Jakov 2:16 - Библия - Пэ Балтитко Романи чиб (Романэс) 2019

¹⁶ а вари-кон тумэ́ндыр пхэнэ́ла лэ́нгэ: “Джа́н раманёса (миро́са) и кокорэ́ урьявэнпэ и чаравэнпэ” и тумэ́ на дэ́на лэ́нгэ ничы́ ваш дова́, со исын трэй ваш лэ́нгэ, тэды саво́ проко явэ́ла кадасавэ́ патяибнастыр?

Biblija - Pe Baltitko Romani čib (Romanes) 2019

¹⁶ a vari-kon tuméndyr phenéla lénge: “Džán ramanjosa (mirósa) i kokoré urjavenpe i čaravenpe” i tumé na déna lénge ničý vaš dová, so isyn trej vaš lénge, tedy savó proko javéla kadasavé patiaibnastyr?

Jakov 2:16 Iomraidhean Croise

Матфеё 15:32

И Ису́со кхардя́ кэ Пэ Лэскирэн сыкляибнытконэ́н и пхэндя́: “Ма́нгэ исын танго (жалко) адалэ́ манушэ́н: пал-дова́ со ужэ трин дывэса́ ёнэ ячэнаспэ Ма́нца, и нанэ нисо́ лэ́ндэ тэ хан, и Мэ на кама́м тэ мэкав Пэ́стыр лэн дро дром бокхалэнца, соб (кай) ёнэ тэ на здэн зорья́тыр дро дром.”

Матфеё 25:35

Пал-дова́ со, ке́ли Мэ со́мас бокхало, и тумэ́ чалякирдэ Ман; камдём тэ пья́в и тумэ́ дынэ́ тэ пья́в, Мэ со́мас чу́жо ману́ш, и тумэ́ прилынэ́ Ман,

Матфеё 25:36

Мэ со́мас би урибнаскиро и тумэ́ уридэ́ Ман; со́мас насвало́ и тумэ́ загинэ́ кэ Мэ, со́мас бэшто́ и тумэ́ явнэ́ тэ дыкхэнпэ Ма́нца.’

Marko 5:34

Ёв пхэндя́ ла́кэ: “Чха́е Мири́! Патяибэ́н тыро́ зракхця́ тут! Джа́ бахтяса, яв састы тырэ́ насвалыпнастыр.”

Римлянэнгэ 12:9

Мэк тэ явэ́л чачуны́ тумари́ пшалы́тко паты́в; рисён криг фуипнастыр и кэрэ́н лачхипэ́н:

2 Коринфянэнгэ 8:8

Мэ на ракира́ва дава́ сыр припхэныбэ́н, нэ пир илэ́скиро хачкирибэ́н кэ дава́ рэ́ндо, саво́ исын явирэ манушэ́ндэ, мэ пропатякирава, савэ́ чачунэ́ исын тумарэ́ ла́ска и паты́в.