Isúso 11:16 - Библия - Пэ Балтитко Романи чиб (Романэс) 2019

¹⁶ Адя́кэ Ису́со лыя́ сари́ дая́ пхув пэ бэ́ргицы, сари́ пхув паш-дывэсы́тко (полудёно), сари́ пхув Гошэн и тэлатунэ́ штэ́ты, и лошчы́на и бэ́рга Израилёскири, и тэлатунэ́ штэ́ты,

Biblija - Pe Baltitko Romani čib (Romanes) 2019

¹⁶ Adiáke Isúso lyjá sarí daja phuv pe bérgicy, sarí phuv paš-dyvesýtko (poludjono), sarí phuv Gošen i telatuné štéty, i loščýna i bérga Izrailjoskiri, i telatuné štéty,

Isúso 11:16 Iomraidhean Croise

Psalmy 105:44

Ёв дыя́ лэ́нгэ пхувья́ Наюдытконэ́ нацые́ндыр и ёнэ дорэснэ́ сыр мэкно́ миштыпэ́н далэ́ манушэ́нгирэ обкэрдэ фэ́лды:

Psalmy 78:55

И Ёв традыя́ криг Наюды́тка на́цыи анги́л лэ́ндэ, и Ёв роскэрдя́ пэ паша́ пхув машки́р лэ́ндэ, сыр мэкно́ миштыпэ́н пир чэрта, и Ёв кэрдя́, соб (кай) Израилёскирэ ро́ды тэ дживэ́н пэ пэ́скирэ ша́тры.

Езэкилё 17:23

Пэ вучи́ Израилёскири бэ́рга Мэ чхува́ва ла дрэ пхув, и Ёй мэкэ́ла вэ́тки, и янэ́ла барьякирдо́ (пло́до), и кэрлапэ барэ́ кедроскирэ каштэса; явэ́на тэ дживэ́н тэл лэ́стэ чирикля́; чирикля́ порэнца явэ́на тэ дживэ́н тэл лэ́скирэ вэ́тки.

Езэкилё 36:8

А тумэ́, Израилёскири бэ́рга, розмэкэн тумарэ́ вэ́тки, и тумэ́ явэ́на тэ янэ́н тумарэ́ барьякирдэ́ (пло́ды) ваш Миро народо, Израилё, ёнэ сы́гэс явэ́на.

Яви́р Зако́но 1:7

Скэдэ́нпэ, джа́н дро дром, и джа́н пэ Амореенгири бэ́рга и кэ сарэ́ лэ́нгирэ мануша́, савэ́ дживэ́на пашы́л, пэ лошчы́на, пэ бэ́рга, пэ тылякирдэ штэ́ты и пэ паш-дывэсы́тко (южно) риг, и кэ брэги морёскирэ (дэрьявэ́скирэ), пэ Ханаано́скири пхув и кэ Лива́но, адя́кэ-паць кэ бари рэка (лэнь) Евфрато.

Isúso 10:40

И домардя́ Ису́со сари́ бэргитко и паш-дывэсы́тко (полудёно) пхув, и тэлатунэ́ штэ́ты, и пхув, сави́ исын пашы́л бэ́рги, и сарэ́н лакирэн кралье́н; никонэ́с на ячкирдя́, кон тэ ячэ́лпэ джидо́, и саро́ джидо́ отдыя́ совлахакэ, сыр ракирдя́ Рай Дэвэ́л, Дэвэ́л Израилёскиро.

Isúso 10:41

И домардя́ лэн Ису́со Кадес-Варнатыр кэ Газа, и сари́ пхув Гошэн аж кэ Гавао́но;

Isúso 11:15

Сыр припхэндя́ Рай Дэвэ́л Мойза́скэ, Пэ́скирэ писхари́скэ, адя́кэ Мо́йза припхэндя́ Исусо́скэ, а Ису́со адя́кэ и кэрдя́: на отгия́ ни екхэ лавэ́стыр дро саро́, со припхэндя́ Рай Дэвэ́л Мойза́скэ.

Isúso 11:2

и кэ кра́лья, савэ́ дживдэ́ пэ паш-рати́тко риг пэ бэ́рга и пэ лошчы́на паш-дывэсытконэ́ Хинарофоскирэ рига́тыр, и пэ тэлатунэ́ штэ́ты, и дрэ Нафоф-Дора кэ западо,

Isúso 11:21

Дро дова́-паць часо явдя́ Ису́со и домардя́ Енакимэн пэ бэ́рга, дро Хевро́но, дро Давиро, дрэ Анава, пэ сари́ Юдаскири бэ́рга и пэ сари́ Израилёскири бэ́рга; лэ́нгирэ форьенца отдыя́ лэн Ису́со совлахакэ;

Isúso 12:8

пэ бэ́рга, пэ тэлатунэ́ штэ́ты пэ лошчы́на, пэ штэ́ты, савэ́ исын пашы́л бэ́рги, и пэ чхучи́ пхув, и пэ паш-дывэ́с (юго), Хетеен, Амореен, Хананеен, Ферезеен, Евеен и Евусеен:

Isúso 9:1

Шундлэ́ дава́ сарэ́ кра́лья, савэ́ сыс пал Иорда́но, пэ бэ́рга и пэ лошчы́на и пир саро́ барэ́ морёскиро (дэрьявэ́скиро) брэ́го, на́дур Ливаностыр, Хетеи, Амореи, Хананеи, Ферезеи, Евеи и Евусеи,