Isúso 3:5 - Библия - Пэ Балтитко Романи чиб (Романэс) 2019

⁵ И пхэндя́ Ису́со манушэ́нгэ: “Высвэнцынэнпэ, пал-дова́ со атася́ кэрэ́ла Рай Дэвэ́л машки́р тумэ́ндэ ди́вы”.

Biblija - Pe Baltitko Romani čib (Romanes) 2019

⁵ I phendiá Isúso manušénge: “Vysvencynenpe, pal-dová so atasiá keréla Raj Devél maškír tuménde dívy”.

Isúso 3:5 Iomraidhean Croise

Ióvo 1:5

И сыс адя́кэ: сыр свэнкитка дывэса́ кончынэнаспэ, одова́ Ио́во бичхавэлас пал чхавэ́ндэ, соб (кай) тэ освэнцынэн лэн. Ёв уштэлас тася́рлэс (ра́нэс) пэ зло́ко (пэ ра́нко), и ёв хачкирэлас свэ́нто яныбэ́н пал кажнонэ́ (сваконэ) чхавэ́стэ; пал-дова́ со Ио́во ракирдя́: “Мирэ́ чхавэ́, хай, могиндлэ́ тэ кэрэ́н грэ́хи и тэ кошэн Дэвлэ́с дрэ пэ́скирэ илэ.” Адя́кэ ўса́ды (сак) кэрдя́ Ио́во.

Psalmy 77:15

Ту сан Дэвэ́л, Саво́ кэрэ́ла ди́вы, Ту сыкадян Пэ́скири зор машки́р манушы́тка на́цыи.

Psalmy 86:10

Пал-дова́ со Ту сан баро́ кэ вучипэ́н и кэрэ́са барэ́ ди́вна бутя́: Ту сан фэ́ни (то́ка) Екх Дэвэ́л.

Ioil 2:16

кэдэн манушэ́н, кэдэн кхэтанэ́ годэпхурэн (пхурыдырэн), кэдэн биятэ́н и колынытконэ тыкнэмасэн; мэк тэ джал яври́ тэрно́ лэ́скирэ коморатыр, и тэрны́ ла́кирэ штубатыр.

Левито 10:3

И пхэндя́ Мо́йза Аароно́скэ: “Ѓа́да, пал со ракирдя́ Рай Дэвэ́л, ке́ли Ёв пхэндя́: ‘Дрэ одолэ́ндэ, савэ́ явэ́на пашылэды́р кэ Мэ и Мэ высвэнцынавапэ и анги́л сарэ́ манушэ́ндэ прославинавапэ.’” Ааро́но сыс штыл.

Левито 20:7

Свэнцякирэн пэс и явэ́н свэ́нта, пал-дова́ со Мэ сом Рай Дэвэ́л, тумаро́ Дэвэ́л, и Мэ сом Свэ́нто.

Čysly 11:8

мануша́ псирдэ́ и скэдэнас ла, и мелиндлэ дрэ жэрновы бэлэдин ци курдэ (толкиндлэ) дрэ ступа, и кэрадэ дрэ кака́ви (котло), и кэрдэ́ ла́тыр марикля; пир смако ёй сыс дасави́-паць, сыр мариклы елеёса.

Joannostir 17:19

Мэ отдыём пэс Ту́кэ пал лэ́ндэ, соб (кай) и ёнэ тэ отдэ́н пэс Ту́кэ пир чачипэ́н.

Isúso 3:13

И сыр фэ́ни (то́ка) раша́нгирэ ґэра́, савэ́ лыджа́на Ра́скирэ-Дэвлэ́скиро ковчэго, сарэ́ пхувья́кирэ Хуласкирэ, тэрдёна дрэ Иорданоскиро пани́, Иорданоскиро пани́ хасёла, а пани́, саво́ тхадыя упра́л пани́, дова́ тэрдёла вантаса”.

Isúso 3:15

то тэды екх мануша́, савэ́ лыджа́на ковчэго загинэ́ дро Иорда́но, и гэра раша́нгирэ, лыджии ковчэго обмэкнэпэ дро Иорданоскиро пани́ (Иорда́но выджа́ла сарэ́ пэ́скирэ брэгэндыр дрэ сарэ́ дывэса́, ке́ли пшеницакиро укэдыибэн),

Isúso 3:4

Усае́кх явэ́ла штэ́то машки́р тумэ́ндэ и лэ́ндэ мусинэл тэ явэ́л кэ дуй тысёнцы куня́ (локти) мераса: на подджан кэ ёв пашы́л, соб (кай) тэ джинэ́с тумэ́нгэ дром, пир саво́ тэ джас; пал-дова́ со тумэ́ на псирдэ́ далэ́ дромэ́са ни тася́, ни пэ три́то дывэ́с”.

Isúso 3:6

Рашангэ пхэндя́ Ису́со: “Лэн завето́скиро ковчэго и джа́н анги́л манушэ́ндэ”. Рашая́ лынэ́ завето́скиро ковчэго, и гинэ́ анги́л манушэ́ндэ.

Isúso 7:13

Ушты́, обсвэнцын манушэ́н и пхэн: обсвэнцынэнпэ кэ зло́ко (ра́нко); пал-дова́ со адя́кэ ракирэ́ла Рай Дэвэ́л, Дэвэ́л Израилёскиро: совлахадо исын машки́р ту́тэ, Израилё: палдава́ ту на могинэ́са тэ затэрдёс анги́л вэргэ́ндэ тырэндэ, пака протрадэса пэ́стыр засовлахадэс.

1 Kralip 16:5

И отпхэндя́ ёв: “Раманёса (миро́са) ваш свэ́нто яныбэ́н Ра́скэ-Дэвлэ́скэ явдём мэ; высвэнцынэнпэ и джа́н ма́нца кэ свэ́нто яныбэ́н Ра́скэ-Дэвлэ́скэ.” И высвэнцындя Есеёс (Иесеёскэ) и лэ́скирэ чхавэ́н, и кхардя́ лэн кэ свэ́нто яныбэ́н Ра́скэ-Дэвлэ́скэ.