Jakov 2:2 - Библия - Пэ Балтитко Романи чиб (Романэс) 2019

² пал-дова́ со, ко́ли дрэ тумари́ синагога заджа́ла ману́ш сувнакунэ́ ангрустяса и уридо́ дро зяиндло урибэ́н, и адя́кэ-паць заджа́ла чороро́ ману́ш дро кушно урибэ́н,

Biblija - Pe Baltitko Romani čib (Romanes) 2019

² pal-dová so, kóli dre tumarí sinagoga zadžála manúš suvnakuné angrustiasa i uridó dro ziaindlo uribén, i adiáke-pac' zadžála čororó manúš dro kušno uribén,

Jakov 2:2 Iomraidhean Croise

Džiibén 27:15

И Реве́ка лыя́ пэ́скирэ пхурэдыршонэскирэ-чхавэскири Исавоскири фэды́р и́дя, сави́ сыс ла́тэ дро кхэр, и уридя дрэ ла́тэ пэ́скирэ тыкнэдыршонэ чхавэ́с Яково́с;

Ester 3:10

Тэды кра́ли злыя́ пэ́скири ангрусты чэргэнорьяса пэ́скирэ вастэ́стыр и отдыя́ ла Аманоскэ, Амадафоскирэ чхавэ́скэ, Вугеяниноскэ, саво́ сыс вэ́рго Юдэ́нгэ.

Ester 8:2

И злыя́ кра́ли пэ́скири ангрусты чэргэнорьяса, сави́ ёв отлыя Аманостыр, и отдыя́ Мардохеёскэ; Эстэ́ра чхудя́ Мардохеёс дыкхибнаскирэса пэ Аманоскиро кхэр.

Isajos 64:6

Сарэ́ амэ кэрдямпэ-сыр нажужо предмето, амари́ паты́в – сыр замакхны и́дя, амэ шутиям сыр патри́н (листо); амарэ́ налачхэ́ рэ́нды лыджинэ́ амэн, сыр балва́л.

Luka 15:22

Нэ дад кхардя́ пэ́скирэ писхарье́н: ‘Янэ́н сыгэды́р най фэдэды́р урибэ́н и урьявэн пэ лэ́стэ. Урьявэн ангрусты лэ́скэ пэ васт и тривики пэ ґэра́.

Luka 23:11

Иродо пэ́скирэ халадэнца кэрдэ́ бипатывакирибэн Лэ́скэ и сандлэпэ холямэс Лэ́стыр, урьякирдэ пэ Лэ́стэ парно́ крали́тко урибэ́н и бичхадя́ палэ Лэс кэ Пила́то.

Jakov 2:3

и тумэ́ дыкхэ́на патыва́са пэ манушэ́стэ, саво́ исын уридо́ дро зяиндло урибэ́н и пхэнэ́на лэ́скэ: “Ту́кэ явэ́ла куч тэ бэшэс ада́й, а чорорэскэ пхэнэ́на “Ту тэрдёв одо́й”, ци “Бэш ада́й пашы́л мирэ́ ґэра́”: