Jakov 2:5 - Библия - Пэ Балтитко Романи чиб (Романэс) 2019

⁵ Шунэ́н, мирэ́ дро́га пшала́лэ: Ци на выкэдыя́ Дэвэ́л одолэ́ манушэ́н, савэ́ исын чорорэ́ дро дава́ свэ́то тэ кэрэ́л барвалэнца лэн дро патяибэ́н и кралипнаскирэ чхавэ́нца, пал саво́ Ёв дыя́ лав сарэ́ манушэ́нгэ, конэ́скэ дро́го исын Ёв?

Biblija - Pe Baltitko Romani čib (Romanes) 2019

⁵ Šunén, miré dróga pšalále: Ci na vykedyjá Devél odolé manušén, savé isyn čororé dro davá svéto te kerél barvalenca len dro patiaibén i kralipnaskire čhavénca, pal savó Jov dyjá lav saré manušénge, konéske drógo isyn Jov?

Jakov 2:5 Iomraidhean Croise

3 Kralip 22:28

И пхэндя́ Михеё: “Ко́ли ту рисёса дро рама́нё, то дава́ на Рай Дэвэ́л ракирдя́ дрэ ма́ндэ.” И ишчо (инкэ́) пхэндя́ ёв: “Шунэ́н ман, сарэ́ мануша́лэ!”

Ióvo 34:10

Палдава́ шунэ́н миштэ́с ман, тумэ́, кон сан годэ́: нашты́ тэ явэ́л, соб (кай) Дэвэ́л тэ думинэл, тэ кэрэ́л фуипэ́н, и нашты́ тэ явэ́л чорипэ́н Сарэзорьякирэ Дэвлэ́стыр.

Ióvo 34:19

Дэвэ́л на прилэ́ла тхагарьенгири риг, адя́кэ-паць Ёв на гинэ́ла барвалэн вучэды́р чорорэндыр, пал-дова́ со Ёв создыя́ и екхэ́с и явирэ́с.

Ióvo 38:14

соб (кай) ёй, пхув, тэ рисёл сыр ґлэя тэл якхи́тко (печать), и соб (кай) ёй тэ парувэл пэ́скири мастин (цвято) сыр и́дя,

Vygiiben 20:6

и Мэ кэра́ва лачхипэ́н кэ тысёнцы ро́ды, конэ́скэ сом дро́го Мэ, и кон ракхэ́ла дрэ годы́ Мирэ́ упхэныбэна́.

Pritčy 13:7

Исын ману́ш, саво́ сыкавэ́ла пэс, хай, ёв исын барвало́, нэ нисо́ нанэ лэ́стэ. Исын ману́ш, саво́ сыкавэ́ла пэс сы́рбы ёв исын чороро́, нэ лэ́стэ исын баро́ барвалыпэ́н.

Pritčy 7:24

Палдава́, чхавалэ, шунэ́н ман, рискирэ́н ило́ кэ лава́, со мэ пхэна́ва:

Pritčy 8:32

И акана́, чхавэ́, шунэ́н ман, пал-дова́ со бахталэ́ исын одолэ́, савэ́ джа́на пир мирэ́ дрома́:

Isajos 14:32

Со ж пхэнэ́на одолэ́, савэ́ янэ́на нэвипэна́ ваш народоскэ? – Дова́, со Рай Дэвэ́л кэрдя́ Сио́но зоралэса, одо́й зракхэнапэ чорорэ́ Лэ́скирэ народо́стыр.”

Isajos 29:19

И раманёна (мирна) мануша́ ишчо (инкэ́) буты́р явэ́на тэ радынэ́нпэ пал Растэ-Дэвлэ́стэ, чорорэ́ мануша́ явэ́на зоралэ́с тэ радынэ́нпэ пал Свэнтонэ́-Израилёскирэ Дэвлэ́стэ.

Софония 3:12

И Мэ мэкава машки́р тумэ́ндэ ковлэ́-илэ́скирэ и напхутькирдэ манушэ́н, и ёнэ явэ́на тэ допатян дро лав Ра́скирэ-Дэвлэ́скиро.

Заха́рия 11:11

И сыс дэсто́ пхагирдо́ дро до дывэ́с. И тэ́ньчи ґалынэ́ чорорэ́ машки́р бакрэндэ, савэ́ ужакирдэ Ман, со дава́ сыс лав Ра́скирэ-Дэвлэ́скиро.

Заха́рия 11:7

И Мэ чарадём бакрэ́н, савэ́ джа́на тэл чхури, бакрэ́н, чачэс, чорорэн. Мэ лыём Пэ́скэ дуй саструнэ́ дэстэ́ (жэзлы) и Мэ лыём тэ кхарав екх ‘Шук’, а яви́р – ‘Саструнэ́ Пэнты, и чарадём бакрэ́н.

Матфеё 11:5

Корорэ́ мануша́ дыкхэ́на нэвэ́стыр и лангалэ псирэ́на; проказытка ячэ́на жужэ́, и кашукэ мануша́ шунэ́на, мулэ́ отджидёна, и богэнгэ пхэнэ́лапэ бахталы́ зан (звесь);

Матфеё 25:34

Тэды пхэнэ́ла Кра́ли одолэ́нгэ, савэ́ исын пир чачи́ риг Лэ́стыр: ‘Явэ́н тумэ́, савэ́н Миро Дад бахтякирдя́, явэ́н и прилэ́н Кралипэ́н дро Болыбна́скиро Раё, саво́ Ёв скэдыя́ тумэ́нгэ анги́л, сыр Ёв создыя́ свэ́то.

Матфеё 5:3

“Бахталэ́ исын одолэ́, савэ́ джинэ́на, со лэ́нгирэ духоскэ трэй Дэвэ́л; лэ́нгиро сыс Кралипэ́н дро Дэвлэ́скиро Раё.

Marko 7:14

И Ису́со нэвэ́стыр кхардя́ кэ Пэ манушэ́н и пхэндя́: “Шунэ́н Ман и сарэ́ причхувэ́н зор тэ ґалён:

Luka 12:21

Адя́кэ джа́ла кодолэндэ, савэ́ скэдэ́на кучипэ́н пэ́скэ, а на скэдэ́на дова́, со исын мишто́ анги́л Дэвлэ́стэ.”

Luka 12:32

На андыршан, со тумэ́ сан на баро́ манушэ́нгиро ґурто, пал-дова́ со тумаро́ Дад дэ́ла ласкаса тумэ́нгэ Кралипэ́н.

Luka 16:22

И сыс адя́кэ: ке́ли мыя́ бо́го Лазарё, тэды Янго́лы залыджинэ лэс тэ явэ́л пашы́л Авраамостэ.

Luka 16:25

Нэ Авра́мо пхэндя́: ‘Чха́ва, пририпир, со ту́тэ сыс лачхо́ джиибэ́н, ке́ли ту са́нас джидо́, а Лазарёстэ сыс пхаро́ джиибэ́н. А какана́ ёв ада́й радынэ́лапэ, а ту мэнчынэсапэ.

Luka 22:29

И Мэ пиридава тумэ́нгэ крали́тко право, сыр Миро Дад пиридыя ма́нгэ,

Luka 6:20

И Ёв ґаздыя́ пэ́скирэ якха́ пэ Лэ́скирэ сыкляибнытконэндэ и лыя́ тэ ракирэ́л: “Бахталэ́ исын тумэ́, савэ́ исын чорорэ́ дро ду́хо, пал-дова́ со тумаро́ исын Кралипэ́н дро Болыбна́скиро Раё.

Joannostir 7:48

Ци упатяндыя дрэ Лэ́стэ вари-кон тхэмэ́скирэ барыдырэндыр ци Фарисеендыр?

Apostolengiri Butý 7:2

И ёв отпхэндя́: “Пшала́лэ мирэ́, дадолэ! Вышунэн ман. Славу́тно Дэвэ́л сыкадыя́ амарэ́ дадэ́скэ Авраамо́скэ дрэ Месопатамия анги́л лэ́скиро пиритрадыпэн дро Харано,

Римлянэнгэ 8:17

Нэ ко́ли амэ сам Лэ́скирэ чхавэ́, тэды амэ́ндэ исын паш дро мэкно́ миштыпэ́н Дэвлэ́скиро и паш дро Христосо́скиро мэкно́ миштыпэ́н, ко́ли амэ чачунэ́с Лэ́са мэнчынасапэ, соб (кай) кхэтанэ́ Лэ́са адя́кэ-паць тэ прославинаспэ.

1 Коринфянэнгэ 2:9

нэ сыр исын чхиндло́: “Кодова́ на дыкхця́ якх, на шундя́ кан, на сыс пэ ило́ манушэ́стэ, со Дэвэ́л кэдыя одолэ́нгэ, конэ́скэ яця́ дро́го Ёв;

2 Коринфянэнгэ 4:15

Пал-дова́ со саро́ дава́ исын ваш тумаро́ лачхипэ́н ваш дова́, соб (кай) Дэвлэ́скиро бахталыпэ́н, саво́ доджа́ла кэ бут-бут манушы́тка илэ, тэ янэл парикирибэн ваш Дэвлэ́скири сла́ва.

2 Коринфянэнгэ 6:10

амэ сам сы́рбы смэнтна (скучна), нэ амэ ўса́ды (сак) радынасапэ; амэ сам сы́рбы бо́ги, нэ амэ кэра́са бут манушэ́н барвалэнца; амэ́ндэ нанэ ничы́, нэ адя́кэ-паць амэ́ндэ сы́рбы саро́ исын.

2 Коринфянэнгэ 8:9

Тумэ́ джинэ́на бахталыпэ́н амарэ́ Ра́стыр-Дэвлэ́стыр, саво́ исын Исусо́скиро Христосо́скиро, Саво́ сыс барвало́, нэ яця́ чороро́, соб (кай) тумэ́ тэ явэ́н барвалэ́ Лэ́скирэ чорорипнастыр.

Эфесянэнгэ 1:18

и соб (кай) Дэвэ́л тэ ковлякирэл тумарэ́ илэ и тэ отчхакирэл тумэ́нгэ якха́, соб (кай) тумэ́ тэ уджинэ́н дова́ лачхо́ ужакирибэ́н, кэ саво́ Ёв тумэн кхардя́, и саво́ барвало́ исын мэкно́ миштыпэ́н пир дыно́ лав, Лэ́скирэ славакиро, ваш свэнтонэнгэ,

Эфесянэнгэ 3:8

Ма́нгэ, кон исын най тыкнэды́р сарэ́ дэвлытконэндыр, сыс дыно́ дава́ бахтякирибэ́н тэ роспхэнав Наюдэ́нгэ пал Христосо́скиро барвалыпэ́н, саво́ ние́кхвар на хасёла.

1 Фесалоникийцэнгэ 2:12

соб (кай) тумэ́ тэ дживэ́н, сыр трэй Дэвлэ́скэ, Саво́ кхардя́ тумэн дрэ Лэ́скиро Кралипэ́н и сла́ва.

2 Фесалоникийцэнгэ 1:5

дава́ исын допхэныбэ́н долэ́скэ, со явэ́ла чачуно́ Дэвлэ́скиро сэ́ндо, соб (кай) тумэ́ тэ явэ́н мол тэ заджа́н дро Дэвлэ́скиро Кралипэ́н, ваш саво́ тумэ́ и мэнчынэнапэ;

1 Ximaske 6:18

соб (кай) ёнэ тэ кэрэ́н лачхипэ́н, тэ барвалён лачхэ́ рэндэ́нца, тэ дэн васт илэ́стыр явирэ́нгэ тэ делинэнпэ пэ́скирэ барвалыпнаса явирэ манушэ́нца,

2 Ximaske 4:18

И Рай Дэвэ́л зракхэ́ла ман кажнонэ́ фуипнастыр и янэ́ла ман бидошакирэс дро Лэ́скиро Кралипэ́н дро Болыбна́скиро Раё. Тэ явэ́л Лэ́скэ сла́ва пэ сарэ́ ве́ки. Ами́нь.

2 Ximaske 4:8

А какана́ ман ужакирэ́ла вя́нка чачипнытко, сави́ Рай Дэвэ́л дэ́ла ма́нгэ, чачуно́ Сэнда́ри дро Дывэ́с, саво́ Ёв выкэдыя́, нэ на екхэ ма́нгэ, нэ и одолэ́ манушэ́нгэ, кон ужакирэ́ла откэрдэ илэ́са, ке́ли Ёв явэ́ла.

Юдэ́нгэ 11:26

и холямо́ сабэн пал/пэ Месия́стэ (Христосо́стэ), саво пыя пэ Лэстэ коригэды́р (позжэды́р), ёв гиндя ваш пэ́скэ дрогэдыр сарэ́ Египто́скирэ кучипна́стыр, пал-дова́ со ёв дыкхця́ надея́са, со лэс ужакирэ́ла отдыибэ́н Дэвлэ́стыр.

Jakov 1:12

Бахтало́ исын одова́ ману́ш, саво́ зоралэ́с вырикирэ́ла пропатякирибэн, пал-дова́ со, ко́ли ёв вырикирдя пропатякирибэн, ёв дорэсэ́ла джиибна́скири вя́нка, пал сави́ Дэвэ́л дыя́ лав сарэ́ манушэ́нгэ, конэ́скэ исын дро́го Ёв.

Jakov 1:16

Дро́га мирэ́ пшала́лэ, дыкхэ́н, соб (кай) нико́н тумэн тэ на дэл дукха́ (тэ на хохавэ́л):

Jakov 1:19

Джинэ́н, мирэ́ дро́га пшала́лэ: мэк кажно ману́ш буты́р тэ шунэ́л ле́нтэс/поволинькэс (насыгэс) тэ ракирэ́л, ле́нтэс тэ холясол.

Jakov 1:9

А пшал, саво́ исын притасадо, мэк тэ шарэлпэ ёв долэса, со исын лэ́скэ дыно́ вучипна́стыр,

1 Petr 1:4

соб (кай) тэ явэ́л амэ́ндэ паш дро нэво́ джиибэ́н дро Болыбна́скиро Раё, саво́ исын ве́чно, намагирдо, бигрэхэнгиро, саво́ Дэвэ́л ракхэ́ла ваш тумэ́нгэ.

2 Petr 1:11

и палдава́ тумэ́нгэ дэ́лапэ пхэрдо́ право тэ заджа́н дро ве́чно кралипэ́н амарэ́ Дэвлэ́скирэ и Зракхибнарискирэ, Исусо́скиро Христосо́скиро.

Sykadyipén 2:9

Мэ джино́м (джина́в) тырэ́ рэ́нды (де́лы), тыро́ калыпэ́н (ту́га), нэ ту сан барвало́ и Мэ джино́м (джина́в), сыр калякирдэ тут одолэ́, савэ́ ракирэ́на, со ёнэ исын Юды и савэ́ нанэ, а ёнэ исын налачхэскирэ скэдынятыр (скедыибнастыр).

Sykadyipén 21:7

Одова́, кон лэ́ла упралыпэ́н, прилэ́ла дава́ мэкно́ миштыпэ́н Ма́ндыр: Мэ ява́ва лэ́скэ Дэвэ́л, и ёв явэ́ла Миро Чхаво́.

Sykadyipén 3:18

палдава́ мэ подпхэнава ту́кэ тэ кинэс сувнака́й Ма́ндыр, саво́ сыс пробиндло яга́са. Кин адя́кэ-паць парны и́дя тэ урьеспэ, соб (кай) тэ сыкавэс ладж пэ́скирэ нангипнаскири; и помакх пэ́скирэ якха́ якхитконэ макхлуняса (мазяса), соб (кай) тэ дыкхэ́с.

Сэндарьенгири Лылвари́ 9:7

Ке́ли роспхэндлэ́ пал дава́ Иофамоскэ, ёв гия́ и тэрдия́ пэ Гаризимоскирэ-бэрга́киро вучипэ́н, и, ґаздыя́ пэ́скири зан (глос), дыя́ го́дла и ракирдя́ лэ́нгэ: “Шунэ́н ман, Сихемоскирэ мануша́лэ, и тэ шунэ́л тумэн Дэвэ́л!

1 Kralip 2:30

Палдава́ адя́кэ ракирэ́ла Рай Дэвэ́л, Рай Дэвэ́л Израилёскиро: ‘Мэ пхэндём тэды: ‘Тыро́ кхэр и тырэ́-дадэ́скиро кхэр явэ́на тэ псирэ́н анги́л Миро муй дро ве́ко.’ Нэ какана́ ракирдя́ Рай Дэвэ́л: ‘Мэк тэ на явэ́л адя́кэ, пал-дова́ со Мэ прославинава манушэ́н, савэ́ славинэна Ман, а кон на славинэла Ман, одолэ́ явэ́на ладжакирдэ́.

1 Kralip 2:8

Прахостыр Ёв подґаздэла чорорэс, брениятыр ґаздэ́ла богос, чхувэ́ла тэ бэшэ́л тхагарьенца, и славакиро штэ́то дэ́ла лэ́нгэ дро мэкно́ миштыпэ́н (наследство) пал-дова́ со Растэ-Дэвлэ́стэ основаниё (фунда́менто) пхувья́киро, и Ёв создыя́ пэ лэ́ндэ саро́ свэ́то.