Isúso 7:12 - Библия - Пэ Балтитко Романи чиб (Романэс) 2019

¹² Палдава́ Израилёскирэ чхавэ́ на могиндлэ́ тэ вытэрдён анги́л пэ́скирэ вэргэ́ндэ, и сыкадэ палуй (тыло) пэ́скирэ вэргэ́нгэ, пал-дова́ со ёнэ попынэ тэл совэ́л (прокошыбэ́н); Мэ на ява́ва буты́р тумэ́нца, ко́ли на хасякирэна пэ́стыр засовлахадэс.

Biblija - Pe Baltitko Romani čib (Romanes) 2019

¹² Paldavá Izrailjoskire čhavé na mogindlé te vyterdjon angíl péskire vergénde, i sykade paluj (tylo) péskire vergénge, pal-dová so jone popyne tel sovél (prokošybén); Me na javáva butýr tuménca, kóli na xasiakirena péstyr zasovlahades.

Isúso 7:12 Iomraidhean Croise

Psalmy 44:10

Нэ Ту сатаки (усае́кх) ячкирдян амэн и ладжакирдян амэн, и Ту на ги́ян анги́л амарэ́ халадыпнэнца.

Psalmy 60:10

Моа́во исын мири́ копа́на (умывальница), пир Эдо́мо мэ чхурдава мири́ шкорня; Филистия (Филистэя), ци на дэ́са ту го́дла зоралэ́с радыма́тыр пал ма́ндэ.

Pritčy 28:1

Фуй ману́ш нашэла криг, ке́ли нико́н на традэлапэ пал лэ́стэ, нэ чачуно́ ману́ш исын муршкано́ сыр шчэр (ле́во).

Isajos 59:2

Нэ тумаро́ чорипэ́н (налачхэ́ рэ́нды) исын машки́р тумэ́ндэ и Дэвлэ́стэ; тумарэ́ грэ́хи исын дро дова́, со Лэ́скиро муй отрисёла тумэ́ндыр, и соб (кай) Дэвэ́л тэ на шунэ́л.

Ереме́ё 23:33

“Палдава́, ке́ли адалэ́ мануша́, ци проро́ко, ци раша́й пхучэна ту́тыр, пхэни́: ‘Сави́ исын пхари́ звесь (зан) Ра́стыр-Дэвлэ́стыр?’ – тэды ту, Ереме́ё, пхэнэ́са лэ́нгэ: ‘Тумэ́ кокорэ́ сан пхари́ звесь (зан) Растэ-Дэвлэ́стэ адя́кэ, со Рай Дэвэ́л камэ́ла тэ отпхэнэлпэ тумэ́ндыр.’

Ереме́ё 6:8

“Сыклён (обдуминэнпэ) тумэ́, Ерусалимо́скирэ мануша́, соб (кай) Миро ди тэ на дурьёл (тэ на отджал) тумэ́ндыр, соб (кай) Мэ тэ на чхучакирав тумэн адя́кэ, со пхув явэ́ла биманушэнгири.”

Osija 9:12

На дыкхи́ пэ дава́, со ёнэ барьякирэна пэ́скирэ чхаворэ́н (биятэ́н), нэ Мэ ла́ва криг лэн кэ палатуно́ (последнё) манушоро. Чачо́, би́да пэрэ́ла пэ лэ́ндэ, ке́ли Мэ отджава (дурьёвава) лэ́ндыр!’

Avakumo 1:13

Тырэ́ якха́ исын древа́н свэ́нта, соб (кай) тэ дыкхэ́н пэ дая́ биба́хт, и лэ́нгэ нашты́ тэ дыкхэ́н фуипэ́н. Со́скэ Ту дыкхэ́са кодолэ́н, савэ́ кэрэ́на злыдниткэс, и Ту на ракирэ́са нисо́, сыр бибахтало́ ману́ш хасякирэ́ла одолэ́с, саво́ исын чачунэдыр лэ́стыр?

Čysly 14:39

И пхэндя́ Мо́йза далэ́ лава́ анги́л сарэ́ндэ Израилёскирэ чхавэ́ндэ, и мануша́ древа́н засмэнтниндлэпэ.

Čysly 14:42

на джа́н, пал-дова́ со нанэ машки́р тумэ́ндэ Рас-Дэвлэ́с, соб (кай) тэ на пиримарэн тумэн тумарэ́ вэ́рги;

Čysly 14:43

пал-дова́ со Амаликитяни и Хананеи исын одо́й анги́л тумэ́ндэ, и тумэ́ пэрэ́на куртала́тыр, пал-дова́ со тумэ́ отгинэ́ Ра́стыр-Дэвлэ́стыр, и на явэ́ла тумэ́нца Рай Дэвэ́л.”

Čysly 14:45

И гинэ́ пэ́скэ Амаликитяни и Хананеи, савэ́ дживдэ́ пэ доя́ бэ́рга, и розмардэ лэн, и традынэ лэн кэ Хорма.

Яви́р Зако́но 7:26

и на лы́джа магирипэ́н дро тыро́ кхэр, соб (кай) тэ на пэрэс совлахакэ, сыр ёв; отрисёв сарэ́стыр и гин сыр джунгалыпэ́н саро́ (гидинпэ сарэ́стыр); пал-дова́ со дава́ исын совлахадо.

Isúso 6:18

Нэ тумэ́ ракхэ́нпэ долэ́стыр, со исын прокошно́, соб (кай) и кокорэнгэ тэ на пэрэ́н тэл прокошыбэ́н, ко́ли лэ́на вари-со прокошнэстыр, и соб (кай) пэ ста́но Израилёскирэ чхавэ́нгиро тэ на лыджас прокошыбэ́н и тэ на кэрэ́с лэ́скэ би́да.

Сэндарьенгири Лылвари́ 16:20

Ёй пхэндя́: “Филистимля́ни джа́на пэ ту́тэ, Самсо́но!” Ёв джангадыя (прошниндяпэ) пэ́скирэ соибнастыр и пхэндя́: “Джа́ва, сыр и англыдыр, и мэ ява́ва во́льно.” А на джиндя́, со Рай Дэвэ́л отгия́ лэ́стыр.

Сэндарьенгири Лылвари́ 2:14

И захачи́я Ра́скирэ-Дэвлэ́скири холы́ пэ Израилё, и отдыя́ лэн дрэ чорибнарьенгирэ васта́, и обчордэ лэн; и отдыя́ лэн дрэ вэргэ́нгирэ васта́, савэ́ сыс пашы́л лэ́ндэ, и на могиндлэ́ ёнэ буты́р тэ вырикирэн анги́л пэ́скирэ вэргэ́ндэ.

Сэндарьенгири Лылвари́ 2:4

Ке́ли Ра́скирэ-Дэвлэ́скиро Янго́ло пхэндя́ далэ́ лава́ сарэ́ Израилёскирэ чхавэ́нгэ, тэды мануша́ ґаздынэ́ бари го́дла и зарондлэ.

1 Kralip 14:38

Тэды пхэндя́ Са́уло: “Мэк тэ подджан адари́к сарэ́ манушэ́нгирэ барыдыра́, и розґалёна и уджинэна, пэ конэ́стэ какана́ грэ́хо исын?