Isúso 12:1 - Библия - Пэ Балтитко Романи чиб (Романэс) 2019

¹ Акэ, исын кра́лья долэ́ пхувья́кирэ, савэ́н домардэ́ Израилёскирэ чхавэ́ и савэнгири пхув лынэ́ пэ́скэ пир доя́ Иорданоскири риг кэ кхамэскиро ўзгиибэн, Арноноскирэ сыгнонэ рэкицатыр (лэнорьятыр) кэ Ермоноскири бэ́рга и сари́ лошчы́на кэ васто́ко:

Biblija - Pe Baltitko Romani čib (Romanes) 2019

¹ Ake, isyn králja dolé phuvjákire, savén domardé Izrailjoskire čhavé i savengiri phuv lyné péske pir doiá Iordanoskiri rig ke khameskiro ŭzgiiben, Arnonoskire sygnone rekicatyr (lenorjatyr) ke Jermonoskiri bérga i sarí loščýna ke vastóko:

Isúso 12:1 Iomraidhean Croise

3 Kralip 4:19

Геверо, Урияскиро чхаво́, пэ Галаадоскири пхув, пэ пхув Сигоноскири, Аморейсконэ-крали́скири, и Огаскирэ, крали́скирэ Васансконэскирэ. Ёв сыс упратуно (приставнико) пэ дая́ пхув.

Psalmy 133:3

дава́ исын сы́рбы Ермоноскири пахлын (роса), со джа́ла тэлэ́ пэ Сионо́скири бэ́рга, пал-дова́ со одо́й пхэндя́ бахтякирибэ́н, джиибэ́н пэ сарэ́ ве́ки.

Psalmy 136:21

Ёв дыя́ лэ́нгири пхув сыр мэкно́ миштыпэ́н, пал-дова́ со Лэ́скиро дро́го лачхипэ́н ячэ́лапэ пэ сарэ́ ве́ки,

Psalmy 89:12

Тыро́ исын болыбэ́н и Тыри́ исын пхув, свэ́то и саро́, со́са ёв исын пхэрдо́. Ту зачхудян лэн.

Isajos 16:2

Сыр заблудно (заблэндындлы) чириклы, вычхурдыны пэ пхув, явэ́на чхая́ Моавитоскирэ пашы́л броды Арноноскирэ.

Čysly 21:13

Гии одотхы́р, тэрдинэ́ ёнэ пэ доя́ Арноноскири паш пэ чхучи́ пхув, пир сави́ тхадэ́ла русло палэ ме́жа Амореёскири, пал-дова́ со Арноно исын пэ ме́жа Моавоскири, машки́р Моа́во и Амореё.

Čysly 21:21

И бичхадя́ Израилё манушэ́н кэ Сигоно, Амореенгиро кра́ли, соб (кай) тэ пхэнэ́н:

Čysly 21:24

И домардя́ лэс Израилё куртала́са, и лыя́ пэ́скэ лэ́скири пхув Арноностыр кэ Явоко (Иавоко), кэ Амонитянэнгиро тхэм, пал-дова́ со зор сыс пэ Амонитянэнгирэ-тхэмэскири ме́жа.

Čysly 32:19

пал-дова́ со амэ на ла́са лэ́нца пхув пир доя́ Иорданоскири риг и дурэды́р, ко́ли пхув дро мэкно́ миштыпэ́н доячэлапэ амэ́нгэ пир дая́ Иорданоскири риг, кэ васто́ко.”

Čysly 32:32

амэ джа́са курталэнца анги́л Растэ-Дэвлэ́стэ пэ Ханаано́скири пхув, а дрэ амаро́ хулаибэн мэкнэ́ миштыпна́стыр мэк тэ явэ́л пир дая́ Иорданоскири риг.”

Čysly 32:33

И отдыя́ Мо́йза лэ́нгэ, Гадо́скирэ и Рувимо́скирэ чхавэ́нгэ, и пашакэ (пашэскэ) Манасия́скирэ родыцо́скэ, Иосифо́скирэ чхавэ́скэ, Сигоноскиро кралипэ́н, Аморее́нгирэ крали́с, и Огоскиро кралипэ́н, Васаноскирэ крали́с, пхув ла́кирэ форьенца и штэтэнца пашы́л лэ́ндэ, – пхувья́кирэ фо́рья пэ сарэ́ рига́.

Яви́р Зако́но 2:24

Уштэ́н, джа́н и пириджан сы́гно рэ́кица (лэнори́) Арноно, ґа́да, Мэ пиридава дро тыро́ васт Сигонос, Есевоноскирэ крали́с, Амореянинос, и лэ́скири пхув; ту лэпэ тэ хулаинэс ла́са, и лы́джа лэ́са марибэ́н;

Яви́р Зако́но 2:32

И Сигоно сарэ́ пэ́скирэ манушэ́нца выгия́ проти амэ́ндэ пэ марибэ́н кэ Яаца;

Яви́р Зако́но 3:1

И рисиям амэ одотхы́р, и гиям кэ Васа́но, и выгия́ проти амэ́ндэ пэ марибэ́н Ого, о Васаноскиро кра́ли, сарэ́ пэ́скирэ манушэ́нца, пашы́л Едрея.

Яви́р Зако́но 4:44

Ѓа́да, исын Зако́но, саво́ чхудя́ анги́л (пропониндя) Мо́йза Израилёскирэ чхавэ́нгэ.

Яви́р Зако́но 4:46

пал Иорда́но пэ лошчы́на проти Беф-Фегоро [Бэт Пеор-ю.о.], пэ Сигоноскири пхув, Аморее́нгирэ-крали́скири, саво́ дживдя́ кэ Есево́но, савэ́с замардя́ (умардя) Мо́йза Израилёскирэ чхавэ́нца, пир лэ́нгиро выгиибэн Египто́стыр.

Яви́р Зако́но 4:48

лыи Ароеростыр, саво́ исын пашто́ пэ брэ́го Арноноскиро, сыгнонэ рэкицатыр (лэнорьятыр), кэ бэ́рга Сио́но, ёй исын Ермоно,

Isúso 1:15

Пака Рай Дэвэ́л штылякирэла тумарэ́ пшалэ́н, сыр и тумэн; пака и ёнэ дорэсэ́на дро мэкно́ миштыпэ́н (наследство) пхув, сави́ Рай Дэвэ́л, Дэвэ́л тумаро́, дэ́ла лэ́нгэ. Тэды рисён дро тумаро́ мэкно́ миштыпэ́н, и явэ́н хуланца пэ пхув, сави́ Мо́йза, писха́ри Ра́скирэ-Дэвлэ́скиро, дыя́ тумэ́нгэ пал Иорда́но кэ кхамэскиро ўзгиибэн”.

Isúso 11:17

бэрга́тыр Халако, сави́ залэла штэ́то кэ Сеиро, кэ Ваал-Гадо пэ Ливаноскиро до́ло, пашы́л Ермоноскири бэ́рга, и сарэ́н лэ́нгирэ кралье́н лыя́, и домардя́ лэн, и мулякирдя́ лэн.

Isúso 11:3

кэ Хананеи, савэ́ дживдэ́ кэ васто́ко и кэ мо́рё (дэрья́в), кэ Амореи и Хитеи, кэ Ферезеи и кэ Евусеи, савэ́ дживдэ́ пэ бэ́рга, и кэ Евеи, савэ́ дживдэ́ на́дур Ермоностыр пэ пхув Маси́фа.

Isúso 13:8

А ро́дыцо (чанг) Рувимоскиро и Гадоскиро явирэ пашэ́са Манасия́скирэ родыцоса дорэснэ́ пэ́скири миштыпна́скири ме́ра Мойзастыр пал Иорда́но кэ васто́ко, сыр дыя́ лэ́нгэ Мо́йза, Ра́скиро-Дэвлэ́скиро писха́ри,

Isúso 22:4

акана́ тумаро́ Рай Дэвэ́л, Дэвэ́л, штылякирдя (успокоиндя) тумарэ́ пшалэ́н, сыр ракирдя́ лэ́нгэ; и адя́кэ, рисён и джа́н дрэ тумарэ́ ша́тры, пэ тумарэ́ пхувья́, сави́ дыя́ тумэ́нгэ Мо́йза, Ра́скирэ-Дэвлэ́скиро писха́ри пал Иорда́но;

Сэндарьенгири Лылвари́ 11:18

И гия́ Израилё чхучэ́ пхувья́са, и прогия́ Эдомоскири пхув и Моавитянэнгири пхув, и, яви пэ Моавитянэнгири пхув пэ васточно риг, тэрдия́ стано́са пал Арноно; нэ на загия́ дрэ Моавитянэнгири рига́, пал-дова́ со Арноно исыс Моавоскири ме́жа.