Isúso 5:6 - Библия - Пэ Балтитко Романи чиб (Романэс) 2019

⁶ Пал-дова́ со Израилёскирэ чхавэ́ штардэша́ бэрш псирдэ́ пир чхучи́ пхув, пака мынэ́ сарэ́ мануша́, савэ́ сыс лачхэ́ кэ марибэ́н, савэ́ выгинэ́ Египто́стыр, савэ́ на шундлэ́ Раскири-Дэвлэ́скири зан, и савэ́нгэ Рай Дэвэ́л совлахадя́, со ёнэ на дыкхэ́на пхув, сави́ Рай Дэвэ́л совлахаса дыя́ лав лэ́нгирэ дадэ́нгэ, тэ дэл лэ́нгэ пхув, кай тхадэ́ла тхуд и авги́н.

Biblija - Pe Baltitko Romani čib (Romanes) 2019

⁶ Pal-dová so Izrailjoskire čhavé štardešá berš psirdé pir čhučí phuv, paka myné saré manušá, savé sys lačhé ke maribén, savé vyginé Jegiptóstyr, savé na šundlé Raskiri-Devléskiri zan, i savénge Raj Devél sovlahadiá, so jone na dykhéna phuv, saví Raj Devél sovlahasa dyjá lav léngire dadénge, te del lénge phuv, kaj thadéla thud i avgín.

Isúso 5:6 Iomraidhean Croise

Psalmy 107:4

Ёнэ псирдэ́ пир чхучэ́ прахи (пустыни) пир чхучо́ дром, ёнэ на ракхнэ фо́ро, кай тэ дживэ́н мануша́,

Vygiiben 3:17

И пхэндя́: “Мэ вылыджава тумэн Египто́скирэ пхарэ́ дынарибнастыр пэ пхув Хананеенгири, Хеттеенгири, Аморреенгири, Ферезеенгири, Евеенгири и Иевусеенгири, пэ пхув, кай тхадэ́ла тхуд и авги́н (мэда).”

Vygiiben 3:8

и Мэ джа́ва тэ ракхав лэн Египтянэнгирэ вастэ́ндыр и тэ вылыджав лэн далэ́ пхувья́тыр пэ лачхи́ и бари пхув, кай тхадэ́ла тхуд и авги́н, пэ Хананеенгири, Хитеенгири, Амореенгири, Ферезеенгири, Евеенгири и Евусеенгири пхув.

Ереме́ё 2:2

“Джа́ и пхэн ясвэ́нца дрэ манушэ́нгирэ [чхакирэ-р.с.] кана́ Ерусалимо́стыр, пхэни́: ‘Адя́кэ ракирэ́ла Рай Дэвэ́л: ‘Мэ рипирава тут, Израилё, савэ́ лачхэ́ сыс тырэ́ мануша́ тэрнал, тумари́ паты́в, со сыс сы́рбы тэрнэндэ анги́л совэ́л, сыр тумэ́ гинэ́ пал Ма́ндэ пэ чхучэ́ прахи, пэ пхув, со на чхудэ́ гива́ ишчо (инкэ́).

Езэкилё 20:15

Палдава́ Мэ ґаздыём Миро васт пэ лэ́ндэ пэ чхучи́ пхув совлахаса анги́л лэ́ндэ, со Мэ на яна́ва лэн пэ пхув, сави́ Мэ латхём, пэ пхув, кай чхувэнапэ тхуд и авги́н, сарэнгирэ-пхувьенгиро шукарибэн.

Езэкилё 20:6

Пэ кодова́ дывэ́с Мэ ґаздыём Миро васт тэ совлахав лэ́нгэ, со Мэ лыджа́ва криг лэн Египто́скирэ пхувья́тыр пэ пхув, сави́ Мэ выдыкцём ваш лэ́нгэ, пэ доя́ пхув, кай чхувэнапэ тхуд и явгин (мэда), сарьенгирэ-пхувьенгиро шукарибэн.

Ioil 3:18

И явэ́ла адя́кэ дро дова́ дывэ́с, со нэви́ мол (вино) явэ́ла тэ тхадэл бэргэндыр, и тхуд явэ́ла тэ чхувэлпэ бэргицэндыр, и панескирэ ровицы (хохоёрэ́) дрэ Юдэ́я явэ́на пхэрдэ́ пане́са, а фонтано (фолахар) явэ́ла тэ чхувэ́л пхэрдэ́с пани́ Ра́скирэ-Дэвлэ́скирэ Кхэрэскир и ёв явэ́ла тэ дэл пани́ пэ до́ло Ситимо.

Čysly 14:23

и ёнэ на явэ́на тэ дыкхэ́н пхув, сави́ Мэ совлахаса пхэндём тэ дав лэ́нгирэ дадэ́нгэ; сарэ́, кон холякирдя Ман, на дыкхэ́на ла.

Čysly 26:63

Ѓа́да, исын одолэ́, савэ́н пиригиндлэ Мо́йза и Елиза́ро, раша́й, савэ́ гиндлэ́ Израилёскирэ чхавэ́н пэ Моавоскирэ лошчыны пашы́л Иорда́но, проти Ерихо́но;

Яви́р Зако́но 1:3

Дава́ сыс дро штардэшытко бэрш, дэшуекхэ – чхонэ́скиро, пэ пэ́рво чхонэ́скиро дывэ́с, сыр ракирдя́ Мо́йза Израилёскирэ чхавэ́нгэ саро́, со припхэндя́ лэ́скэ Рай Дэвэ́л пал лэ́ндэ.

Яви́р Зако́но 2:14

Долэ́ часостыр, сыр амэ гиям дрэ Кадес-Варни и сыр гиям дурэды́р пир лошчы́на Заредо, прогия́ трия́нда охто́ (бидуе́нгиро дэш) бэрш, и амэ́ндэ пирилыджияпэ станостыр саро́ манушэ́нгиро ро́до, савэ́ псирдэ́ пэ марибэ́н, сыр совлахадя́ лэ́нгэ Рай Дэвэ́л;

Яви́р Зако́но 2:7

пал-дова́ со Рай Дэвэ́л, тыро́ Дэвэ́л бахтякирдя́ тут дрэ кажно тырэ́-вастэнгиро рэ́ндо, ракхця́ тут [дыкхця́ пал ту́тэ-р.с.] дро часо, ке́ли ту псирдян пир бари дая́ чхучи́ пхув; ґа́да, штардэша́ бэрш Рай Дэвэ́л, тыро́ Дэвэ́л исын ту́са; ту́тэ саро́ сыс.’”

Яви́р Зако́но 8:4

Урибэ́н тыро́ на кустяпэ пэ ту́тэ, и ґэро́й тыри́ на шулыя, ґа́да, сыр штардэша́ бэрш.

Юдэ́нгэ 3:11

палдава́ Мэ совлахадём дрэ холы́: ‘Ёнэ ние́кхвар на заджа́на дро Миро штэ́то тэ откхинён Ма́нца’.

Isúso 1:6

Яв зорало́ и муршкано́; пал-дова́ со ту адалэ́ манушэ́нгэ пиридэса пхув, сави́ Мэ совлахадём дадэ́нгэ лэнгирэнгэ тэ дав лэ́нгэ.

Isúso 24:7

Нэ ёнэ лынэ́ тэ дэн го́дла кэ Рай Дэвэ́л, и Ёв чхудя́ калыпэ́н машки́р тумэ́ндэ и Египтянэндэ, и Ёв яндя́ пэ лэ́ндэ мо́рё (дэрья́в), саво́ лэн и зачхакирдя. Тумарэ́ якха́ дыкхнэ́, со Мэ кэрдём дро Еги́пто. Коригэды́р (позже) бут дывэса́ тумэ́ са́нас пэ чхучи́ пхув.

Isúso 5:5

сарэ́, савэ́ выгинэ́ мануша́, сыс обчхиндлэ́; нэ сарэ́ мануша́, савэ́ бия́ндынэ пэ чхучи́ пхув пэ дром, пало́ дава́, сыр выгинэ́ Египто́стыр, на сыс обчхиндлэ́.

Isúso 5:7

А заме́ст лэ́ндэ ґаздыя́ лэ́нгирэ чхавэ́н, савэ́н обчхиндя Ису́со, пал-дова́ со ёнэ сыс наобчхиндлэ; пал-дова́ со лэн пир дром на обчхинэнас.