Isúso 6:4 - Библия - Пэ Балтитко Романи чиб (Романэс) 2019

⁴ И эфта́ рашая́ мэк тэ лыджа́н эфта́ ро́ги (трубы) свэнкитка анги́л ковчэго; а пэ эфта́то дывэ́с обджан пашы́л фо́ро эфта́ мо́лы, и рашая́ мэк тэ трубинэн дрэ ро́ги.

Biblija - Pe Baltitko Romani čib (Romanes) 2019

⁴ I eftá rašaja mek te lydžán eftá rógi (truby) svenkitka angíl kovčego; a pe eftáto dyvés obdžan pašýl fóro eftá móly, i rašaja mek te trubinen dre rógi.

Isúso 6:4 Iomraidhean Croise

Džiibén 2:3

Дэвэ́л бахтякирдя́ эфта́то (битринэ́нгиро дэ́што) дывэ́с и освэнцындя лэс, пал-дова́ со дрэ дава́ дывэ́с откхиныя Ёв сарэ́ Пэ́скирэ рэндэ́ндыр, савэ́ Ёв создыя́ и кэрдя́.

3 Kralip 18:43

И пхэндя́ ёв пэ́скирэ тэрнэ́ дынари́скэ: “Джа́ акана́, подыкх кэ мо́рё (дэрья́в).” И одова́ гия́, и дыкхця сыгэс, и пхэндя́: “Ничы́ нанэ.” И пхэндя́ Или́я лэ́скэ: “Псир одори́к кэ эфта́ мо́лы.”

4 Kralip 5:10

И бичхадя́ кэ ёв Елисе́ё дынари́с тэ пхэнэ́л: “Джа́, обморпэ эфта́ мо́лы дро Иорда́но, и явэ́на нэвэ маса́ ту́тэ, и ту явэ́са жужо́.”

4 Kralip 5:14

И гия́ ёв, и обмордяпэ дро Иорда́но эфта́ мо́лы, пир Дэвлэ́скирэ-манушэ́скиро лав, и ячнэ́ нэвэ лэ́скирэ маса́, сыр маса́ тыкнэ́-чхаворэскирэ, и выжужакирдяпэ.

2 Паралипоменоно 13:12

И, акэ, амэ́ндэ дрэ шэралыпэн исын Дэвэ́л, и Лэ́скирэ рашая́, и ро́ги (трубы) исын зоралэзанякирэ, соб (кай) тэ дэн го́дла проти тумэ́ндэ. Чхавэ́ Израилёскирэ! На марэ́нпэ Ра́са-Дэвлэ́са, тумарэ́-дадэнги́рэ Дэвлэ́са; пал-дова́ со тумэ́ адя́кэ на дорэсэ́на лачхипэ́н.”

2 Паралипоменоно 20:17

На тумэ́нгэ трэй тэ марэ́нпэ дава́ мо́ло; тумэ́ тэрдён, тэрдён и дыкхэ́н пэ зракхибэ́н Ра́скирэ-Дэвлэ́скиро, со явэ́ла бичхадо́ тумэ́нгэ. Ю΄да и Ерусалимо! На дарэ́н и на страхадён. Атася́ выджа́на гил (пэ стреч) лэ́нгэ, и Рай-Дэвэ́л явэ́ла тумэ́нца.”

2 Паралипоменоно 20:19

И уштынэ́ Леви́ты Каафоскирэ чхавэ́ндыр и Кореёскирэ чхавэ́ндыр – тэ шарэ́н Рас-Дэвлэ́с, Дэвлэ́с Израилёскирэс, древа́н зоралэ́ заня́са.

2 Паралипоменоно 20:21

И обракирдя ёв манушэ́нца, и чхудя́ багаибнарьн Ра́скэ-Дэвлэ́скэ, соб (кай) ёнэ дрэ гожыпнаскири свэнтыма, тэ выджа́н анги́л халадэ́ндэ, соб (кай) славиндлэ и ракирдэ́: “Барьякирэ́н (славинэ́н) Рас-Дэвлэ́с, пал-дова́ со дро ве́ко тангипэ́н (жалость) Лэ́скиро!”

Ióvo 42:8

Палдава́ лэн акана́ эфта́ гурувэ́н и эфта́ бакрэ́н и джа́н кэ Миро писха́ри Ио́во и янэ́н лэн сыр свэ́нто хачкирибнаскиро дыибэ́н, и мэк Миро писха́ри Ио́во тэ мангэ́лпэ пал тумэ́ндэ. Пал-дова́ со мэ прилава лэ́скиро мангипэ́н, и соб (кай) Ма́нгэ тэ на сыкавав Пэ́скири зор пэ тумэ́ндэ пал тумаро́ дылныпэ́н, пал-дова́ со тумэ́ ракирдэ́ на чачипэ́н пал Ма́ндэ, сыр миро писха́ри Ио́во пхэндя́.”

Isajos 27:13

И явэ́ла дрэ дова́ дывэ́с: баро́ роґо (труба) забашавэла и явэ́на одолэ́, кон нашадяпэ пэ пхув Асириякири, конэ́с вытрадынэ́ пэ пхув Египто́скири. Сарэ́ ёнэ пэрэ́на анги́л Растэ-Дэвлэ́стэ тэ дэн паты́в пэ свэ́нто бэ́рга дрэ Ерусалимо.

Левито 14:16

и киндькирэла раша́й чачо́ (право) пэ́скиро ангу́шт дро елеё, саво́ исын пэ лэ́скири зэ́рво (ле́во) бурнык (ладошка), и чхувэ́ла елеёса пэ́скирэ ангуштэстыр эфта́ мо́лы анги́л Растэ-Дэвлэ́стэ;

Левито 4:6

и обмакнинэла (булавэла) раша́й пэ́скиро ангу́шт (пальцо) дро рат, и побрызгинэла ратэ́са эфта́ (битринэ́нгиро дэш) мо́лы анги́л Растэ-Дэвлэ́стэ анги́л шы́рма пэ свэ́нто штэ́то;

Заха́рия 4:2

И пхэндя́ ёв ма́нгэ: “Со ту дыкхэ́са?” И отпхэнавас мэ: дыкха́ва момолы́тко (свети́льнико) саро́ сувнака́стыр и тахтаёро (чашэчка) ваш маслинитко дзэт упра́л лэ́стэ, и эфта́ момолэнгирэ (лампады) пэ лэ́стэ, и пэ эфта́ трубкицы кэ момолэнгирэ, савэ́ исын упра́л лэ́стэ;

Заха́рия 4:6

Тэды отпхэнэ́лас ёв и пхэндя́ ма́нгэ: “Адя́кэ: дава́ исын лав Ра́скирэ-Дэвлэ́скиро кэ Зоровавелё, саво́ ракирэ́ла: ‘На муршыпнаса и на зорья́са, нэ Духо́са Мирэса’”, – ракирэ́ла янголэ́нгирэ-болыбна́скиро, Рай Дэвэ́л.

Čysly 23:1

Тэ́ньци пхэндя́ Валаа́мо Валакоскэ: “Кэр ма́нгэ ада́й эфта́ алта́ри, и ян ма́нгэ эфта́ гурувэ́н (телянтэн) и эфта́ бакрэ́н.”

Isúso 6:13

И эфта́ рашая́, савэ́ лыджинэ́ эфта́ ро́ги свэнкитка анги́л Ра́скиро-Дэвлэ́скиро ковчэго, гинэ́ и трубиндлэ рогэ́нца; мануша́ мардытконэнца гинэ́ анги́л лэ́ндэ, а мануша́, савэ́ гинэ́ пала́л, гинэ́ пал Ра́скирэ-Дэвлэ́скиро завето́скиро ковчэго и гии, трубиндлэ рогэ́нца.

Isúso 6:3

Джа́н пашы́л фо́ро сарэ́, савэ́ исын лачхэ́ кэ марибэ́н, и обджан фо́ро е́кхвар дрэ дывэ́с; и кэр дава́ шов дывэса́.

Isúso 6:5

Ке́ли затрубинэла свэнкитко шынг (ро́го), ке́ли ушунэна зан рогоскири, тэды сарэ́ мануша́ мэк тэ задэн го́дла зоралэ́ заня́са; и ва́нта форо́скири роспэрэлапэ кэ пэ́скиро фунда́менто, и сарэ́ мануша́ явэ́на тэ джа́н дрэ фо́ро, и явэ́на тэ заджа́н сы́гэс кажно (сва́ко) пэ́скирэ рига́тыр.

Sykadyipén 1:20

акэ, исын гарады зна́чыма пал дова́, со ту дыкхэ́са дро миро чачо́ васт и пал эфта́ сувнакунэ́ момолытка: эфта́ чэргэня́-дава́ исын Янго́лы эфта́ кхангирьендыр, и эфта́ момолытка-дава́ исын эфта́ кхангирья.

Sykadyipén 1:4

Иано́стыр эфта́ (битринэнгирэ дэшэ) кхангирье́нгэ, савэ́ исын дрэ Азия: Мэк бахталыпэ́н и рама́нё (миро) тэ явэ́л тумэ́нгэ Одолэ́стыр, Саво́ исын, Саво́ сыс, и Саво́ явэ́ла, и эфта́ духэ́ндыр, савэ́ исын анги́л Лэ́скиро троно;

Sykadyipén 10:3

и ёв дыя́ го́дла адя́кэ зоралэ́с, сыр шчэр (ле́во) рыкинэла. И ке́ли ёв дыя́ го́дла, тэды эфта́ гро́мы пхэндлэ́ пэ́скирэ заненца (глосенца).

Sykadyipén 15:1

И мэ дыкхцём яви́р бари и дивно ґерты́к (знаме́ниё) пэ болыбэ́н: сыс эфта́ Янго́лы эфта́ (эфтэ) палатунэ́ франсэнца, савэ́нца Дэвлэ́скири холы́ кончындяпэ.

Sykadyipén 15:7

И екх штарэ́ джидалэндыр (жывотнонэндыр) дыя́ эфта́ Янголэнгэ эфта́ сувнакунэ́ кучика, со сыс пхэрдэ́ Дэвлэ́скирэ холя́са, со явэ́ла тэ дживэ́л пэ сарэ́ ве́ки.

Sykadyipén 16:1

И мэ шундём зоралы́ зан Кхангирья́тыр, сави́ пхэндя́ эфта́ (эфтэ) Янголэнгэ: “Джа́н и вычхувэн пэ пхув эфта́ тахта́я (чашы) Дэвлэ́скирэ холя́са.”

Sykadyipén 5:1

И Мэ дыкхцём скрэнцындло сви́тко дро чачо́ (право) васт Одолэ́стэ, Кон сыс бэшто́ пэ троно, дрэ саво́ сыс зачхиныбэна яври́ и андрэ́. Ёв сыс запхандло пэ эфта́ чэргэнорья (печати).

Sykadyipén 5:6

И мэ дыкхцём Свэнтонэ́ Бакрорэс, Саво́ сыс сы́рбы нагара зачхиндло́ машки́р троно и штар джидалэндэ и годэпхурэндэ. Свэнтонэ́ Бакрорэстэ сыс эфта́ шынга́ (ро́ги) и эфта́ якха́, савэ́ исын эфта́ Дэвлэ́скирэ Ду́хи и сыс бичхадэ́ пир сари́ пхув.

Sykadyipén 8:2

И мэ дыкхцём эфта́ Янголэн, савэ́ сыс тэрдэ́ анги́л Дэвлэ́стэ, и лэ́нгэ сыс дынэ́ эфта́ ро́ги (трубы).

Sykadyipén 8:6

И эфта́ Янго́лы эфта́ (эфтанэ) рогэ́нца (трубэнца) скэдынэ́пэ тэ пхурдэ́н дрэ ро́ги.