Isúso 7:7 - Библия - Пэ Балтитко Романи чиб (Романэс) 2019

⁷ И пхэндя́ Ису́со: “Нэ, Раё Дэ́вла, Хула́ё! Ваш со Ту пирилыджиян адалэ́ манушэ́н пир Иорда́но, соб (кай) тэ отдэс амэн дрэ Аморее́нгирэ васта́, и тэ хасякирэс амэн? Нэ, ко́ли бы амэ тэ ячаспэ и тэ джива́с пал Иорда́но!

Biblija - Pe Baltitko Romani čib (Romanes) 2019

⁷ I phendiá Isúso: “Ne, Rajo Dévla, Xulájo! Vaš so Tu pirilydžijan adalé manušén pir Iordáno, sob (kaj) te otdes amen dre Amoriejéngire vastá, i te xasiakires amen? Ne, kóli by ame te jačaspe i te dživás pal Iordáno!

Isúso 7:7 Iomraidhean Croise

4 Kralip 3:10

И пхэндя́ Израилёскиро кра́ли: “Ах! Кхардя́ кхэтанэ́ Рай Дэвэ́л тринэн адалэн кралье́н, соб (кай) тэ отдэ́л лэн дрэ Моавоскирэ васта́.”

Psalmy 116:11

[2] Мэ сы́гэс пхэндём пэ́скэ: “Сарэ́ мануша́ исын хоханэ́.”

Vygiiben 16:3

и пхэндлэ́ лэ́нгэ Израилёскирэ чхавэ́: “Нэ, ко́ли амэ тэ мэрас Ра́скирэ-Дэвлэ́скирэ вастэ́стыр пэ Египто́скири пхув, ке́ли амэ са́мас бэштэ́ пашы́л пирья масэса, и ке́ли амэ хаям маро́ кэ чалыпэн! Палдава́ со вылыджинэ́ тумэ́ амэн пэ дая́ чхучи́ пхув, соб (кай) саро́ дава́ скэдыибэ́н тэ мулякирэ́н бокхаса.”

Vygiiben 17:3

И камлэ́ одо́й мануша́ пани́, и кошнэпэ мануша́ пэ Мойзастэ, и ракирдэ́: “Палсо́ ту вылыджиян амэн Египто́стыр, тэ мулякирэс амэн и чхавэ́н амарэн и ста́ды амарэ́ би панескиро?”

Čysly 14:16

“О Рай Дэвэ́л на могиндя́ тэ залыджал адалэ́ манушэ́н пэ пхув, сави́ Ёв совлахаса пхэндя́ тэ дэл лэ́скэ, а тэ́ньчи (после) и хасякирдя́ лэн пэ чхучи́ пхув.”

Čysly 14:3

И ваш со Рай Дэвэ́л лыджа́ла амэн пэ дая́ пхув, соб (кай) амэ тэ хасёвас куртала́тыр? Джувля́ амарэ́ и чхавэ́ амарэ́ дорэсэнапэ вэргэ́нгэ; ци нанэ фэды́р тэ рисёвас палэ дро Еги́пто?”

Матфеё 17:17

Ису́со пхэндя́ дро отпхэныбэ́н: “Тумэ́ сан напатяибнаскиро и пхарэ́-манушэ́нгиро ро́до, кицы́ Мэ тэ явав тумэ́нца? Кицы́ Мэ ява́ва тэ вырикирав тумэн? Янэ́н лэс адари́к.”

Матфеё 17:20

И ракирэ́ла Ёв лэ́нгэ: “Пал-дова́ со тумаро́ патяибэ́н исын назорало; палдова́, чачэс, Мэ ракира́ва тумэ́нгэ: ко́ли явэ́ла тумаро́ патяибэ́н сыр гарчычно зя́рка, тэды пхэнэ́на бэргакэ ‘тэ джал одотхы́р адари́к ‘и джа́ла; и тумэ́ могинэ́нас саро́.

Юдэ́нгэ 12:5

И тумэ́ бистырдэ лава́, савэ́ Дэвэ́л ракирдя́ тэ подрикирэ́л тумэн, сыр Пэ́скирэ чхавэ́н: “Чхавоа миро, на лэ пэ ило локхэс, ке́ли Дэвэ́л сыклякирэ́ла тут, и на здэпэ духо́са, ке́ли Ёв пхэнэ́ла зорья́са банг ту́кэ;

Isúso 7:6

Ису́со роскустя и́ди пэ́скирэ, и пыя́ пэ́скирэ мо́са пэ пхув анги́л Ра́скиро-Дэвлэ́скиро ковчэго, и пасия́ кэ бэльвэ́ль, ёв и Израилёскирэ пхурыдыра́, и обчхувэнас прахоса пэ́скирэ шэрэ́.

Isúso 7:8

О, Раё Дэ́вла! Со ма́нгэ тэ пхэна́в пало́ дава́, сыр Израилё рисия́ думэса кэ пэ́скирэ вэ́рги?

Сэндарьенгири Лылвари́ 20:23

И гинэ́ Израилёскирэ чхавэ́, и рондлэ́ анги́л Дэвлэ́стэ кэ бэльвэ́ль, и пхучнэпэ Дэвлэ́стыр: “Ци тэ тэрдёвав ма́нгэ буты́р дро марибэ́н Вениамино́скирэ чхавэ́нца, мирэ́ пшалэса?” Дэвэ́л пхэндя́: “Джа́н проти лэ́стэ.”

1 Kralip 4:3

И явнэ́ мануша́ дро ста́но (лод), и пхэндлэ́ Израилёскирэ пхурыдыра́: “Пал со домардя́ амэн Рай Дэвэ́л ададывэ́с анги́л Филистимлянэндэ? Ла́са пэ́скэ Силомостыр ковчэго Ра́скирэ-Дэвлэ́скирэ заветоса, и ёв джа́ла машки́р амэ́ндэ, и зракхэ́ла амэн вастэ́стыр амарэ́ вэргэ́нгирэ (врогэнгирэ).”