Isúso 13:6 - Библия - Пэ Балтитко Романи чиб (Романэс) 2019

⁶ Сарэ́н бэргитконэн манушэ́н Ливаностыр кэ Мисрефоф-Маимо, сарэ́н Сидонянэн Мэ вытрадава Израилёскирэ-чхавэ́нгирэ мо́стыр; роздэ ла дрэ миштыпна́скири ме́ра Израилёскэ, сыр Мэ ракирдём ту́кэ;

Biblija - Pe Baltitko Romani čib (Romanes) 2019

⁶ Sarén bergitkonen manušén Livanostyr ke Misriefof-Maimo, sarén Sidonianen Me vytradava Izrailjoskire-čhavéngire móstyr; rozde la dre mištypnáskiri miéra Izrailjoske, syr Me rakirdjom túke;

Isúso 13:6 Iomraidhean Croise

Psalmy 80:8

О, Дэ́вла, болыбна́скирэ-янголэ́нгиро! Зоралякир палэ амэн и мэк тэ зяинэл Тырэ́-москиро дуд, и амэ зракхасапэ.

Čysly 33:54

и роздэн пхув пир жре́биё сыр мэкно́ миштыпэ́н тумарэ́ кхэритконэ́ родэ́нгэ: ко́ли барэды́р, то ро́до дэн буты́р миштыпна́скири ме́ра, а тыкнэды́р ро́до, то дэ тыкнэды́р миштыпна́скири ме́ра; конэ́скэ кай выджа́ла, одо́й лэ́скэ и явэ́ла миштыпна́скири ме́ра; пир тумарэ́-дадэ́нгиро ро́до лэн пэ́скэ миштыпна́скири ме́ра;

Isúso 1:6

Яв зорало́ и муршкано́; пал-дова́ со ту адалэ́ манушэ́нгэ пиридэса пхув, сави́ Мэ совлахадём дадэ́нгэ лэнгирэнгэ тэ дав лэ́нгэ.

Isúso 11:12

И сарэ́ далэнгирэ-кральенгирэ фо́рья и сарэ́н кралье́н лэнгирэн лыя́ Ису́со, и домардя́ куртала́са, отдыи лэн совлахакэ, сыр ракирдя́ Мо́йза, Ра́скиро-Дэвлэ́скиро писха́ри;

Isúso 11:8

И отдыя́ лэн Рай Дэвэ́л Израильтянэнгэ дрэ васта́, и домардэ́ ёнэ лэн, и традынэ лэн кэ баро́ Сидоно, и кэ Мисрефоф-Маима, и кэ до́ло Мицфа кэ васто́ко, и пиримардэ лэн адя́кэ, со никонэ́с лэ́ндыр на яця́пэ, кон бы тэ явэ́л джидо́.

Isúso 13:7

роздэ дая́ пхув дрэ миштыпна́скири ме́ра еня́ родыцэнгэ и пашакэ Манасия́скирэ родыцо́скэ.

Isúso 23:13

то тэды джинэ́н, со тумаро́ Рай Дэвэ́л, Дэвэ́л, на явэ́ла буты́р тэ традэл тумэ́ндыр адалэ́ манушэ́н, нэ ёнэ явэ́на ваш тумэ́нгэ фэляса и сеткаса, чупняса ваш тумарэ́ пашварэ и пхусадытконэ хрустоса ваш тумарэ́ якха́, пака тумэ́ явэ́на протрадынэ долэ́ лачхэ́ пхувья́тыр, сави́ дыя́ тумэ́нгэ Рай Дэвэ́л, Дэвэ́л тумаро́.

Isúso 23:4

Ѓа́да, мэ роскэрдём (роздыём) тумэ́нгэ пир жре́биё адалэ́ манушэ́н, савэ́ ячнэ́пэ дрэ миштыпна́скири ме́ра тумарэ́ родыцэнгэ, сарэ́ мануша́, савэ́н мэ традыём криг, Иорданостыр кэ баро́ мо́рё (дэрья́в), пэ кхамэскиро загиибэ́н.

Isúso 23:5

Рай Дэвэ́л, Дэвэ́л тумаро́, Кокоро́ традэ́ла криг лэн тумэ́ндыр, и замарэла лэн анги́л тумэ́ндэ, соб (кай) тумэ́ тэ дорэсэн (тэ долэн) дро мэкно́ миштыпэ́н (наследиё) лэ́нгири пхув, сыр ракирдя́ тумэ́нгэ Рай Дэвэ́л, тумаро́ Дэвэ́л.