Isúso 2:18 - Библия - Пэ Балтитко Романи чиб (Романэс) 2019

¹⁸ ґа́да, ке́ли амэ ява́са пэ дая́ пхув, ту припхандэ червлёно шэло кэ фэнштра, пир сави́ ту амэн змэкцян, а дадэ́с тырэ́с и да тырья и пшалэ́н тырэ́н, саро́ тырэ́-дадэ́скиро ро́до, скэ́дэ кэ пэ дро пэ́скиро кхэр.”

Biblija - Pe Baltitko Romani čib (Romanes) 2019

¹⁸ ĥáda, kiéli ame javása pe daja phuv, tu priphande čiervljono šelo ke fenštra, pir saví tu amen zmekcian, a dadés tyrés i da tyrja i pšalén tyrén, saró tyré-dadéskiro ródo, skéde ke pe dro péskiro kher.”

Isúso 2:18 Iomraidhean Croise

Džiibén 12:2

И Мэ созда́ва ту́тыр бари нацыя, и Мэ бахтякирава тут, и барьякирава лав тыро́; и ту́тыр явэ́ла бахтякирибэ́н ваш явирэ́нгэ.

Džiibén 7:1

И пхэндя́ Рай Дэвэ́л Ноёскэ: “Заджа́ ту и сари́ тыри́ чэ́карь (семе́йство) дро ковчэго, пал-дова́ со Мэ дыкха́ва, со ту сан чачуно́ анги́л Ма́ндэ сарэ́ далэ́ родо́стыр.

Ester 8:6

Пал-дова́ со, сыр мэ могина́ва тэ дыкха́в би́да, сави́ явэ́ла пэ мирэ́ манушэ́ндэ, и сыр мэ могина́ва тэ дыкха́в мэрибэ́н мирэ́ манушэ́нгиро?”

Vygiiben 12:13

И явэ́ла тумэ́ндэ рат ґертыкаса (знамениёса) пэ кхэра́, кай тумэ́ сан, и дыкха́ва рат, и Мэ проджава маму́й тумэ́ндэ, и на явэ́ла машки́р тумэ́ндэ хасибны́тко дукх, ке́ли Мэ ява́ва тэ хасякира́в Египто́скири пхув.

Гиленгири (Соломоно́скири) Гилы́ 4:3

Тырэ́ ушта́ исын сыр ярко лоло́ тхаворо, и тыро́ муй исын дасаво шука́р. А тырэ́ чхама́ (шчоки), со исын тэл крэнцо чхур, исын сыр кускицы гранатытконэ пхабэндыр.

Левито 14:4

то тэды раша́й припхэнэла тэ лэс ваш далэ́ манушэ́скэ дуе́н джидэн и жужэн чириклен, кедрытко вэш, чэрвлёно тхав и исопо,

Čysly 19:6

и мэк тэ лэл раша́й кедроскиро вэш, и исопо, и тхав червлёнонэ вылна́тыр, и чхурдэ́ла лэн пэ хачкирибнаскирэ рэцатэ;

Čysly 4:8

и чхувэ́на пэ лэ́ндэ тхан (матерьяло) лолы, и зачхакирэна ла учхакирибнаса синэ-цвятоскирэ цыпатыр, и учхувэна лэ́скирэ баландиня́;

Luka 19:9

И Ису́со пхэндя́ Лэ́скэ: “Ададывэ́с зракхибэ́н явдя́ дро дава́ кхэр, пал-дова́ со адава́ ману́ш адя́кэ-паць исын Авраамо́скиро чхаво́;

Apostolengiri Butý 10:27

И ке́ли Пэ́три ракирдя́ дурэды́р Корнилиёса, ёв загия́ дро кхэр и латхя́ бут манушэ́н, савэ́ кэдынэпэ.

Apostolengiri Butý 10:33

Палдава́ мэ дрэ дава́-паць часо бичхадём манушэ́н пал ту́тэ и ту куч кэрдя́н, со явдя́н. Какана́ амэ сарэ́ ада́й сам анги́л Дэвлэ́стэ тэ шунас саро́, со Дэвэ́л пхэндя́ ту́кэ, соб (кай) ту тэ пхэнэ́с амэ́нгэ.”

Apostolengiri Butý 11:14

ёв пхэнэ́ла ту́кэ лава́, савэ́нца ту зракхэсапэ и саро́ тыро́ кхэр.”

2 Ximaske 1:16

Мэк Рай Дэвэ́л тэ тангинэ́л Анисифороскиро кхэр, пал-дова́ со ёв бут мо́лы прилэлас ман, и на ладжалас, со мэ сом дро штарибэ́н;

Юдэ́нгэ 9:19

И палдава́, ке́ли Мо́йза пхэндя́ сарэ́ припхэныбэна́ Законо́стыр сарэ́ манушэ́нгэ, ёв лыя́ целянтэнгирэ и бузнэнгиро (козлэнгиро) рат пане́са, лолэ́ балэнца и исопоскирэ ранденца, и кропиндя лэ́нца сыр кокори лылвари́-сви́тко, адя́кэ-паць и сарэ́ манушэ́н.

Isúso 2:21

Ёй пхэндя́: “Мэк тэ явэ́л пир тумарэ́ лава́!” И отмэкхця лэн, и ёнэ гинэ́, а ёй припхандя кэ фэнштра червлено шэло.

Isúso 6:23

И гинэ́ тэрнэ́ мануша́, савэ́ обдыкхэнас фо́ро, дро кхэр джувля́киро и вылыджинэ́ Раав, и дадэ́с лакирэс, и да лакирья, и пшалэ́н лакирэн, и сарэ́н, кон ла́тэ сыс, и сарэ́ сэмэнцэн лакирэн вылыджинэ́, и чхудэ́ лэн пал ста́но Израилёскирэ.

Isúso 6:25

Раав, биладжакуна джувля́, и кхэр ла́кирэ дадэ́скиро, и сарэ́н, кон ла́тэ сыс, Ису́со ячкирдя́ джидэн, и ёй дживэ́ла машки́р Израилё кэ дава́ дывэ́с: пал-дова́ со ёй гарадя манушэ́н, савэ́н бичхадя́ Ису́со тэ обдыкхэн Ерихо́но.