Isúso 4:9 - Библия - Пэ Балтитко Романи чиб (Романэс) 2019

⁹ И яви́р дэшуду́й бара́ чхудя́ Ису́со машки́р Иорда́но пэ штэ́то, кай сыс тэрдэ́ раша́нгирэ ґэра́, савэ́ лыджинэ́ завето́скиро ковчэго. Ёнэ исын одо́й и кэ дава́ дывэ́с.

Biblija - Pe Baltitko Romani čib (Romanes) 2019

⁹ I javír dešudúj bará čhudiá Isúso maškír Iordáno pe štéto, kaj sys terdé rašángire ĥerá, savé lydžiné zavietóskiro kovčego. Jone isyn odój i ke davá dyvés.

Isúso 4:9 Iomraidhean Croise

Džiibén 26:33

И ёв кхардя́ ла: Шыва. Пир дава́ лав далэ́ фороскэ Беер-Шыва (Бее́р-Шэба) кэ дава́ дывэ́с.

Džiibén 28:18

И уштыя́ Яково тася́рлэс (ра́нэс) пэ зло́ко, и лыя́ бар, саво́ ёв чхудя́ пэ́скэ тэл шэро́ сыр шэранд, и чхудя́ лэс сыр рипирибнытко сты́лбо (помни́ко); и чхудя́ упрэ́ пэ лэ́стэ елеё (оливи́тко дзэт).

2 Kralip 4:3

И нашнэ́ Беерофяни дрэ Гифаима, и ячнэ́пэ одо́й манушэ́нца явирэ рига́тыр кэ дава́ дывэ́с.

3 Kralip 18:31

И Или́я лыя́ дэшуду́й бара́ пир кицыпэн (чысло) пэ кхэри́тка ро́ды, савэ́ выгинэ́ Яково́скирэ чхавэ́ндыр, конэ́скэ Рай Дэвэ́л пхэндя́ адя́кэ: “Израилё явэ́ла лав тыро́.”

2 Паралипоменоно 5:9

И вытырдынэ пэ баландиня́ (шосты) ковчэгоскирэ адя́кэ, со яго́ры (краи́) баладине́нгиро сыс бицялэ анги́л давиро, нэ на сыкадынэ яври́, и ёнэ одо́й кэ дава́ дывэ́с.

Vygiiben 24:12

И пхэндя́ Рай Дэвэ́л Мойза́скэ: “Джа́ упрэ́ кэ Мэ пэ бэ́рга; и яв одо́й, и Мэ да́ва ту́кэ барунэ́ скрижа́ли (таблицы), и Зако́но и припхэныбэна́ (дэшатунэ), савэ́ Мэ чхиндём тэ сыклякирэс лэ́нгэ.”

Vygiiben 28:21

Трэй, соб (кай) сарэ́ бара́ тэ явэ́н дэшуду́й, ада́кицы, ци бут исын Израилёскирэ чхавэ́, пир лэ́нгирэ лава́; пэ кажно, сы́рбы пэ якхи́тко (чэргэнори́), трэй, соб (кай) ёнэ тэ явэ́н вычхиндлэ́ пир екх лав дэшудуе́ родыцэндыр.

Матфеё 27:8

Палдова́ и кхарлапэ дая́ фэ́лда ‘Ратвалы фэ́лда’ кэ ададывэсатуно дывэ́с.

Матфеё 28:15

И ёнэ лынэ́ рупувэ́ ловэ́ и кэрдэ́, сыр лэн сыклякирдэ́. И кадая́ мавлы́н (малва) розгия́пэ машки́р Юдэ́ндэ кэ/жы́ко ададывэсатуно дывэ́с.

Яви́р Зако́но 34:6

и ґарадэ́ лэс пэ до́ло пэ Моавитоскири пхув проти Беф-Фегоро, и нико́н на джинэ́ла штэ́то ґараибнытко лэ́скиро аж кэ дава́ дывэ́с.

Isúso 24:26

И дочхиндя Ису́со далэ́ лава́ дрэ Дэвлэ́скирэ-Законоскири лылвари́, и лыя́ баро́ бар, и чхудя́ лэс одо́й тэл дэмбо, саво́ сыс пашы́л Ра́скирэ-Дэвлэ́скиро свэ́нто штэ́то.

Isúso 4:10

Рашая́, савэ́ лыджинэ́ ковчэго, сыс тэрдэ́ машки́р Иорда́но, пака кэрдо́ сыс саро́, со Рай Дэвэ́л припхэндя́ Исусо́скэ тэ пхэнэ́с манушэ́нгэ, – адя́кэ, сыр ракирдя́ Мо́йза Исусо́скэ; а мануша́ далэ́ часоса бахталэс пириджанас.

Сэндарьенгири Лылвари́ 1:26

Дава́ ману́ш гия́ пэ Хетеенгири пхув, и чхудя́ фо́ро, и дыя́ лэ́скэ лав Лузо. Дава́ лэ́скиро лав исын кэ дава́ дывэ́с.

1 Kralip 30:25

Адя́кэ сыс далэ́ часостыр и коригэды́р (позжэды́р); и чхудя́ ёв дава́ дро зако́но и дро упхэныбэ́н ваш Израилё кэ дава́ дывэ́с.

1 Kralip 7:12

И лыя́ Самуи́ло екх бар, и чхудя́ машки́р Маси́фа и машки́р Сеномо, и кхардя́ лэс Авен-Езеро, пхэни́: “Пэ дава́ штэ́то дыя́ васт помогиндя амэ́нгэ Рай Дэвэ́л.”