Jakov 3:18 - Библия - Пэ Балтитко Романи чиб (Романэс) 2019

¹⁸ А чачипэ́н дэ́ла аплодо одолэ́ манушэ́нгэ, савэ́ кокорэ́ кэрэ́на рама́нё (миро) и причхувэна зор ваш дава́.

Biblija - Pe Baltitko Romani čib (Romanes) 2019

¹⁸ A čačipén déla aplodo odolé manušénge, savé kokoré keréna ramánjo (miro) i pričhuvena zor vaš davá.

Jakov 3:18 Iomraidhean Croise

Psalmy 92:14

Ёв исын сы́рбы рандь (вэтка), со исын чхуды́ дрэ Ра́скирэ-Дэвлэ́скиро Кхэр, пэ Дэвлэ́скирэ грэды (дворы) ёв явэ́ла най шукарэдыр.

Pritčy 11:18

Фуй ману́ш кэрэ́ла дошвалы буты́, нэ одова́, кон росчхувэла чачипэ́н, дорэсэ́ла мишто́ мазу́ри (награда).

Pritčy 11:28

Кон зоралэ́с патя́ла дро пэ́скиро барвалыпэ́н, одова́ пэрэ́ла, нэ чачунэ́ мануша́ явэ́на най шука́р сыр патря (листы) пэ кашт (дрэ́во).

Pritčy 11:30

Чачипэ́н исын джиибна́скиро кашт (дрэ́во) сы́рбы пхабай и годо́ ману́ш притырдэла дия́.

Osija 10:12

Почхувэн дрэ пхув ваш пэ́скэ пир чачипэ́н; счхинэн тэлэ́ пир лачхэ́-илы́ткима, и ґаздэ́н тумари́ напочхуды фэ́лда; пал-дова́ со исын часо тэ родэ́н Рас-Дэвлэ́с анги́л дова́, сыр Ёв явэ́ла и почхувэла чачипна́са сыр брышындэса пэ тумэ́ндэ.

Amoso 6:12

Ци праста́на грая пир бэ́рги? Ци пахинэла пхув ману́ш, одо́й, пэ гурувэстэ? А сыр жа тумэ́ пиририскирдэ чачипэ́н дрэ жэлучоскири трута (ядо), а бар΄якирдо (пло́до) чачипна́скиро дро киркипэн (палыно)?

Матфеё 5:9

Бахталэ́ исын одолэ́, савэ́ кэрэ́на рама́нё (миро), пал-дова́ со явэ́на тэ кхарэ́н лэн ‘Дэвлэ́скирэ чхавэ́.’

Joannostir 4:36

Кон чхинэла, лэ́ла плэскирибэн и скэдэ́ла барьякирдо́ (пло́до) дро ве́чно джиибэ́н и одова́, кон сеинэла и чхинэла, явэ́на кхэтанэ́ тэ радынэ́нпэ.

Galatenge 6:8

И кон чхувэ́ла дрэ пхув ваш пэ́скири лоч (плоть), одова́ чхинэла криг аплодостыр Духоскиро мэрибэ́н, а кон чхувэ́ла дрэ пхув ваш Ду́хо (Фа́но), кодова́ счхинэла аплодостыр ве́чно джиибэ́н Свэнтонэ́ Духо́стыр:

Filipiicenge 1:11

соб (кай) тумаро́ джиибэ́н тэ явэ́л пхэрдо́ чачипна́са, саво́ исын пир Исусо́стэ Христосо́стэ, ваш Дэвлэ́скири сла́ва и шарибэ́н.

Юдэ́нгэ 12:11

Кажно сыклякирибэ́н дро акаканатуно часо исын ваш амэ́нгэ на дрэ ра́дыма, а дро пиридживибэн, нэ пало́ (после) дова́, кон высыклыя далэ́ сыклякирибна́стыр, дорэсэ́ла палэ рама́нё (миро) чачипна́скирэ джиибнастыр.

Jakov 1:20

Пал-дова́ со манушэскири холы́ на кэрэ́ла манушэ́с чачунэдыр, сыр дава́ трэй Дэвлэ́скэ.