Isúso 4:10 - Библия - Пэ Балтитко Романи чиб (Романэс) 2019

¹⁰ Рашая́, савэ́ лыджинэ́ ковчэго, сыс тэрдэ́ машки́р Иорда́но, пака кэрдо́ сыс саро́, со Рай Дэвэ́л припхэндя́ Исусо́скэ тэ пхэнэ́с манушэ́нгэ, – адя́кэ, сыр ракирдя́ Мо́йза Исусо́скэ; а мануша́ далэ́ часоса бахталэс пириджанас.

Biblija - Pe Baltitko Romani čib (Romanes) 2019

¹⁰ Rašaja, savé lydžiné kovčego, sys terdé maškír Iordáno, paka kerdó sys saró, so Raj Devél priphendiá Isusóske te phenés manušénge, – adiáke, syr rakirdiá Mójza Isusóske; a manušá dalé časosa bahtales piridžanas.

Isúso 4:10 Iomraidhean Croise

Psalmy 119:60

Мэ стариндёмпэ сыгэды́р, соб (кай) ма́нгэ тэ на отчхував дурэды́р тэ сполнинав Тырэ́ припхэныбэна́.

Vygiiben 12:39

И спэкнэ ёнэ тястостыр (хумэрэстыр), саво́ вылыджинэ́ Египто́стыр, пресна марикля, пал-дова́ со ёв ишчо (инкэ́) на заквасиндяпэ, пал-дова́ со ёнэ сыс вытрадынэ́ Египто́стыр, и на могиндлэ́ тэ на сыгнякирэн, и хабэ́н на скэдынэ́ пэ́скэ пэ дром.

Pritčy 27:1

На шарпэ атасятунэ дывэсэса, пал-дова́ со ту на джинэ́са, со дывэ́с янэ́ла ту́кэ.

Ekliesiastos 9:10

Саро́, со тыро́ васт латхэ́ла тэ кэрэ́л, кэр дава́ сарэ́ тырэ́ зоралыпнастыр, пал-дова́ со нанэ ни буты́, ни придуминэса нисо́, ни джиныбэ́н, ни годыпэ́н дрэ маґила (дрэ кула), карик ту кэдэсапэ тэ джас.

Isajos 28:16

Адя́кэ ракирэ́ла Рай Дэвэ́л: “Акэ, Мэ чхува́ва бар по Сио́но, бар вырикирдо, дро́го (куч), бар зорало́: кон патя́ла дрэ лэ́стэ, на явэ́ла тэ ладжал.

2 Коринфянэнгэ 6:2

и, ґа́да, Дэвэ́л ракирэ́ла: “Ке́ли лачхо́ часо явдя́, мэ шундём тумэн: и ке́ли явдя́ дывэ́с тэ зракхав тумэн, Мэ дыём васт (помогиндём) ту́кэ.” Ѓа́да, исын лачхо́ мардо́ (шту́нда); ґа́да, исын дывэ́с тэ зракхэспэ:

Яви́р Зако́но 31:9

И чхиндя́ Мо́йза дава́ Зако́но, и отдыя́ лэс рашангэ, Левиёскирэ чхавэ́нгэ, савэ́ лыджа́нас Ра́скирэ-Дэвлэ́скиро Заветоскиро ковчэго, и сарэ́ Израилёскирэ-чхавэ́нгирэ пхурыдырэнгэ.

Isúso 24:11

Тумэ́ пиригинэ́ Иорда́но и явнэ́ кэ Ерихо́но. И лынэ́ тэ марэ́нпэ тумэ́нца Ерихоноскирэ мануша́, Амореи, и Ферезеи, и Хананеи, и Хетеи, и Гергесеи, нэ Мэ отдыём лэн дрэ тумарэ́ васта́.

Isúso 3:13

И сыр фэ́ни (то́ка) раша́нгирэ ґэра́, савэ́ лыджа́на Ра́скирэ-Дэвлэ́скиро ковчэго, сарэ́ пхувья́кирэ Хуласкирэ, тэрдёна дрэ Иорданоскиро пани́, Иорданоскиро пани́ хасёла, а пани́, саво́ тхадыя упра́л пани́, дова́ тэрдёла вантаса”.

Isúso 4:11

Ке́ли сарэ́ мануша́ пиригинэ́ Иорда́но, тэды пиригия и Ра́скирэ-Дэвлэ́скиро завето́скиро ковчэго, и рашая́ анги́л манушэ́ндэ;

Isúso 4:9

И яви́р дэшуду́й бара́ чхудя́ Ису́со машки́р Иорда́но пэ штэ́то, кай сыс тэрдэ́ раша́нгирэ ґэра́, савэ́ лыджинэ́ завето́скиро ковчэго. Ёнэ исын одо́й и кэ дава́ дывэ́с.