Isúso 12:2 - Библия - Пэ Балтитко Романи чиб (Романэс) 2019

² О Сигоно, Амореенгиро кра́ли, саво́ дживдя́ кэ Есево́но, саво́ рикирдя пхув Ароеростыр, со исын пашы́л брэ́го Арноноскирэ рэкицатыр (лэнорьятыр), и кэ паш рэ́кица (лэнори́), пашы́л Галаа́до, кэ Явокоскири рэ́кица (лэнори́), кай сыс Амонитянэнгири риг,

Biblija - Pe Baltitko Romani čib (Romanes) 2019

² O Sigono, Amoriejengiro králi, savó dživdiá ke Jesievóno, savó rikirdia phuv Aroierostyr, so isyn pašýl brégo Arnonoskire rekicatyr (lenorjatyr), i ke paš rékica (lenorí), pašýl Galaádo, ke Javokoskiri rékica (lenorí), kaj sys Amonitianengiri rig,

Isúso 12:2 Iomraidhean Croise

Džiibén 32:22

И уштыя́ ёв дрэ доя́ рат, и лыя́ дуе́н пэ́скирэ ромне́н, и дуе́н пэ́скирэ писхарицэн, и пэскирэн дэшуе́кх чхавэ́н, пиригия пир пани́ Явоко бродоса.

1 Паралипоменоно 5:8

И Бэла, чхаво́ Азазоскиро, Шэмаёскирэ-чхавэ́скиро, Иоилёскирэ-чхавэ́скиро. Ёв дживдя́ кэ Ароэро кэ Не́во и Ваал-Меоно;

Ниеми́я 9:22

И Ту дыя́н лэ́нгэ кралипэна́ и народы и росчхудян лэн пэ паша́ и пхув Сигоноскири яця́ лэ́нгири, и пхув Есевонэскири, и пхув Огоскири, крали́скирэ Васаноскири.

Psalmy 135:11

Сигонос, Аморее́нгирэ крали́с, Огос, Васаноскирэ крали́с и сарэ́ Ханааноскирэ кралипэна́.

Ереме́ё 48:19

Ту, сави́ дживэса кэ Арое́ро, тэрдёв пашы́л дром и дыкх цямкэс. Пхучпэ лэ́стыр, саво́ нашэла, и пхучпэ ла́тыр, сави́ ракхэлапэ, и пхэн: ‘Со кэрдя́пэ?’

Яви́р Зако́но 1:4

Пало́ (после) дова́, сыр ёв замардя́ (умардя) Сигонос, Аморее́нгирэ крали́с, саво́ дживдя́ кэ Есево́но, и Огос, Васаноскирэ крали́с, саво́ дживдя́ кэ Аштэрофа дрэ Едрея,

Сэндарьенгири Лылвари́ 11:13

Амонитянэнгиро кра́ли пхэндя́ Ефаёскирэ манушэ́нгэ: “Израилё, ке́ли гия́ Египто́стыр, лыя́ мири́ пхув Арноностыр кэ Иавоко и Иорда́но; и адя́кэ ри́скир ла ма́нгэ раманёса (миро́са).”

Сэндарьенгири Лылвари́ 11:22

и дорэснэ́ ёнэ дро мэкно́ миштыпэ́н (наследиё) сарэ́ Аморее́нгирэ рига́ Арноностыр кэ Иавоко и чхучэ́ пхувья́тыр кэ Иорда́но.