Isúso 4:18 - Библия - Пэ Балтитко Романи чиб (Романэс) 2019

¹⁸ И ке́ли рашая́, савэ́ лыджинэ́ Ра́скирэ-Дэвлэ́скиро завето́скиро ковчэго, выгинэ́ Иорданостыр, тэды, сыр лэ́нгирэ ґэра́ тэрдинэ́ пэ пхув, пани́ Иорданоскиро сы́гэс потхадыя пир пэ́скиро штэ́то и гия́, сыр тася́ и пэ три́то дывэ́с, вучэды́р сарэ́ пэ́скирэ брэгэндыр.

Biblija - Pe Baltitko Romani čib (Romanes) 2019

¹⁸ I kiéli rašaja, savé lydžiné Ráskire-Devléskiro zavietóskiro kovčego, vyginé Iordanostyr, tedy, syr léngire ĥerá terdiné pe phuv, paní Iordanoskiro sýges pothadyja pir péskiro štéto i gijá, syr tasiá i pe tríto dyvés, vučedýr saré péskire bregendyr.

Isúso 4:18 Iomraidhean Croise

1 Паралипоменоно 12:15

Ёнэ пиригинэ́ Иорда́но дро пэ́рво чхон, ке́ли ёв выджа́ла пэ́скирэ бэргэндыр, и рострадынэ сарэ́н манушэ́н, савэ́ дживдэ́ пэ до́ло, кэ васто́ко и кэ западо (кэ пал-паня).

Isajos 8:8

И проджа́ла ёв пир Юдэ́я, вучэ́с дой ґаздэ́лапэ, доджа́ла кэ мэн и росчхурдэла пэ́скирэ пхака́ (крылы) дро саро́ Тырэ́-пхувья́киро буглыпэн, Эмануиле!”

Isúso 3:13

И сыр фэ́ни (то́ка) раша́нгирэ ґэра́, савэ́ лыджа́на Ра́скирэ-Дэвлэ́скиро ковчэго, сарэ́ пхувья́кирэ Хуласкирэ, тэрдёна дрэ Иорданоскиро пани́, Иорданоскиро пани́ хасёла, а пани́, саво́ тхадыя упра́л пани́, дова́ тэрдёла вантаса”.

Isúso 3:15

то тэды екх мануша́, савэ́ лыджа́на ковчэго загинэ́ дро Иорда́но, и гэра раша́нгирэ, лыджии ковчэго обмэкнэпэ дро Иорданоскиро пани́ (Иорда́но выджа́ла сарэ́ пэ́скирэ брэгэндыр дрэ сарэ́ дывэса́, ке́ли пшеницакиро укэдыибэн),

Isúso 4:11

Ке́ли сарэ́ мануша́ пиригинэ́ Иорда́но, тэды пиригия и Ра́скирэ-Дэвлэ́скиро завето́скиро ковчэго, и рашая́ анги́л манушэ́ндэ;

Isúso 4:17

Ису́со припхэндя́ рашангэ и пхэндя́: “Выджа́н Иорданостыр”.

Isúso 4:19

И выгинэ́ мануша́ Иорданостыр пэ дэ́што дывэ́с пэрвонэ́-чхонэ́скиро, и чхудэ́ ста́но дрэ Галга́ло, пэ васточно Ерихоноскири риг.