Isúso 8:2 - Библия - Пэ Балтитко Романи чиб (Романэс) 2019

² Кэр Гаёса и лэ́скирэ крали́са дова́-паць, со ту кэрдя́н Ерихоноса и лэ́скирэ крали́са, екх лэ́скиро дорэсыбэ́н и лэ́скирэ кхэри́тка мурдала́ (ското) роскэрэн пэ́скэ. Кэр засада пал фо́ро”.

Biblija - Pe Baltitko Romani čib (Romanes) 2019

² Ker Gajosa i léskire kralísa dová-pac', so tu kerdián Jerihonosa i léskire kralísa, jekh léskiro doresybén i léskire kherítka murdalá (skoto) roskeren péske. Ker zasada pal fóro”.

Isúso 8:2 Iomraidhean Croise

2 Паралипоменоно 13:13

Машкир дава́ Еровоа́мо бичхадя́ отрядо тэ обджан лэн дро забэшыбэн (засада) лэ́нгэ палалэстыр, адя́кэ со кокоро́ ёв сыс анги́л Юдэ́ндэ, а забэшыбэн пала́л лэ́ндэ.

2 Паралипоменоно 20:22

И дрэ дова́ часо (цы́ро), сыр ёнэ лынэ́ тэ шарэ́н и тэ барьякирэ́н, Рай Дэвэ́л ґаздыя́ розладо машки́р Амонитянэндэ, Моавитянэндэ и манушэ́ндэ, савэ́ дживдэ́ пэ бэ́рга Сеиро, савэ́ явнэ́ пэ Юдэ́я, и сыс ёнэ домардэ́;

Psalmy 39:6

Ѓа́да, фэ́ни пэ буґлыпэ́н мирэ́-вастэскиро Ту дыя́н ма́нгэ дывэса́ тэ джива́в и миро джиибэ́н исын кротко часо, сы́рбы нисо́ анги́л Ту́тэ. Дава́ исын патяибэ́н, со кажно (сва́ко) ману́ш, мэк ёв тэ тэрдёл вучэ́с, исын балвалякиро пхурдыпэн. Сэ́ла.

Pritčy 13:22

Лачхо́ ману́ш ячкирэ́ла мэкно́ миштыпэ́н (наследство) лэ́скирэ-чхавэ́нгирэ чхавэ́нгэ, нэ барвалыпэ́н грэхитконэ́-манушэ́нгиро приракхэлапэ ваш чачунэ́ манушэ́нгэ.

Pritčy 28:20

Патяибны́тко ману́ш исын барвало́ бахтякирибнаса, нэ кон камэ́ла сы́гэс тэ розбарвалёл (тэ явэ́л барвало́), одова́ на уджала каратыр.

Ереме́ё 17:11

Сыр куропатка, сави́ бэшэ́ла пэ парнорэ, со ёй на чхудя́, адя́кэ-паць исын ману́ш, кон дорэсэ́ла барвалыпэ́н на пир чачипэ́н: дро са́мо машкира́л лэ́скирэ дывэса́ барвалыпэ́н мэкэ́ла лэс и дро ко́нцо (дро яго́ро) ёв явэ́ла дылыно́.

Ереме́ё 51:12

Чхувэ́н упрэ́ сцяго (знамё) пэ ва́нты Вавилоно́скирэ, зорьякирэн стрэ́га, росчхувэн ракхибнаскирэн, кэрэ́н чораханэ штэ́ты (засады) тэ марэ́нпэ. О Рай Дэвэ́л выпхэрдякирэла (сполнинэла) дова́, со Ёв пхэндя́ пэ манушэ́ндэ, кон дживэ́ла кэ Вавило́но.

Яви́р Зако́но 2:35

екх лыям амэ пэ́скэ дро дорэсыбэ́н (добыча) лэ́нгирэ кхэритконэ́ мурдалэ́н (ското) и миштыпэ́н форье́ндыр, савэ́ амэ заухтылдям.

Яви́р Зако́но 20:14

екхэ джувле́н и чхаворэ́н, и кхэритконэ́ мурдалэ́н (ското), и саро́, со исын дро фо́ро, саро́ лэ́скиро дорэсыбэ́н лэ пэ́скэ, и лэ сыр трэй дорэсыбнастыр тырэ́ вэргэ́нгирэ, савэ́н отдыя́ ту́кэ Рай Дэвэ́л, Дэвэ́л тыро́;

Яви́р Зако́но 3:2

И пхэндя́ ма́нгэ Рай Дэвэ́л: “На дар лэ́стыр, пал-дова́ со Мэ отда́ва лэс дро тыро́ васт, и сарэ́н лэ́скирэ манушэ́н, и сари́ лэ́скири пхув, и ту кэрэ́са лэ́са адя́кэ, сыр ту кэрдя́н Сигоноса [Сихоноса-ю.о.], Аморее́нгирэ крали́са, саво́ дживдя́ кэ Есево́но.”

Isúso 10:1

И сыс адя́кэ: ке́ли Адониседэко, Ерусалимоскиро кра́ли, шундя́, со Ису́со лыя́ Гаё и отдыя́ лэс совлахакэ (прокошыбнаскэ), и со адя́кэ-паць кэрдя́ Гаёса и лэ́скирэ крали́са, сыр кэрдя́ Ерихоноса и лэ́скирэ крали́са, и со Гаваоноскирэ мануша́ кэрдэ́ рама́нё (миро) Израилёса и ячнэ́пэ тэ дживэ́н машки́р лэ́ндэ,

Isúso 10:28

Дро дова́-паць дывэ́с лыя́ Ису́со Македо, и домардя́ лэс куртала́са и лэ́скирэ крали́с, и отдыя́ прокошыбнаскэ лэн и саро́ джидо́, со сыс дрэ лэ́стэ; никонэ́с на ячкирдя́, кон бы яця́пэ джидо́; и кэрдя́ адя́кэ-паць Македоскирэ крали́са, сыр кэрдя́ Ерихоноскирэ крали́са.

Isúso 11:14

А саро́ дорэсыбэ́н (добыча) далэ́ форьенгиро и кхэритконэ́ мурдалэ́н (ското) росчордэ Израилёскирэ чхавэ́ пэ́скэ; манушэ́н сарэ́н пиримардэ куртала́са адя́кэ, со протрадынэ сарэ́н лэн: на ячкирдэ́ ние́кх ди.

Isúso 6:21

И отдынэ́ прокошыбнаскэ саро́, со сыс дрэ фо́ро, и муршэ́н и джувле́н, и тэрнэн и пхуранэн, и гурувэ́н, и бакрэ́н, и ослэн, саро́ хасякирдэ́ куртала́са.

Isúso 8:12

И чхудя́ ста́но паш-ратитконэ́ (севернонэ) Гаёскирэ рига́тыр, а машки́р лэ́стэ и Гаёстэ сыс до́ло. Коригэды́р (позжэ) ёв лыя́ пашы́л пандж тысёнцы манушэ́н и чхудя́ лэн дрэ засада машки́р Вефлиемо и Гаё, палатунэ́ форо́скирэ рига́тыр.

Isúso 8:14

Ке́ли дыкхця́ дава́ кра́ли Гаёскиро, саво́ сыс дова́-паць моменто форо́скирэ манушэ́нца, ёв уштыи тася́рлэс (ра́нэс), выгия́ пэ Израилё пэ марибэ́н, ёв и сарэ́ лэ́скирэ мануша́, пэ упхэндло́ штэ́то анги́л лошчы́на. Нэ ёв на джиндя́, со ваш лэ́скэ исын засада (забэшыбэн) пал фо́ро.

Isúso 8:19

Мануша́, савэ́ бэштэ́ сыс дрэ засада, сы́гэс уштынэ́ пэ́скирэ штэто́стыр и праста́ндынэ, сыр сыг ёв протырдыя́ пэ́скиро васт, загинэ́ дро фо́ро, и лынэ́ лэс, и сы́гэс захачкирдэ фо́ро яга́са.

Isúso 8:24

Ке́ли Израильтя́ни домардэ́ сарэ́н манушэ́н Гаёскирэн пэ фэ́лда, пэ чхучи́ пхув, карик ёнэ традынэ лэн, и ке́ли сарэ́ ёнэ кэ палатуно́ ману́ш пынэ́ куртала́тыр, то тэды сарэ́ Израильтя́ни рисинэ́ кэ Гаё, и домардэ́ лэс куртала́са.

Isúso 8:3

Ису́со и сарэ́ мануша́, савэ́ сыс лачхэ́ кэ марибэ́н, уштынэ́, соб (кай) тэ джас пэ Гаё; и выкэдыя́ Ису́со трия́нда тысёнцы манушэ́н муршканэн, и бичхадя́ лэн раты́.

Isúso 8:7

то тэды тумэ́ уштэна засадатыр и залэна фо́ро; и Рай Дэвэ́л, Дэвэ́л тумаро́, отдэ́ла лэс дрэ тумарэ́ васта́.

Isúso 8:8

Ке́ли лэ́на фо́ро, захачкирэн фо́ро яга́са, пир лав Дэвлэ́скиро кэрэ́н. Дыкхэ́н, мэ ракира́ва тумэ́нгэ”.

Isúso 8:9

Адя́кэ бичхадя́ лэн Ису́со, и ёнэ гинэ́ дрэ засада, и гарадынэ машки́р Вефлиемо и машки́р Гаё, палатунэ́ Гаёскирэ рига́тыр; а Ису́со дрэ доя́ рат ратькирдя машки́р манушэ́ндэ.

Isúso 9:3

Нэ ке́ли Гаваоноскирэ мануша́ шундлэ́, со Ису́со кэрдя́ Ерихоноса и Гаёса,