Isúso 18:3 - Библия - Пэ Балтитко Романи чиб (Романэс) 2019

³ И пхэндя́ Ису́со Израилёскирэ чхавэ́нгэ: “Ци ґара́ (длу́гэс) тумэ́ явэ́на тэ кунинэнпэ (тэ на радинэн) пал дова́, соб (кай) тэ джас и тэ лэс дрэ мэкно́ миштыпэ́н (наследиё) пхув, сави́ дыя́ тумэ́нгэ Рай Дэвэ́л, Дэвэ́л, тумарэ́-дадэ́нгиро?

Biblija - Pe Baltitko Romani čib (Romanes) 2019

³ I phendiá Isúso Izrailjoskire čhavénge: “Ci ĥará (dlúges) tumé javéna te kuninenpe (te na radinen) pal dová, sob (kaj) te džas i te les dre meknó mištypén (nasliedijo) phuv, saví dyjá tuménge Raj Devél, Devél, tumaré-dadéngiro?

Isúso 18:3 Iomraidhean Croise

Pritčy 10:4

Одова́ ману́ш, савэ́стэ исын кирначо (лениво) васт, явэ́ла чороро́, нэ добусово (старательно) васт барвалякирэла манушэ́с.

Pritčy 13:4

Кирнэ-масэ́нгиро ману́ш тырдэлапэ тэ хал, нэ нисо́ на дорэсэ́ла, нэ добусовэнгиро (старательно) ди явэ́ла барвало́.

Pritčy 15:19

Кирнэ-масэ́нгиро дром исын сыр тыно пхусадытконэ (тернытконэ) хрустэндыр, нэ дэвлытконэнгиро дром исын маму́й (пря́мо).

Ekliesiastos 9:10

Саро́, со тыро́ васт латхэ́ла тэ кэрэ́л, кэр дава́ сарэ́ тырэ́ зоралыпнастыр, пал-дова́ со нанэ ни буты́, ни придуминэса нисо́, ни джиныбэ́н, ни годыпэ́н дрэ маґила (дрэ кула), карик ту кэдэсапэ тэ джас.

Софония 3:16

Дро дова́ дывэ́с явэ́ла пхэндло́ Ерусалимоскэ: “На дар, Сио́но, мэк тэ на пэрэ́н тэлэ́ тырэ́ васта́ сыр бизорья́кирэ”.

Матфеё 20:6

И гия́ яври́ ёв пашэ́ дэшуе́кх мардэ́ (штунды), латхя́ явирэ́н, савэ́ сыс тэрдэ́ би бутякиро, и раки́рла лэ́нгэ: ‘Со да тумэ́ тэрдэ́ саро́ дывэ́с би бутякиро?’

Joannostir 6:27

На кэрэ́н буты́ пал хабэ́н, саво́ пэ екх мо́ло, а родэ́н дова́ хабэ́н, саво́ явэ́ла дрэ ве́чно джиибэ́н; дава́ хабэ́н камэ́ла Манушэ́скиро Чхаво́ тэ дэл тумэ́нгэ, – пал-дова́ со пэ Лэ́стэ чхудя́ Дэвэ́л Дад Пэ́скири чэргэнори́, со Ёв бахтякирэ́ла дава́.”

Isúso 1:6

Яв зорало́ и муршкано́; пал-дова́ со ту адалэ́ манушэ́нгэ пиридэса пхув, сави́ Мэ совлахадём дадэ́нгэ лэнгирэнгэ тэ дав лэ́нгэ.

Isúso 13:1

Ке́ли Ису́со пхурия, и загия́ дрэ пхурэ́ бэрша́, тэды Рай Дэвэ́л пхэндя́ лэ́скэ: “Ту пхуриян, загиян дрэ пхурэ́ бэрша́, а пхув тэ лэс дрэ мэкно́ миштыпэ́н ячэ́лапэ ишчо (инкэ́) древа́н бут.

Isúso 18:2

Израилёскирэ чхавэ́ндыр яця́пэ эфта́ ро́дыцы (чанга́), савэ́ на дорэснэ́ (на долынэ) пэ́скири миштыпна́скири ме́ра.

Isúso 18:4

Дэн пэ́стыр пир трин мануша́ родыцо́стыр, мэ бичхава́ва лэн, и ёнэ, уштыи, проджа́на пир пхув и обчхинэна ла, сыр трэй тэ роздэс лэ́нгэ пэ миштыпна́скири ме́ра, и явэ́на кэ мэ;

Сэндарьенгири Лылвари́ 18:9

Ёнэ пхэндлэ́: “Уштаса и джа́са пэ лэ́ндэ; амэ дыкхцям пхув, ёй исын древа́н лачхи́; а тумэ́ задуминдлэпэ: ґалён, сыгэды́р джа́н и тэ лэн дро мэкно́ миштыпэ́н (наследиё) доя́ пхув;