Jakov 2:23 - Библия - Пэ Балтитко Романи чиб (Романэс) 2019

²³ И лав, саво́ исын чхиндло́ дро Свэ́нто Чхиныбэ́н, кэрдя́пэ пхэрдэ́с (сполниндяпэ): “Авраа́мо патяндыя Дэвлэ́скэ, пал дава́ Дэвэ́л приджиндя лэс чачунэса”, и ёв сыс кхардо Дэвлэ́скиро Мал.

Biblija - Pe Baltitko Romani čib (Romanes) 2019

²³ I lav, savó isyn čhindló dro Svénto Čhinybén, kerdiápe pherdés (spolnindiape): “Avraámo patiandyja Devléske, pal davá Devél pridžindia les čačunesa”, i jov sys khardo Devléskiro Mal.

Jakov 2:23 Iomraidhean Croise

Džiibén 15:6

Авра́мо патяндыя Ра́скэ-Дэвлэ́скэ, и Ёв приґалыя дава́ лэ́скэ дро чачипэ́н.

3 Kralip 4:5

Аза́рия, Нафаноскиро чхаво́, барыдыро́ пэ упратунэндэ (приставникэндэ), и Завуфо, Нафаноскирэ-рашаскиро чхаво́ – мал крали́скиро.

2 Паралипоменоно 20:7

Ци на Ту, Дэ́вла амаро́, вытрадыян манушэ́н далэ́ пхувья́кирэ анги́л муй манушэ́ндэ, Тырэ́ Израилёскирэндэ, и отдыян ла родо́скэ Авраамоскирэскэ, малэ́скэ Тырэ́скэ пэ ве́ко?

Ióvo 16:21

О, соб (кай) тэ явэ́л вари-кон тэ мангэ́л зоралэ́с пал манушэ́стэ анги́л Дэвлэ́стэ, сыр и ману́ш мангэ́ла зоралэ́с пал лэ́скирэ пашатунэстэ.

Vygiiben 33:11

И ракирдя́ Рай Дэвэ́л Мойзаса муй пэ муй, сы́рбы ракирдя́ кон пэ́скирэ малэса; и ёв рисия́ дро ста́но; а лэ́скиро дына́ри Ису́со (Ёхошуа́), Навиноскиро чхаво́, тэрно́, на отджалас шатратыр.

Isajos 41:8

Нэ ту, Израилё, сан Миро писха́ри, Яково, конэ́с Мэ выкэдыём, Аврамос, Мирэ́ малэс (другос).

Marko 12:10

Ци на гиндлэ́ тумэ́ дро Чхиныбэ́н: ‘Бар, саво́ на прилынэ́ бутярнэ́, яця́ шэралэ́ барэса пэ вэнгло ваш кхэр.

Marko 15:27

И ёнэ примардэ пэ трушу́л пашы́л Лэ́стэ дуе розмарибнарьен, екхэ́с чачэ́ рига́тыр, явирэ́с зэрвонэ (левонэ) рига́тыр.

Luka 4:21

и ґа́да, Ёв пхэндя́ лэ́нгэ: “Ададывэ́с кэрдя́пэ кэ ко́нцо/яго́ро (сполниндяпэ) Свэ́нто Чхиныбэ́н, ке́ли тумэ́ шундлэ́ лэс пэ́скирэ канэнца.”

Apostolengiri Butý 1:16

“Мануша́лэ – Пшала́лэ! Трэиндя́ тэ сполнинэ́лпэ дова́, со сыс анги́л пхэндло́ дро Свэ́нто Чхиныбэ́н, дро саво́ Свэ́нто Ду́хо (Фа́но) ангилпхэндя пир Давидо́стэ пал Юда́стэ, саво́ сыс лыджаибнаскиро (вождё) одолэ́нгэ, савэ́ бикиндлэ Исусо́с.

Римлянэнгэ 11:2

Дэвэ́л на могиндя́ тэ мэкэл Пэ́скирэ манушэ́н, савэ́н Ёв англэды́р приджиндя. Ци тумэ́ на джинэ́на, со ракирэ́ла Свэ́нто Чхиныбэ́н пал Илиястэ, сыр ёв тангинэлапэ (жалинэлапэ) пэ Израилё анги́л Дэвлэ́стэ?

Римлянэнгэ 9:17

Свэ́нто ж Чхиныбэ́н ракирэ́ла Фараоно́скэ: “Ваш дова́ Мэ тут и чхудём ра́са, соб (кай) тэ сыкавав пэ ту́тэ Мири́ зор, и соб (кай) тэ явэ́л джиндло́ Миро лав пир сари́ пхув.”

Galatenge 3:22

нэ Свэ́нто Чхиныбэ́н ракирэ́ла, со сарэ́ мануша́ исын тэл грэхоскири зор, палдава́ бахталыпэ́н, пал саво́ Дэвэ́л дыя́ лав, пир патяибэ́н дрэ Исусо́стэ Христосо́стэ, тэ явэ́л дыно́ одолэ́нгэ, савэ́ патя́на.

Galatenge 3:6

Адя́кэ Авраа́мо патяндыя Дэвлэ́скэ и Дэвэ́л прилыя́ лэс чачунэса пал лэ́скиро патяибэ́н.

2 Ximaske 3:16

Саро́ Свэ́нто Чхиныбэ́н исын пир Дэвлэ́скиро Ду́хо (Фа́но) и дэ́ла лачхипэ́н ваш сыкляибэн, ваш вырикирибэн – кон дэ́лапэ дукха́, сыклякирэ́ла тэ уджинэл чачипэ́н.

Jakov 2:24

Ци дыкхэ́са ту, со Дэвэ́л приджинэла чачунэса манушэ́с пир рэ́нды, нэ на пир екх патяибэ́н?

1 Petr 2:6

Палдава́ исын пхэндло́ дро Свэ́нто Чхиныбэ́н: “Ѓа́да, мэ чхува́ва вэнглытко бар пэ Сио́но, Саво́ Мэ выкэдыём и Ёв исын дро́го Ма́нгэ: одова́ ману́ш, саво́ явэ́ла тэ патял дрэ Лэ́стэ, на явэ́ла тэ ладжал: