Jakov 2:13 - Библия - Пэ Балтитко Романи чиб (Романэс) 2019

¹³ пал-дова́ со ваш одолэ́ манушэ́нгэ, кон на сыкадя́ тангипэ́н (жалима) кэ яви́р мануша́, сэ́ндо явэ́ла би тангипнаскиро адя́кэ-паць кэ ёв, нэ тангипэ́н исын вучэды́р сэндостыр.

Biblija - Pe Baltitko Romani čib (Romanes) 2019

¹³ pal-dová so vaš odolé manušénge, kon na sykadiá tangipén (žalima) ke javír manušá, séndo javéla bi tangipnaskiro adiáke-pac' ke jov, ne tangipén isyn vučedýr sendostyr.

Jakov 2:13 Iomraidhean Croise

Džiibén 42:21

И ракирдэ́ ёнэ екх екхэ́скэ: “Чачунэ́с амэн сэндякирдя пхарэ́с Дэвэ́л пал грэ́хо пал амарэ́ пшалэ́стэ; амэ дыкхцям лэ́скирэ илэ́скирэ мэ́ньки, ке́ли ёв мангдя́ амэн, нэ амэ на шундя́м; пал-дова́ и яця́ амэ́нгэ дая́ би́да.”

2 Паралипоменоно 28:11

И адя́кэ шунэ́н ман и рискирэ́н палэ пленонэн, савэ́н тумэ́ закэдынэ тумарэ́ пшалэ́ндыр; пал-дова́ со холынакири яг исын Ра́скирэ-Дэвлэ́скири пэ тумэ́ндэ.”

Psalmy 18:25

Рай Дэвэ́л бахтякирдя́ ман пал миро чачипэ́н, пал дова́, со мэ со́мас бибангипнаскиро анги́л Лэ́скирэ якха́.

Psalmy 85:10

Чачо́, лэ́скиро зракхибэ́н явэ́ла пашы́л одолэ́ндэ, савэ́ндэ исын трашаибэ́н анги́л Лэ́стэ, соб (кай) Дэвлэ́скири сла́ва тэ явэ́л пир амари́ пхув.

Pritčy 21:13

Кон запхандэла кан, ке́ли чороро́ ману́ш дэ́ла го́дла, кодова́ адя́кэ-паць явэ́ла тэ дэл го́дла чорорипнастыр и лэс на явэ́на тэ шунэ́н.

Pritčy 22:16

Кон тасавэла (дукхавэла) чорорэс тэ барьякирэл пэ́скиро барвалыпэ́н; и кодова́, кон дэ́ла барвалэскэ, кадасаво́ ману́ш явэ́ла чороро́.

Isajos 27:11

Ко́ли лэ́скирэ рандя́ зашутёна, лэн обпхагирэна; явэ́на джувля́ (манушня) и схачкирэна лэн. Пал-дова́ со ёнэ исын народо бигодякиро, Ёв на потангинэла лэн, Одова́, Кон саро́ создыя́.

Ереме́ё 9:24

нэ мэк ёв, кон барьякирэ́ла пэс, тэ шарэлпэ (тэ барьякирэл пэс) далэ́са, со ёв ґалёла и, со ёв джинэ́ла Ман; пал-дова́ со дава́ Мэ сом, Рай Дэвэ́л, Кон сыкавэ́ла дро́го ла́ска, чачуно́ сэ́ндо и чачипэ́н пэ пхув. Пал-дова́ со Мэ зоралэ́с радынавпэ сарэ́стыр далэ́стыр”, – ракирэ́ла Рай Дэвэ́л.

Езэкилё 33:11

Пхэн лэ́нгэ: ‘Тэ джива́в Мэ’, – ракирэ́л Рай Дэвэ́л, Дэвэ́л: – на кама́м грэхитконэ́-манушэ́скирэ мэрибэ́н, нэ соб (кай) тэ джал криг грэхи́тко ману́ш пэ́скирэ дромэ́стыр и тэ явэ́л джидо́. Джа́н криг, джа́н тумарэ́ налачхэ́ дромэндыр, со́скэ трэй тэ мэрэ́н тумэ́нгэ, Израилёскиро кхэр?’

Mihiejo 7:18

Кон исын Кадасаво́, Дэ́вла, сыр Ту сан? Кон отмэкэ́ла чорипэ́н и промэкэла чорэ́ рэ́нды манушэ́нгэ Лэ́скирэ мэкнэ́ миштыпна́стыр, савэ́ ячнэ́пэ? Ту на явэ́са ўса́ды (сак) тэ рикирэс холы́, пал-дова́ со Ту радынэсапэ тэ сыкавэс ла́ска.

Матфеё 5:7

Бахталэ́ исын одолэ́, савэ́ примангэна банг манушэ́нгэ, пал-дова́ со лэ́нгэ явэ́ла примангло.

Матфеё 6:15

нэ ко́ли тумэ на явэ́на тэ примангэн грэ́хи манушэ́нгэ, тумаро́ Болыбна́скиро Дад на примангэла грэ́хи тумарэ́.

Luka 16:25

Нэ Авра́мо пхэндя́: ‘Чха́ва, пририпир, со ту́тэ сыс лачхо́ джиибэ́н, ке́ли ту са́нас джидо́, а Лазарёстэ сыс пхаро́ джиибэ́н. А какана́ ёв ада́й радынэ́лапэ, а ту мэнчынэсапэ.

Luka 6:37

На сэндинэ́н, и тумэ́ на явэ́на сэндиндлэ; на бангякирэн, и тумэ́ на явэ́на бангякирдэ; примангэн и тумэ́нгэ явэ́ла примангло.

Jakov 3:17

Нэ годыпэ́н, саво́ джа́ла болыбна́стыр, англэды́р сарэ́стыр ёв исын жужо́ грэхостыр, раманёно, штыл (тихо), вырикирэ́ла бут, на пхандэла манушэ́с, исын пхэрдо́ тангипнаса и лачхэ́ рэндэ́нца, сэндинэла шэра́ (ра́внэс) манушэ́н, нанэ дуемитко.

Jakov 5:4

Ѓа́да, исын мазу́ри (награда), сави́ тумэ́ на доплэскирдэ бутярнэнгэ, савэ́ укэдэнас маро́ тумарэ́ фэлдатыр, далэ́ ловэ́ дэ́на ґодла ясвэ́нца и лэ́нгири го́дла догия́ кэ болыбна́скирэ-янголэ́нгиро Рай Дэвэ́л.

Сэндарьенгири Лылвари́ 1:7

Тэды пхэндя́ о Адони-Везеко: “Эфтадэша́ кра́лья отчингирдэ барэ́ ангуштэнца пэ лэ́нгирэ васта́ и ґэра́ скэдынэ́ крошки тэл миро сками́нд, сыр кэрдём мэ, адя́кэ и ма́нгэ дыя́ Дэвэ́л.” И яндлэ́ лэс дро Ерусалимо, и ёв мыя́ одо́й.

Сэндарьенгири Лылвари́ 5:27

Кэ ла́кирэ ґэра́ збандия ёв, пыя́, и пасия́, кэ ла́кирэ ґэра́ збандия ёв, пыя́, кай збандия, одо́й и пыя́ домардо.