Jakov 1:12 - Библия - Пэ Балтитко Романи чиб (Романэс) 2019

¹² Бахтало́ исын одова́ ману́ш, саво́ зоралэ́с вырикирэ́ла пропатякирибэн, пал-дова́ со, ко́ли ёв вырикирдя пропатякирибэн, ёв дорэсэ́ла джиибна́скири вя́нка, пал сави́ Дэвэ́л дыя́ лав сарэ́ манушэ́нгэ, конэ́скэ исын дро́го Ёв.

Biblija - Pe Baltitko Romani čib (Romanes) 2019

¹² Bahtaló isyn odová manúš, savó zoralés vyrikiréla propatiakiriben, pal-dová so, kóli jov vyrikirdia propatiakiriben, jov doreséla džiibnáskiri viánka, pal saví Devél dyjá lav saré manušénge, konéske isyn drógo Jov.

Jakov 1:12 Iomraidhean Croise

Džiibén 22:1

И сыс адя́кэ, пало́ саро́ дава́ Дэвэ́л спробинэлас (пропатякирэлас) Авраамос, и пхэндя́ лэ́скэ: “Аврааме!” Ёв пхэндя́: “Ѓа́да, мэ сом.”

Ниеми́я 1:5

и ракиравас мэ: “Раё Дэ́вла, болыбна́скиро, Дэ́вла баро́ и трашадо, Саво́ ракхэ́ла завето и ла́ска кэ сарэ́, савэ́нгэ Ту сан дро́го, и савэ́ рикирна Тырэ́ припхэныбэна́!

Ióvo 2:10

Нэ ёв пхэндя́ ла́кэ: “Ту ракирэ́са сыр е́кх пхарэ́-шэрэскирэ джувлендыр, сави́ пхэнэлас: амэ адя́кэ-паць дорэсцям лачхипэ́н Дэвлэ́стыр, и ци амэ́нгэ адя́кэ-паць тэ на прилас биба́хт?” Пало́ саро́ дава́ Ио́во на пхэндя́ грэ́хо пэ́скирэ уштэ́нца.

Ióvo 5:17

Акэ, бахтало́ исын одова́ ману́ш, савэ́с Дэвэ́л зоралэ́с сыклякирэ́ла, палдава́ на отпхэнпэ Сарэзоралыпнаскирэ Дэвлэ́скирэ сыклякирибнастыр кэ дукха́.

Psalmy 11:5

Рай Дэвэ́л пропатякирэла чачунэ́ манушэ́с, и фуе́ манушэ́с; Ёв на сыкавэ́ла ла́ска одолэ́скэ, саво́ исын вэргитко.

Psalmy 119:67

Анги́л дова́, сыр Ту притасадян ман, мэ хохадёмпэ, нэ какана́ мэ ракхава Тыро́ лав.

Psalmy 119:71

Ту пририкирдян ман ваш миро лачхипэ́н, соб (кай) ма́нгэ тэ высыклёвав Тырэ́ стату́ты.

Psalmy 119:75

Мэ джино́м (джина́в), о Раё Дэ́вла, со Тыро́ сэ́ндо исын чачуно́, и со Ту тасадян ман пир Тыро́ чачипэ́н.

Psalmy 5:11

Дэ́вла! Сэндя́кир лэн, мэк ёнэ кокорэ́ тэ пэрэ́н дрэ фэля́, со ёнэ кэрдэ́, традэ лэн пал лэ́нгирэ бэда рэ́нды, пал-дова́ со ёнэ бунтуинэна пэ Ту́тэ.

Psalmy 94:12

Бахтало́ исын ману́ш, савэ́скэ Ту дэ́са годы́, о Раё Дэ́вла, савэ́с Ту сыклякирэса Тырэ́ Законоскэ,

Vygiiben 20:6

и Мэ кэра́ва лачхипэ́н кэ тысёнцы ро́ды, конэ́скэ сом дро́го Мэ, и кон ракхэ́ла дрэ годы́ Мирэ́ упхэныбэна́.

Pritčy 17:3

Дрэ кака́ви (котло) билавэна (плавинэна) руп, а дрэ бов сувнака́й, нэ Рай Дэвэ́л пропатякирэла илэ.

Isajos 64:4

Пал-дова́ со николи мануша́ на шунэнас канэнца, и нисави́ якх на дыкхця́ явирэ́с дэвлорэс. Ту сан Екх Дэвэ́л, Саво́ бут кэрдя́ ваш одолэ́нгэ, конэ́стэ исын наде́я пэ Ту́тэ.

Заха́рия 13:9

И лыджа́ва Мэ до три́то паш дрэ яг, билякирава лэс, сыр билякирэна руп, и выжужакирава лэс, сыр жужакирэна сувнака́й: ёнэ лэ́на тэ кхарэ́н лав Миро. И Мэ вышунава лэн и отпхэнава: ‘Дава́ исын Мирэ́ мануша́,’ нэ ёнэ пхэнэ́на: ‘Рай Дэвэ́л исын Дэвэ́л миро!’”

Матфеё 10:22

И сарэ́ мануша́ явэ́на тэ на сыкавэ́н паты́в тумэ́нгэ пал лав Миро, нэ кон явэ́ла тэ тэрдёл твардэс кэ ко́нцо (кэ яго́ро), кодова́ зракхэ́лапэ.

Матфеё 25:34

Тэды пхэнэ́ла Кра́ли одолэ́нгэ, савэ́ исын пир чачи́ риг Лэ́стыр: ‘Явэ́н тумэ́, савэ́н Миро Дад бахтякирдя́, явэ́н и прилэ́н Кралипэ́н дро Болыбна́скиро Раё, саво́ Ёв скэдыя́ тумэ́нгэ анги́л, сыр Ёв создыя́ свэ́то.

Luka 6:22

Бахталэ́ исын тумэ́, ке́ли мануша́ явэ́на древа́н тэ бидыкхэн тумэн и, ке́ли ёнэ вытрадэна тумэн и явэ́на тэ обкхарэн тумэн налачхэ́ лавэ́нца и калякирэна тумаро́ лав пал Манушэ́скирэ Чхавэ́стэ.

Римлянэнгэ 5:4

Пир вырикирибэн амэ ячасапэ твардэдыр дро характеро, а характеро дурэды́р дэ́ла наде́я.

Римлянэнгэ 8:28

Нэ амэ джина́са, со кон рикирэ́ла сыр Дро́гима Дэвлэ́с дро пэ́скиро ило́ и конэ́с кхардэ́ пир Лэ́скиро упхэныбэ́н, одолэ́н Дэвэ́л лыджа́ла сарэ́н кэ бахт.

1 Коринфянэнгэ 2:9

нэ сыр исын чхиндло́: “Кодова́ на дыкхця́ якх, на шундя́ кан, на сыс пэ ило́ манушэ́стэ, со Дэвэ́л кэдыя одолэ́нгэ, конэ́скэ яця́ дро́го Ёв;

1 Коринфянэнгэ 8:3

А ко́ли вари-кон рикирэ́ла сыр Дро́гима Дэвлэ́с дро пэ́скиро ило́, то Дэвэ́л джинэ́ла лэс:

1 Коринфянэнгэ 9:25

Нэ кажно ману́ш, кон марэлапэ пал призо, обрикирлапэ сарэ́стыр, со исын намишто ваш лэ́скиро прастаибэн: кодолэ́ мануша́ ваш дова́, соб (кай) лэ́нгэ тэ лэн вя́нка (коро́на), сави́ кирнёла, а амэ ваш кодоя вя́нка, сави́ на кирнёла.

Яви́р Зако́но 13:3

то ту на шун лава́ далэ́-пророкоскирэ, ци адалэскирэ, кон пирипхэнэла сунэ́; пал-дова́ со пир дава́ спробинэла тумэн Рай Дэвэ́л, Дэвэ́л тумаро́, соб (кай) тэ джинэ́л, ци дро́го исын тумэ́нгэ Рай Дэвэ́л, Дэвэ́л тумаро́ сарэ́ тумарэ́ илэскэ и сарэ́ тумарэ́ дескэ.

Яви́р Зако́но 7:9

И адя́кэ джин, со Рай Дэвэ́л, Дэвэ́л тыро́, исын Рай Дэвэ́л чачуно́, Саво́ ракхэ́ла Пэ́скиро завето (доракирибэ́н) и тангипэ́н кэ одолэ́ мануша́, савэ́нгэ исын дро́го Ёв, кон ракхэ́ла Лэ́скирэ припхэныбэна́ кэ тысёнцы ро́ды,

Яви́р Зако́но 8:2

И ри́пир саро́ дром, савэ́са тут лыджия́ Рай Дэвэ́л, Дэвэ́л тыро́, пир чхучи́ (пусто) пхув, ґа́да, акана́ исын штардэша́ бэрш, соб (кай) тэ штылякирэл тут, соб (кай) тэ спробинэл тут и тэ уджинэл, со исын пэ тыро́ ило́, ци явэ́са ту тэ ракхэ́с Лэ́скирэ припхэныбэна́, ци над.

2 Ximaske 2:15

Причху́в зор, соб (кай) ту тэ явэс лачхо́ анги́л Дэвлэ́стэ, и тэ явэс лачхо́ бутярно, савэ́скэ на трэй тэ ладжал, саво́ чачунэ́с сыклякирэ́ла манушэ́н пал Дэвлэ́скиро лав.

2 Ximaske 4:8

А какана́ ман ужакирэ́ла вя́нка чачипнытко, сави́ Рай Дэвэ́л дэ́ла ма́нгэ, чачуно́ Сэнда́ри дро Дывэ́с, саво́ Ёв выкэдыя́, нэ на екхэ ма́нгэ, нэ и одолэ́ манушэ́нгэ, кон ужакирэ́ла откэрдэ илэ́са, ке́ли Ёв явэ́ла.

Юдэ́нгэ 10:32

Пририпирэн тумарэ́ пэ́рва дывэса́, ке́ли тумэ́ уджиндлэ́ и патяндынэ́ дрэ Христосо́стэ, тумэ́ са́нас зоралэ́ пир ду́хо (фа́но) дрэ пхарэ́ мэ́ньки;

Юдэ́нгэ 11:17

Патяибна́са Авраа́мо яндя́ Исаакос дро свэ́нто дыибэ́н, ке́ли Дэвэ́л пропатякирэлас лэс; Дэвэ́л дыя́ лав и ёв скэдыяпэ тэ янэл дро свэ́нто дыибэ́н пэ́скирэ екхорэ чхавэ́с;

Юдэ́нгэ 12:5

И тумэ́ бистырдэ лава́, савэ́ Дэвэ́л ракирдя́ тэ подрикирэ́л тумэн, сыр Пэ́скирэ чхавэ́н: “Чхавоа миро, на лэ пэ ило локхэс, ке́ли Дэвэ́л сыклякирэ́ла тут, и на здэпэ духо́са, ке́ли Ёв пхэнэ́ла зорья́са банг ту́кэ;

Юдэ́нгэ 6:15

а Авраа́мо ужакирдя ґара́ (длу́гэс) и дорэсця́ дова́, пал со Дэвэ́л дыя́ лав лэ́скэ.

Jakov 2:5

Шунэ́н, мирэ́ дро́га пшала́лэ: Ци на выкэдыя́ Дэвэ́л одолэ́ манушэ́н, савэ́ исын чорорэ́ дро дава́ свэ́то тэ кэрэ́л барвалэнца лэн дро патяибэ́н и кралипнаскирэ чхавэ́нца, пал саво́ Ёв дыя́ лав сарэ́ манушэ́нгэ, конэ́скэ дро́го исын Ёв?

Jakov 5:11

Ѓа́да, амэ гинаса бахталэнца одолэ́ манушэ́н, савэ́ сыс зоралэ́с тэрдэ́ дрэ мэ́ньки. Тумэ́ шундлэ́ пал Иоваскири тва́рдыма дрэ мэ́ньки и дыкхнэ́, со ёв дорэсця́ дро ко́нцо (дро яго́ро) Дэвлэ́стыр, пал-дова́ со Дэвэ́л древа́н тангинэла и жалинэла манушэ́н.

1 Petr 3:14

Нэ ко́ли тумэ́ злыджана пхарипэ́н пал чачипэ́н, тэды тумэ́ сан бахталэ́, на дарэ́н, мэк нисо́ тэ на трашакирэл тумэн;

1 Petr 4:13

а сыр тумэ́ пирилыджана пхарипэ́н, сыр и Христо́со, радынэ́нпэ, пал-дова́ со тумэ́ бут буты́р обрадынэнапэ, ке́ли отчхакирэлапэ Лэ́скири сла́ва.

1 Petr 4:14

Ко́ли обракирэна тумэн пал Христосо́скиро лав, тэды тумэ́ сан бахталэ́, пал-дова́ со Дэвлэ́скирэ-славакиро Ду́хо (Фа́но) згия пэ тумэ́ндэ: (одолэ́ мануша́ калякирэна Лэс, а тумэ́ славинэна).

1 Petr 5:10

Нэ Дэвэ́л, Саво́ бахтякирэ́ла, и Саво́ кхардя́ тумэн дрэ вечна Пэ́скири сла́ва, ко́ли тумэ́нгэ и приявэлапэ набаро́ часо тэ страдынэл, Ёв Кокоро́ кэрэ́ла тумэн зоралэды́р и дэ́ла зор, соб (кай) тумэ́ тэ на кунинэнпэ дро пэ́скиро патяибэ́н;

1 Petr 5:4

И ке́ли явэ́ла Са́мо Барэды́р Пастырё (Чхупна́ри), Христо́со, тэды тумэ́ дорэсэ́на славакири коро́на, сави́ явэ́ла тэ зяинэл ве́чнэс.

1 Ian 4:19

Амэ сам лачхэ́ екх кэ екх, пал-дова́ со Дэвлэ́скэ англэды́р яця́м дро́га амэ.

Sykadyipén 2:10

На дар нисостыр, пал со ту́кэ приявэлапэ тэ мэнчынэспэ. Ѓа́да, на́лачхо явэ́ла тэ чхурдэл вари-савэ́н тумэ́ндыр дро штарибэ́н (бэшыбэн); соб (кай) тумэн тэ пропатякирэн и тумэ́ндэ явэ́ла пхарипэ́н дэш дывэса́. Яв патяибны́тко кэ мэрибэ́н, и Мэ да́ва ту́кэ джиибна́скири вя́нка (коро́на).

Sykadyipén 3:19

Сарэ́нгэ, кон исын дро́го Ма́нгэ, Мэ пхэна́ва зорья́са лэ́нгири банг и сыклякирава лэн кэ дукха́. Палдава́ яв хачкирдэ́ илэ́са кэ Дэвэ́л и ри́скир пэ́скиро джиибэ́н кэ Ёв.

Sykadyipén 3:21

Одолэ́с, кон лэ́ла упралыпэ́н, Мэ бэшлякирава лэс тэ бэшэ́л Ма́нца пэ троно, сыр и Мэ, ке́ли Мэ лыём упралыпэ́н и бэсцём Мирэ́ Дадэ́са пэ Лэ́скиро троно.