Isúso 11:11 - Библия - Пэ Балтитко Романи чиб (Романэс) 2019

¹¹ и пиримардэ ёнэ саро́ джидо́, со сыс дрэ лэ́стэ, куртала́са, отдыи совлахакэ (прокошыбнаскэ); на яця́пэ ние́кх джидо́ ди; а Асоро схачкирдя́ ёв яга́са.

Biblija - Pe Baltitko Romani čib (Romanes) 2019

¹¹ i pirimarde jone saró džidó, so sys dre léste, kurtalása, otdyi sovlahake (prokošybnaske); na jaciápe nijékh džidó di; a Asoro shačkirdiá jov jagása.

Isúso 11:11 Iomraidhean Croise

Яви́р Зако́но 20:16

А дрэ адалэ́-манушэ́нгирэ фо́рья, савэ́ Рай Дэвэ́л, Дэвэ́л тыро́, дэ́ла ту́кэ, на ячкир джидо́ ние́кх ди.

Яви́р Зако́но 3:7

нэ сарэ́ кхэритконэ́ мурдалэ́н (ското) и саро́ закэдыно дрэ фо́рья лыям амэ пэ́скэ дро дорэсыбэ́н (добыча).

Яви́р Зако́но 7:2

и отдэ́ла лэн ту́кэ Рай Дэвэ́л, Дэвэ́л тыро́, и ту домарэса лэн, то тэды отдэ́ лэн прокошыбнаскэ, и на джа́ лэ́нца дро кхэтанякирибэн и на тангинэ лэн;

Isúso 10:40

И домардя́ Ису́со сари́ бэргитко и паш-дывэсы́тко (полудёно) пхув, и тэлатунэ́ штэ́ты, и пхув, сави́ исын пашы́л бэ́рги, и сарэ́н лакирэн кралье́н; никонэ́с на ячкирдя́, кон тэ ячэ́лпэ джидо́, и саро́ джидо́ отдыя́ совлахакэ, сыр ракирдя́ Рай Дэвэ́л, Дэвэ́л Израилёскиро.

Isúso 6:21

И отдынэ́ прокошыбнаскэ саро́, со сыс дрэ фо́ро, и муршэ́н и джувле́н, и тэрнэн и пхуранэн, и гурувэ́н, и бакрэ́н, и ослэн, саро́ хасякирдэ́ куртала́са.

Isúso 6:24

А фо́ро и саро́, со сыс дрэ лэ́стэ, схачкирдэ́ яга́са; екх руп, и сувнака́й, и кхорэ́ (сасу́ды) харкунэ́ и саструнэ́ отдынэ́ дро зракхибэ́н дро Ра́скирэ-Дэвлэ́скиро Кхэр.