Isúso 3:14 - Библия - Пэ Балтитко Романи чиб (Романэс) 2019

¹⁴ И адя́кэ, ке́ли мануша́ гинэ́ пэ́скирэ шатрэндыр, соб (кай) тэ пириджан Иорда́но, и рашая́ лыджинэ́ завето́скиро ковчэго анги́л манушэ́ндэ:

Biblija - Pe Baltitko Romani čib (Romanes) 2019

¹⁴ I adiáke, kiéli manušá giné péskire šatrendyr, sob (kaj) te piridžan Iordáno, i rašaja lydžiné zavietóskiro kovčego angíl manušénde:

Isúso 3:14 Iomraidhean Croise

Psalmy 132:8

Яв, Раё Дэ́вла, пэ Тыро́ штэ́то тэ откхинёс, Ту, и Тыро́ ковчэго (мохто́) Законоса, со сыкавэ́ла Тыро́ зоралыпэ́н.

Ереме́ё 3:16

И явэ́ла адя́кэ: ке́ли тумэ́ндэ бияндёна бут-бут мануша́ и явэ́на буты́р и буты́р мануша́ тумэ́ндэ, дро долэ́ дывэса́, – пхэндя́ Рай Дэвэ́л, – тумэ́ндэ на явэ́на тэ ракирэ́н буты́р: ковчэго (мохто́) Дэвлэ́скирэ Заветоса.’ Манушэ́ндэ на явэ́ла дава́ пэ годы́: ёнэ на явэ́на ни тэ рипирэ́н дава́, ни тэ явэ́н кэ ковчэго ни на подкэрэн лэс.

Яви́р Зако́но 31:26

“Лэн дая́ Законоскири лылвари́, и чхувэ́н ла пэ чачи́ (право) риг Ра́скирэ-Дэвлэ́скири, тумарэ́ Дэвлэ́скиро ковчэго заветоса, и ёй одо́й явэ́ла допхэныбнаса пэ ту́тэ;

Юдэ́нгэ 9:4

Одо́й сыс сувнакуно́ алта́рё, кай хачкирэнас лачхэ́-кхандыпна́скири смо́ла, и Ковчэго́скиро Мохто́/Мохтэ́н (Яшчыко) завето́са, саво́ сыс обчхудо сувнака́са сарэ́ ригэ́ндыр. Дро дава́ Свэ́нто Мохто́ сыс сувнакуно́ чаро́ маннаса, Ароноскиро дэсто́, саво́ вылениндя. И сыс одо́й адя́кэ-паць барунэ́ таблицы, кай сыс вычингирдэ заветоскирэ припхэныбэна́.

Isúso 24:11

Тумэ́ пиригинэ́ Иорда́но и явнэ́ кэ Ерихо́но. И лынэ́ тэ марэ́нпэ тумэ́нца Ерихоноскирэ мануша́, Амореи, и Ферезеи, и Хананеи, и Хетеи, и Гергесеи, нэ Мэ отдыём лэн дрэ тумарэ́ васта́.

Isúso 3:3

И дынэ́ манушэ́нгэ упхэныбэ́н, ракири́: “Ке́ли дыкхэ́на Ра́скирэ-Дэвлэ́скиро, тумарэ́ Дэвлэ́скиро завето́скиро ковчэго, и раша́н и Левитэ́н, савэ́ лыджа́на лэс, тэды и тумэ́ джа́н пэ́скирэ штэто́стыр и джа́н пал лэ́стэ.

Isúso 3:6

Рашангэ пхэндя́ Ису́со: “Лэн завето́скиро ковчэго и джа́н анги́л манушэ́ндэ”. Рашая́ лынэ́ завето́скиро ковчэго, и гинэ́ анги́л манушэ́ндэ.

Isúso 6:6

И кхардя́ кэ пэ Ису́со, Навиноскиро чхаво́, Израилёскирэ раша́н, и пхэндя́ лэ́нгэ: “Лыджа́н завето́скиро ковчэго; а эфта́ рашая́ мэк тэ лыджа́н эфта́ ро́ги свэнкитка анги́л Ра́скирэ-Дэвлэ́скиро ковчэго”.