н саро́ тумэ́ пир Лэ́скири во́ля. Мэк Ёв пир Исусо́стэ Христосо́стэ тэ кэрэ́л дова́ дрэ амэ́ндэ, со исын лачхо́ Лэ́скэ, Савэ́скэ тэ явэ́л сла́ва пэ сарэ́ ве́ки’. Ами́нь.

Jakov 1:26

Ко́ли вари-кон тумэ́ндыр гинэ́ла пэс, со ёв исын зорья́са патяибнаскиро, а на пхандэла пэ́скири чиб, ёв хохавэла кокоро́ пэс, и кадасавэскирэ-манушэскири строгима на трэй ни конэ́скэ.

Jakov 1:4

Тумаро зорало́ патяибэ́н тэ вырикирэл кэрэ́ла бидошакиро рэ́ндо (де́ло), соб (кай) тумэ́ тэ явэ́н лачхэ́ и бидошакирэ пир саро́, соб (кай) тэ на явэ́л ни саво́ наухтылыбэн тумэ́ндэ.

Jakov 2:10

Пал-дова́ со, ко́ли вари-кон ракхэ́ла саро́ Зако́но и обштавэлапэ дро вари-со екх, со исын на пир Зако́но, одова́ ману́ш явэ́ла банго́ дро саро́.

1 Petr 3:10

Палдова́ со: “Конэ́скэ исын дро́го джиибэ́н и тэ дыкхэ́л лачхэ́ дывэса́, одова́ ману́ш мэк тэ обрикирэл пэ́скири чиб фуе́ лавэ́ндыр и пэ́скирэ ушта́ хоханэ́ лавэ́ндыр,

1 Petr 5:10

Нэ Дэвэ́л, Саво́ бахтякирэ́ла, и Саво́ кхардя́ тумэн дрэ вечна Пэ́скири сла́ва, ко́ли тумэ́нгэ и приявэлапэ набаро́ часо тэ страдынэл, Ёв Кокоро́ кэрэ́ла тумэн зоралэды́р и дэ́ла зор, соб (кай) тумэ́ тэ на кунинэнпэ дро пэ́скиро патяибэ́н;