Isúso 22:4 - Библия - Пэ Балтитко Романи чиб (Романэс) 2019

⁴ акана́ тумаро́ Рай Дэвэ́л, Дэвэ́л, штылякирдя (успокоиндя) тумарэ́ пшалэ́н, сыр ракирдя́ лэ́нгэ; и адя́кэ, рисён и джа́н дрэ тумарэ́ ша́тры, пэ тумарэ́ пхувья́, сави́ дыя́ тумэ́нгэ Мо́йза, Ра́скирэ-Дэвлэ́скиро писха́ри пал Иорда́но;

Biblija - Pe Baltitko Romani čib (Romanes) 2019

⁴ akaná tumaró Raj Devél, Devél, štyliakirdia (uspokoindia) tumaré pšalén, syr rakirdiá lénge; i adiáke, risjon i džán dre tumaré šátry, pe tumaré phuvjá, saví dyjá tuménge Mójza, Ráskire-Devléskiro pishári pal Iordáno;

Isúso 22:4 Iomraidhean Croise

1 Паралипоменоно 22:18

“Ци нанэ тумэ́нца Рай Дэвэ́л, Дэвэ́л амаро́, саво́ дыя́ тумэ́нгэ рама́нё (миро) сарэ́ ригэ́ндыр, пал-дова́ со Ёв отдыя́ дрэ мирэ́ васта́ манушэ́н пхувьякирэн, и поддыяпэ пхув анги́л Растэ-Дэвлэ́стэ и анги́л Лэ́скирэ манушэ́ндэ.

Vygiiben 33:14

Рай Дэвэ́л пхэндя́: “Мэ Кокоро́ джа́ва [Миро очэртаниё-ю.о.], и лыджа́ва тут дро штылыпэн (покоё).”

Čysly 32:18

на рисёваса дрэ амарэ́ кхэра́, пака заджа́на Израилёскирэ чхавэ́ кажно (сва́ко) пэ пхув мэкнэ́ миштыпна́стыр;

Яви́р Зако́но 12:9

пал-дова́ со тумэ́ акана́ ишчо (инкэ́) на загинэ́ пэ штэ́то тэ откхинён и пэ пхув дрэ миштыпна́скири ме́ра тэ прилэ́н, сави́ Рай Дэвэ́л, Дэвэ́л тыро́, дэ́ла ту́кэ.

Яви́р Зако́но 29:8

и лыям лэ́нгири пхув, и отдыям ла дрэ миштыпна́скири ме́ра Рувимо́скирэ и Гадо́скирэ родыцо́скэ и пашакэ Манасия́скирэ родыцо́стыр.

Яви́р Зако́но 3:20

пака Рай Дэвэ́л дэ́ла рама́нё (миро) тумарэ́ пшалэ́нгэ, сыр тумэ́нгэ, и пака и ёнэ дорэсэ́на дро хулаибэн пхув, сави́ Рай Дэвэ́л, Дэвэ́л тумаро́, дэ́ла лэ́нгэ пал Иорда́но; тэды рисён кажно дро пэ́скиро хулаибэн, саво́ мэ дыём тумэ́нгэ.”

Юдэ́нгэ 4:8

Палдава́, ко́ли Ису́со-Навино дэ́лас Дэвлэ́скирэ манушэ́нгэ тэ откхинён Дэвлэ́са, тэды Дэвэ́л на ракирэ́лас коригэды́р (позжэды́р) пал яви́р дывэ́с.

Isúso 1:15

Пака Рай Дэвэ́л штылякирэла тумарэ́ пшалэ́н, сыр и тумэн; пака и ёнэ дорэсэ́на дро мэкно́ миштыпэ́н (наследство) пхув, сави́ Рай Дэвэ́л, Дэвэ́л тумаро́, дэ́ла лэ́нгэ. Тэды рисён дро тумаро́ мэкно́ миштыпэ́н, и явэ́н хуланца пэ пхув, сави́ Мо́йза, писха́ри Ра́скирэ-Дэвлэ́скиро, дыя́ тумэ́нгэ пал Иорда́но кэ кхамэскиро ўзгиибэн”.

Isúso 12:6

О Мо́йза, Ра́скирэ-Дэвлэ́скиро писха́ри, и Израилёскирэ чхавэ́ домардэ́ лэн; и дыя́ ла Мо́йза, Ра́скирэ-Дэвлэ́скиро писха́ри, дрэ мэкно́ миштыпэ́н (наследиё) Рувимо́скирэ и Гадо́скирэ родыцо́скэ и паш Манасия́скирэ родыцо́скэ.

Isúso 13:15

Родыцоскэ Рувимо́скирэ чхавэ́нгэ пир лэ́нгирэ кхэра́ дыя́ миштыпна́скири ме́ра Мо́йза:

Isúso 13:8

А ро́дыцо (чанг) Рувимоскиро и Гадоскиро явирэ пашэ́са Манасия́скирэ родыцоса дорэснэ́ пэ́скири миштыпна́скири ме́ра Мойзастыр пал Иорда́но кэ васто́ко, сыр дыя́ лэ́нгэ Мо́йза, Ра́скиро-Дэвлэ́скиро писха́ри,

Isúso 22:3

тумэ́ на ячкирдэ́ пэ́скирэ пшалэ́н пэ бут дывэса́ кэ дава́ дывэ́с, и кэрдэ́, со трей тэ кэрэ́н пир Ра́скирэ-Дэвлэ́скиро, тумарэ́ Дэвлэ́скиро упхэныбэ́н: