Isúso 7:6 - Библия - Пэ Балтитко Романи чиб (Романэс) 2019

⁶ Ису́со роскустя и́ди пэ́скирэ, и пыя́ пэ́скирэ мо́са пэ пхув анги́л Ра́скиро-Дэвлэ́скиро ковчэго, и пасия́ кэ бэльвэ́ль, ёв и Израилёскирэ пхурыдыра́, и обчхувэнас прахоса пэ́скирэ шэрэ́.

Biblija - Pe Baltitko Romani čib (Romanes) 2019

⁶ Isúso roskustia ídi péskire, i pyjá péskire mósa pe phuv angíl Ráskiro-Devléskiro kovčego, i pasijá ke bel'vél', jov i Izrailjoskire phurydyrá, i občhuvenas prahosa péskire šeré.

Isúso 7:6 Iomraidhean Croise

Džiibén 37:29

Рувимо нэвэ́стыр явдя́ кэ ґанби́н; и ґа́да, нанэ Ёзас дрэ ґанби́н. И роскостя ёв пэ́скирэ и́ди,

Džiibén 37:34

И роскостя Яково пэ́скирэ и́ди, и чхудя́ балытко гоно́ праскаса пэ пэ́скирэ пашварэ, и обровэлас ёв бут дывэса́ пэ́скирэ чхавэ́с.

2 Kralip 1:11

Тэды сухтылдя Дави́до пэ́скирэ и́ди, и роскустя лэн, адя́кэ-паць и сарэ́ мануша́ кэрдэ́, савэ́ сыс лэ́са,

2 Kralip 1:12

и тугиндлэ годла́са (голосиндлэ) и рондлэ́, и постындлэ кэ бэльвэ́ль пал Саулостэ, и пал лэ́скирэ чхавэ́стэ Ионафаностэ, и пал Ра́скирэ-Дэвлэ́скирэ манушэ́ндэ, и пал Израилёскиро кхэр, со ёнэ мынэ́ куртала́тыр.

2 Kralip 1:2

то ґа́да, пэ три́то дывэ́с явдя́ ману́ш Сауло́скирэ станостыр; и́дя пэ лэ́стэ сыс роскушны и пра́хо сыс пэ лэ́скиро шэро́. Явдя́ ёв кэ Дави́до, и пыя́ пэ пхув и поклониндяпэ лэ́скэ.

2 Kralip 12:16

И мангдя́пэ Дави́до Дэвлэ́скэ пал тыкнэмасэстэ, и постиндя Дави́до, и, екхджино́ сыс раты́, пасии пэ пхув.

2 Kralip 13:19

И чхудя́ Фамарь пеплоса пэ́скиро шэро́, и роскустя цвятытко и́дя, сави́ сыс пэ пэ́стэ, и чхудя́ пэ́скирэ васта́ пэ пэ́скиро шэро́, и адя́кэ гия́ и годлыя.

2 Kralip 13:31

И уштыя́ кра́ли, и роскустя пэ́скирэ и́ди, и пасия́ пэ пхув, и сарэ́ дына́рья лэ́скирэ, савэ́ сыс тэрдэ́ пашы́л лэ́стэ, роскушнэ пэ́скирэ и́ди.

4 Kralip 22:11

Ке́ли шундя́ кра́ли лава́ Законо́скирэ лылварьятыр, то роскустя и́ди пэ́скирэ.

2 Паралипоменоно 34:19

Ке́ли шундя́ кра́ли Законо́скирэ лава́, то тэды роскусця пэ́скирэ и́ди.

Е́здра 10:1

Акана́, сыр о Е́здра мангэласпэ Дэвлэ́скэ, и сыр Ёв приджинэлас лэ́нгирэ грэ́хи, рови́ и пэри шэрэ́са анги́л Кхэр (Кхангири́) Дэвлэ́скиро древа́н бут мануша́ скэдынэ́пэ: мурша́, джувля́ и бияты Израилёскирэ, ёнэ тэрдинэ́ екх пашы́л екхэ́стэ, ёнэ адя́кэ-паць рондлэ́ киркэс.

Ниеми́я 9:1

Пэ биш тэ шта́рто дывэ́с дро дава́ чхон скэдынэ́пэ сарэ́ чхавэ́ Израилёскирэ, савэ́ постынэна дрэ балы́тка гонэ́ (пеплоса) пэ шэро́.

Ester 4:1

Ке́ли Мардохе́ё уджиндя́ саро́, со кэрдя́пэ, ёв роскустя пэ́скирэ и́ди, и чхудя́ пэ пэ́стэ балытко гоно́ (вре́тишчо) и пра́ска; и ёв выгия́ пэ машкира́л фо́ро барэ́ и кирконэ ясвэ́нца, и задыя го́дла.

Ester 4:3

Адя́кэ-паць и дро кажно провинцыя и штэ́то, карик догия́ крали́скиро припхэныбэ́н и лэ́скиро упхэныбэ́н, сыс баро́ пиридживипэн Юдэ́нгэ, и посто, и ровибэн, и го́дла; балытко гоно́ и пра́ска сыс чхуибнаса ваш бутэнгэ манушэ́нгэ.

Ióvo 1:20

И уштыя́ Ио́во и рискирдя́ пэ́скиро урибэ́н, и мурадя сарэ́са пэ́скиро шэро́, и пыя́ пэ пхув, дыя́ паклоно,

Ióvo 2:12

И сыр ёнэ ґаздынэ́ пэ́скирэ якха́ дура́л, тэды ёнэ на пинджкирдэ (на ґалынэ́) лэс; ёнэ дынэпэ тэ ровэ́н зоралэ́с. Кажно лэ́ндыр рискирдя́ пэ́скиро урибэ́н, чхурдыя́ пра́хо упрэ́ пэ болыбэ́н пэ пэ́скиро шэро́.

Ióvo 42:6

Палдава́ мэ давапэ палэ мирэ́ лавэ́ндыр, мэ приджинава миро грэ́хо дро пра́хо и пра́ска.”

Roiben 2:10

Годэпхурэ́ Сионоскирэ исын бэштэ́ штылэ́с пэ пхув; и исын ёнэ чхурдэна пра́хо пэ пэ́скирэ шэрэ́ и ёнэ подпхандэнапэ жалобнонэ гонэса. Ерусалимо́скирэ патывалэ́ тырнэ джувля́ бандякирэна шэрэ́ кэ пхув.

Čysly 14:6

И Ису́со (Ёхошуа́), Навиноскиро чхаво́, и Халево, Ефонияскиро чхаво́, савэ́ обдыкхэнас пхув, роскушнэ пэ́скирэ урибэна́,

Čysly 16:22

Ёнэ пынэ́ пэ пэ́скирэ муя́ и пхэндлэ́: “Дэ́вла, Дэвлалэ пэ кажнонэ́-масэскиро (лочакиро) ду́хо (фа́но)! Екх ману́ш кэрдя́ грэ́хо, и Ту холясоса пэ сарэ́ манушэ́ндэ?”

Čysly 16:45

“Джа́н дрэ риг адалэ́ манушэ́ндыр, и Мэ хасякира́ва лэн дрэ екх мэнта (минута).” Нэ ёнэ пынэ́ пэ пэ́скирэ муя́.

Apostolengiri Butý 14:14

Нэ Апо́столы Варнава и Па́вли, ке́ли шундлэ́ пал дава́, то ёнэ роскушнэ пэ́скирэ и́ди и годла́са чхурдынэпэ дрэ манушэ́ндэ,

Isúso 7:7

И пхэндя́ Ису́со: “Нэ, Раё Дэ́вла, Хула́ё! Ваш со Ту пирилыджиян адалэ́ манушэ́н пир Иорда́но, соб (кай) тэ отдэс амэн дрэ Аморее́нгирэ васта́, и тэ хасякирэс амэн? Нэ, ко́ли бы амэ тэ ячаспэ и тэ джива́с пал Иорда́но!

Sykadyipén 18:19

И ёнэ чхурдэнас пыло пэ лэнгрэ шэрэ́, дэ́нас го́дла, ровэнас и дэ́нас го́дла ясвэ́нца, пхэни́: “Бида, би́да, барэ́ фороскэ! Дро саво́ сарэ́ барвалынэ, конэ́стэ сыс па́рмы (корабли) пэ мо́рё (дэрья́в), форо́скирэ кучипнастыр! Пал-дова́ со дро екх мардо́ (шту́нда) дасаво миштыпэ́н хасия́.”

Сэндарьенгири Лылвари́ 11:35

Ке́ли ёв дыкхця́ ла, роскустя пэ́скири и́дя и пхэндя́: “Ах, мири́ чхай! Ту домардян ман; и ту сан дрэ чысло одолэнца, савэ́ пхагирдэ́ рама́нё (миро) мирэ́ джиибна́скиро! Мэ отчхакирдём пал ту́тэ мирэ́ ушта́ анги́л Растэ-Дэвлэ́стэ, и мэ на могина́ва тэ отпхэнавпэ.”

Сэндарьенгири Лылвари́ 20:23

И гинэ́ Израилёскирэ чхавэ́, и рондлэ́ анги́л Дэвлэ́стэ кэ бэльвэ́ль, и пхучнэпэ Дэвлэ́стыр: “Ци тэ тэрдёвав ма́нгэ буты́р дро марибэ́н Вениамино́скирэ чхавэ́нца, мирэ́ пшалэса?” Дэвэ́л пхэндя́: “Джа́н проти лэ́стэ.”

Сэндарьенгири Лылвари́ 20:26

Тэды сарэ́ Израилёскирэ чхавэ́ и сарэ́ мануша́ гинэ́, и явнэ́ дро Кхэр Дэвлэ́скиро, и, бэшындой одо́й, рондлэ́ анги́л Дэвлэ́стэ, и постиндлэ дрэ дова́ дывэ́с кэ бэльвэ́ль, и яндлэ́ цэ́ло схачкирибэ́н и мирна свэ́нта яныбэна́ анги́л Дэвлэ́стэ.

Сэндарьенгири Лылвари́ 21:2

И явнэ́ мануша́ дро Дэвлэ́скиро Кхэр, и сыс бэштэ́ одо́й кэ бэльвэ́ль анги́л Дэвлэ́стэ, и ґаздынэ́ зоралы́ го́дла, и древа́н рондлэ́,

1 Kralip 4:12

И настя́ екх Вениамитянино марибнаскирэ штэто́стыр, и явдя́ дро Сило́мо, дро дова́-паць дывэ́с; и́дя пэ лэ́стэ сыс розкушны и пра́хо пэ лэ́скиро шэро́.