Jakov 1:1 - Библия - Пэ Балтитко Романи чиб (Романэс) 2019

¹ Яково, саво́ исын Дэвлэ́скиро и Ра́скирэ-Дэвлэ́скиро, Исусо́скирэ Христосо́скиро писха́ри (рабо), бичхавэ́ла миро (рама́нё) Юдэ́нгирэ дэшудуе́ родэ́нгэ, савэ́ исын росчхурдынэ пир свэ́то машкира́л Наюдэ́ндэ.

Biblija - Pe Baltitko Romani čib (Romanes) 2019

¹ Jakovo, savó isyn Devléskiro i Ráskire-Devléskiro, Isusóskire Xristosóskiro pishári (rabo), bičhavéla miro (ramánjo) Judéngire dešudujé rodénge, savé isyn rosčhurdyne pir svéto maškirál Najudénde.

Jakov 1:1 Iomraidhean Croise

3 Kralip 18:31

И Или́я лыя́ дэшуду́й бара́ пир кицыпэн (чысло) пэ кхэри́тка ро́ды, савэ́ выгинэ́ Яково́скирэ чхавэ́ндыр, конэ́скэ Рай Дэвэ́л пхэндя́ адя́кэ: “Израилё явэ́ла лав тыро́.”

Е́здра 6:17

И яндлэ́ ёнэ свэ́нта дыибэна́, ке́ли свэнцынэнас Кхэр (Кхангири́) Дэвлэ́скиро шэл гурува, дуйшэла́ бакрэ́ штаршэла́ бакрорэ, дэшуду́й бузнэ (козлы), сыр свэ́нто дыибэ́н пал Израилё пир дова́, со исын дэшуду́й ро́дыцы Израилёскирэ.

Ester 3:8

И пхэндя́ Ама́но Артаксерксоскэ, крали́скэ: ‘Исын екх мануша́, савэ́ росчхурдынэ и выбичхадэ машки́р манушэ́ндэ пир сарэ́ тырэ́-крали́скирэ провинцыи; и лэ́нгирэ зако́ны на зджанапэ сарэ́ манушытконэ́ законэнца, и крали́скирэ зако́ны ёнэ на сполнинэна; и крали́скэ нашты́ адя́кэ тэ ячкирэс лэн.

Vygiiben 24:4

И зачхиндя́ Мо́йза сарэ́ лава́ Ра́стыр-Дэвлэ́стыр, и, уштыи пэ ра́нко, чхудя́ тэл бэ́рга алта́рё (жэртвенико) и дэшуду́й бара́, пир дэшуду́й Израилёскирэ ро́дыцы;

Vygiiben 28:21

Трэй, соб (кай) сарэ́ бара́ тэ явэ́н дэшуду́й, ада́кицы, ци бут исын Израилёскирэ чхавэ́, пир лэ́нгирэ лава́; пэ кажно, сы́рбы пэ якхи́тко (чэргэнори́), трэй, соб (кай) ёнэ тэ явэ́н вычхиндлэ́ пир екх лав дэшудуе́ родыцэндыр.

Vygiiben 39:14

Бара́ сыс ада́кицы, ци бут сыс Израилёскирэ-чхавэ́нгирэ лава́: дэшуду́й сыс лэн, ада́кицы ци бут лэ́нгирэ лава́, и пэ кажно лэ́ндыр сыс вычхиндло, сыр чэргэнори́, пир екх лав, ваш дэшуду́й ро́ды.

Езэкилё 12:15

И ёнэ ґалёна, со Мэ сом Рай Дэвэ́л, Дэвэ́л, ко́ли Мэ росчхувава тэ дживэ́н лэн кэ яви́р народы и рострадава лэн пир пхувья́.

Левито 26:33

а тумэн росчхурдава Мэ тэ дживэ́н машки́р манушэ́ндэ и нангякирава пала́л пал тумэ́ндэ курта́ла, и явэ́ла пхув тумари́ чхучи́ и фо́рья тумарэ́ роспхагирдэ́.

Матфеё 10:3

Филипо и Варфаламеё; Тамашо и Матфеё, мытоскиро скэдыибнари, Алфеёскиро Яково и Фадеё,

Матфеё 13:55

На Ёв исын скаминдарискиро Чхаво́? На Лэ́скирэ Да кхарэ́на Мари́я, и пшалэ́н Лэскирэн Яково и Ёза и Си́моно и Юда?

Матфеё 19:28

И Ису́со пхэндя́ лэ́нгэ: “Чачэс, Мэ ракира́ва тумэ́нгэ: тумэ́, савэ́ гинэ́ Ма́нца дро нэво́ свэ́то, саво́ Дэвэ́л кэрэ́ла, ке́ли бэшэ́ла Чхаво́ Манушэ́скиро пэ славу́тно престоло, тэды бэшэна адя́кэ-паць и тумэ́ пэ дэшуду́й троны, соб (кай) тэ сэндинэ́н дэшуду́й ро́ды Израилёскирэ.

Marko 3:18

Ендри (Андреё), Филипо, Варфаламеё, Матфеё, Яково (чхавэ́ Алфеёскирэ) Фадеё, Си́моно Кананито

Luka 22:30

соб (кай) тумэ́ тэ хан и тэ пьен пал сками́нд дро Миро Кралипэ́н, и тэ бэшэ́н пэ троны тэ сэндинэ́н дэшуду́й Израилёскирэ ро́ды.”

Luka 6:15

Матфеёс и Фомас, Яково́с, Алфеёскирэс и Симонос, савэ́с кхарэнас Зилото (Активисто),

Joannostir 12:26

Одова́, саво́ Ма́нгэ дынаринэла, мэк тэ джал пал Ма́ндэ, и кай Мэ сом одо́й и дына́ри Миро явэ́ла; и одолэ́скэ, кон Ма́нгэ явэ́ла тэ дынаринэ́л, одолэ́с Миро Дад славинэла.

Joannostir 7:35

Тэды Юды лынэ́ тэ ракирэ́н машки́р пэ́стэ: “Карик да Ёв камэ́ла тэ джал адя́кэ, со амэ на латхаса Лэс? Ци на камэ́ла Ёв тэ джал пэ Элинэнгиро штэ́то и тэ сыклякирэ́л Елинэн (Грекэ́н / Баламэ́н)?

Apostolengiri Butý 1:13

И ке́ли ёнэ явнэ́ дро фо́ро, ёнэ скэдынэ́пэ дрэ бари шту́ба (комната), кай сыс: Пэ́три (Пётр) и Яково, Варфаламеё и Матфеё, Иа́но и Ендри (Андреё), Филипо и Фама, Яково Алфеёскиро и Си́моно Зилото, и пшал Яково́скиро, Юда.

Apostolengiri Butý 12:17

Ёв сыкадя́ вастэ́са, соб (кай) тэ на ракирэ́н, роспхэндя́ лэ́нгэ, сыр Дэвэ́л вылыджия́ лэс штарибнастыр и пхэндя́: “Пиридэ́н дая́ зан Яково́скэ и явирэ пшалэ́нгэ.” Ёв гия́ и гия́ одотхы́р пэ яви́р штэ́то.

Apostolengiri Butý 15:13

Пало́ (после) дова́, сыр ёнэ пириячнэ тэ ракирэ́н, Яково отпхэндя́: “Мануша́лэ-Пшала́лэ! Вышунэн какана́ ман:

Apostolengiri Butý 15:21

Пал-дова́ со Мойза́скиро Законо́стыр ґаратунэ́ бэршэ́ндыр пир сарэ́ фо́рья рашая́ роспхэнэна и гинэ́на дава́ Зако́но дрэ синагоги саватонэ́ (суботонэ́).”

Apostolengiri Butý 15:23

и ёнэ чхиндлэ́ дасаво лыл лэ́нгэ: “Апостолэндыр, кхангирья́кирэ годэпхурэндыр, пшалэ́нгэ Наюдэндыр, савэ́ исын дрэ Антио́хия, Сирия и Киликия: тэ явэ́л рама́нё (миро) тумэ́нгэ.

Apostolengiri Butý 2:5

Кэ Ерусалимо дживдэ́ Юды, савэ́ сыс дэвлы́тка мануша́; ёнэ явнэ́ кажнонэ́ ригэ́ндыр сарэ́ парнэ́ свэто́стыр.

Apostolengiri Butý 21:18

Пэ яви́р дывэ́с амэ Павлиса явдя́м кэ Яково, одо́й скэдынэ́пэ сарэ́ кхангирьенгирэ годэпхурэ́.

Apostolengiri Butý 23:26

“Клавдиёстыр Лисиёстыр Най Фэдыдырэскэ балунитконэскэ Феликсоскэ, лачхо́ дывэ́с!

Apostolengiri Butý 26:7

и ваш дая́ наде́я, амарэ́ дэшуду́й манушэ́нгирэ ро́ды, дывэ́с и рат дынаринэна Дэвлэ́скэ, и пал дая́ наде́я, кра́лё Агри́па, Юды ман бангякирэна.

Apostolengiri Butý 8:1

Савло сыс одо́й и подрикирэлас Стехваноскиро замарибэн. Дро долэ́ дывэса́ сыс баро́ традыпэн пэ Кхангири́ дро Ерусалимо, и сарэ́, апри́ч Апостолэндэ, розгинэпэ пир кажно Юдэя́кирэ и Самариякирэ штэ́ты.

Римлянэнгэ 1:1

Па́вли, Исусо́скиро Христосо́скиро писха́ри (рабо), савэ́с Дэвэ́л кхардя́ кэ Пэ тэ явэ́л Апостолоса и выкэдыя́ тэ роспхэнэл Дэвлэ́скири бахталы́ зан (звесь),

Galatenge 1:19

нэ мэ на дыкхцём ни савэ́ явирэ Апостолос, екхэ Яково́с, Ра́скирэ-Дэвлэ́скирэ пшалэ́с.

Galatenge 2:12

пал-дова́ со анги́л дова́, сыр явнэ́ мануша́ Яковостыр, ёв халас Наюдэнца; а ке́ли ёнэ явнэ́, ёв дыяпэ палэ и рикирдя пэс дро риг, пал-дова́ со ёв дарандыя Юдэндыр;

Galatenge 2:9

и ке́ли Яково, Пэ́три и Иа́но, конэ́с гиндлэ́ пал шэралэндэ, шундлэ́, со ма́нгэ сыс дыно́ бахталыпэ́н пэ дасави́ буты́, ёнэ подынэ васт ваш кхэтаныпэн ма́нгэ и Варнаваскэ, соб (кай) амэ тэ джас кэ На́юды, а ёнэ тэ джа́н кэ Юды;

Яви́р Зако́но 28:64

И росчхурдэла тэ дживэ́л тут Рай Дэвэ́л пир сарэ́ манушэ́ндэ, ягоро́стыр (краёстыр) пхувьякирэстыр кэ яви́р яго́ро пхувья́киро, и ту явэ́са одо́й тэ дынаринэс явирэ дэвлорэ́нгэ, савэ́н на джиндян ни ту, ни дада́ тырэ́, каштэскэ и барэнгэ.

Яви́р Зако́но 30:3

тэды Рай Дэвэ́л, Дэвэ́л тыро́ рискирэ́ла тырэ́ манушэ́н плено́стыр, и потангинэла тут, и нэвэ́стыр скэдэ́ла тут сарэ́ манушэ́ндыр (народэндыр), машки́р савэ́ндэ Ёв росчхудя́ тут тэ дживэ́л Рай Дэвэ́л, Дэвэ́л тыро́.

Яви́р Зако́но 32:26

Мэ пхэнавас: “Мэ росчхурдава тэ дживэ́н лэн, и лава́ криг (скхосава) машки́р манушэ́ндэ рипирибэ́н пал лэ́ндэ”;

Яви́р Зако́но 4:27

и росчхурдэла тумэн Рай Дэвэ́л пир сарэ́ манушэ́ндэ тэ дживэ́н, и ячэ́напэ пэ на́бут машкира́л манушэ́ндэ, кэ савэ́ залыджала тумэн Рай Дэвэ́л.

Filipiicenge 1:1

Павли́стыр и Химастыр (Тимафеёстыр), Исусо́скирэ Христосо́скирэ писхарьендыр, кэ сарэ́ свэ́нта мануша́ дрэ Филипы, кон патя́ла дрэ Исусо́стэ Христосо́стэ сарэ́ епископэнца (кхангирья́кирэ барыдырэ́нца) и диаконэнца;

2 Ximaske 4:21

Причху́в зор тэ явэс сыгэды́р адари́к анги́л ивант (зима). Евуло пиридэла ту́кэ “рама́нё”, и Пудо, и Лино, и Клавдиё, и сарэ́ яви́р пша́ла.

Titoske 1:1

Павли́стыр, Дэвлэ́скирэ писхаристыр и Исусо́скирэ Христосо́скирэ Апостолостыр. Мэ со́мас бичхадо́ тэ розлыджав манушэ́нгиро патяибэ́н, савэ́н Дэвэ́л выкэдыя́, и тэ янав лэн кэ чачипэ́н, соб (кай) ёнэ тэ дживэ́н дара́са анги́л Дэвлэ́стэ;

1 Petr 1:1

Пэтристыр, Исусо́скирэ Христосо́скирэ Апостолостыр, манушэ́нгэ, конэ́с Дэвэ́л выкэдыя́, савэ́ лодэна и исын росчхурдынэ пир свэ́то, дро Понто, Галатия, Кападокия, Асия и Вифиния,

2 Petr 1:1

Симоностыр Пэтристыр, Исусо́скирэ Христосо́скирэ писхаристыр и Апостолостыр, сарэ́ манушэ́нгэ, кон прилыя́ дасаво-паць дро́го патяибэ́н кхэтанэ́ амэ́нца пир чачипэ́н амарэ́ Дэвлэ́скиро и Зракхибнарискиро, Исусо́скирэ Христосо́скиро,

Juda 1:1

Юдастыр, Исусо́скирэ Христосо́скирэ писхаристыр, Яково́скирэ пшалэстыр, манушэ́нгэ, савэ́ ячнэ́ дро́га Дэвлэ́скэ Дадэ́скэ, и савэ́н Ёв прикхардя, и савэ́н зракхця́ Ису́со Христо́со:

Sykadyipén 7:4

И мэ шундём одолэнгирэ-манушэ́нгиро кицыпэн (количэство), конэ́скэ чхудэ́ чэргэнори́: 144000 мануша́, савэ́ сыс сарэ́ Израилёскирэ-чхавэ́нгирэ родэндыр (чангэ́ндыр):