Isúso 2:6 - Библия - Пэ Балтитко Романи чиб (Романэс) 2019

⁶ А кокори отлыджия лэн пэ стрэ́ха (чхаки́н) и гарадя лэн дрэ лёноскирэ ґарбы (снопы), савэ́ сыс росчхудэ ла́тэ пэ стрэ́ха (чхаки́н).

Biblija - Pe Baltitko Romani čib (Romanes) 2019

⁶ A kokori otlydžija len pe stréha (čhakín) i garadia len dre ljonoskire ĥarby (snopy), savé sys rosčhude láte pe stréha (čhakín).

Isúso 2:6 Iomraidhean Croise

2 Kralip 11:2

Екхвар тэл бэльвэ́ль, Дави́до уштыя́ чхуибнастыр, и джа́лас пэ́скэ пэ стрэ́ха (пэ бэ́рга) крали́скирэ-кхэрэ́скири, и дыкхця́ стрэхатыр джувля́, сави́ коммпинэлапэ (нандё́ла); а одоя́ джувлы́ сыс древа́н шука́р.

2 Kralip 17:19

И джувлы́ лыя́ и росчхудя́ пэ брэ́го (устье) ґанынгакиро цэ́рга, и чхудя́ пэ лэ́стэ кхурмя (крупы) адя́кэ, со на сыс нисо́ бицяло́.

3 Kralip 18:13

Ци на сыс пхэндло́ мирэ́ ра́скэ, со мэ кэравас, ке́ли Езавель мулякирэлас пророкэ́н Раскирэн-Дэвлэскирэн, сыр мэ гарадём шэл тэ пандждэша́ пророкэ́н Раскирэн-Дэвлэскирэн, пир пандждэша́ мануша́, дрэ ґебара́ (пешчэры), и мэ чалякиравас лэн марэ́са и пане́са?

3 Kralip 18:4

Акэ, ке́ли э Езаве́ль хасякирэлас пророкэ́н, Раскирэн-Дэвлэскирэн, то Авдия лыя́ шэл пророкэ́н, и гаравэлас лэн, пир пандждэша́ манушэ́н, дрэ ґебара́ (пешчэры), и ёв чалякирэлас лэн марэ́са и пане́са.

4 Kralip 11:2

Нэ э Иосаве́ф, Иорамоскирэ-крали́скири чхай, Охозияскири пхэн, лыя́ Иоасасос, Охозияскирэ чхавэ́с, и чораханэ́с лыджия́ лэс криг мулэ́ крали́скирэ чхавэ́ндыр, лэс и нянька лэскирья, дрэ соибнытко шту́ба; и гарадэ́ лэс Гофолиятыр, и ёв на сыс замардо.

Vygiiben 2:2

Джувлы́ запхария и бияндя́ чхавэ́с, и, дыкхи́, со ёв сыс древа́н шука́р, гарадя лэс трин чхона́;

Ереме́ё 36:26

И припхэндя́ кра́ли Иерамеилоскэ крали́скирэ чхавэ́скэ, Сэраияскэ, Азриэлёскирэ чхавэ́скэ, и Сэлэмияскэ, Авдилоскирэ чхавэ́скэ, тэ ухтылэ́н Варухос, лыла́-чхиныбнаскирэс и Еремеёс, пророко́с, нэ о Рай Дэвэ́л гарадя лэн.

Матфеё 24:17

и кон исын пэ кхэри́тко стрэ́ха (чхаки́н), мэк тэ на джал тэлэ́ тэ лэл вари-со кхэрэ́скирэ миштыпна́стыр,

Яви́р Зако́но 22:8

Ко́ли явэ́са тэ кэрэ́с нэво́ кхэр, тэды кэр перилы трусця́л пэ яго́ро (пэ краё) пэ тыри́ стрэ́ха (чхаки́н), соб (кай) тэ на лыджас ту́кэ рат пэ тыр кхэр, ке́ли вари-кон пэрэ́ла лэ́стыр.

Колосянэнгэ 3:3

Пал-дова́ со тумэ́ мынэ́ ваш дава́ свэтоскиро джиибэ́н и какана́ тумаро́ джиибэ́н исын гарадо́ Христосо́са дрэ Дэвлэ́стэ.

Юдэ́нгэ 11:23

Патяибна́са Мойза́скирэ дада́ гаравэнас лэс трин чхона́ пало́ лэ́скиро бияныпэ́н, пал-дова́ со ёнэ дыкхнэ́, со ёв сыс шука́р, и ёнэ на дара́ндынэ крали́скиро припхэныбнастыр.

Jakov 2:25

Адя́кэ-паць и Раха́в, сави́ сыс биладжакуны джувлы́, ци на пал ла́кирэ рэ́нды Дэвэ́л приджиндя чачуняса ла, ке́ли ёй прилыя́ Израилёскирэ поддыкхибнаскирэн и бичхадя́ лэн явирэ дромэ́са.

Isúso 2:5

Ке́ли дро цямлыпэ́н трэиндя́ тэ заучхакирэс вудара́, тэды ёнэ гинэ́. Традэнпэ сыгнэдыр пал лэ́ндэ; тумэ́ дотрадэна лэн”.

Isúso 2:7

Мануша́, савэ́ сыс бичхадэ́, традынэпэ пал лэ́ндэ пир дром кэ Иорда́но кэ са́мо паясли (паромо); вудара́ дова́-паць часо зачхакирдэпэ, пало́ (после) дова́, сыр выгинэ́ мануша́, савэ́ традынэпэ пал лэ́ндэ.

Isúso 2:8

Англэды́р, сыр ёнэ пасинэ тэ совэн, ёй гия́ упрэ́ кэ ёнэ пэ стрэ́ха (чхаки́н).

Isúso 6:25

Раав, биладжакуна джувля́, и кхэр ла́кирэ дадэ́скиро, и сарэ́н, кон ла́тэ сыс, Ису́со ячкирдя́ джидэн, и ёй дживэ́ла машки́р Израилё кэ дава́ дывэ́с: пал-дова́ со ёй гарадя манушэ́н, савэ́н бичхадя́ Ису́со тэ обдыкхэн Ерихо́но.