Isajos 7:3 - Библия - Пэ Балтитко Романи чиб (Романэс) 2019

³ И пхэндя́ Дэвэ́л Исаёскэ: “Выджа пэ́скирэ чхавэ́са, Шэарясувоса кэ Аха́зо, одори́к, кай лэ́на пани́, пэ дром кэ фэ́лда, кай макхэна бакрэнгири вы́лна (шэрсь).

Biblija - Pe Baltitko Romani čib (Romanes) 2019

³ I phendiá Devél Isajoske: “Vydža péskire čhavésa, Šeariasuvosa ke Aházo, odorík, kaj léna paní, pe drom ke félda, kaj makhena bakrengiri výlna (šers').

Isajos 7:3 Iomraidhean Croise

4 Kralip 16:1

Пэ дэшуэфтато бэрш Факеёскиро, Ремалииноскирэ-чхавэ́скиро, яця́ крали́са Аха́зо, Иоафамоскиро чхаво́, кон сыс кра́ли пэ Юдэ́я.

4 Kralip 18:17

И бичхадя́ Асирия́киро кра́ли Тартанос, и Рабсарисос, и Рабсакос Лахисостыр кэ кра́ли Езэки́я бутэ́ халадэнца дрэ Ерусалимо. И гинэ́, и явнэ́ ёнэ кэ Ерусалимо; и гинэ́, и явнэ́, и тэрдинэ́ пашы́л панескиро пролыджиибнытко (водопроводо) упратунэ вэндэрья́тыр (прудостыр), саво́ сыс пэ дром кэ фэ́лда, кай парнякирэнас похтана.

4 Kralip 20:20

Яви́р лав пал Езэкиястэ и пал сарэ́ муршканэ́ рэ́нды лэ́скирэ, и пал дова́, со ёв кэрдя́ вэндэри (прудо) и панитко пролыджиибэн и пролыджия пани́ дро фо́ро, исын зачхиндло́ дрэ бэршы́тка архи́вы пал Юдэя́кирэ кралье́ндэ.

Ниеми́я 3:16

Пал лэ́стэ кэрэ́лас ремо́нто о Ниеми́я, Азбукоскиро чхаво́, барыдыро́ пэ паш-округа Бефцуроскири, кэ копли́ца Давидоскири, и кэ выганады вэндэри́н (прудо), и кэ кхэр муршэнгиро.

Vygiiben 7:15

Джа́ кэ фарао́но атася́: ґа́да, ёв выджа́ла кэ пани́, ту тэрдёв пэ лэ́скиро дром, пэ брэ́го рэка (лэнь), и дэсто́, саво́ пиририсия дрэ сапэстэ, лэ трэ тыро́ васт,

Isajos 10:21

Ячаибэ́н обрисёла, Яково́скиро ячаибэ́н рисёла кэ зорало́ Дэвэ́л.

Isajos 22:10

И тумэ́ придыкхэна тэ рипирэ́н (лэ́на пэ якх) кхэра́ дро Ерусалимо, и спхагирэна тэлэ́ кхэра́, соб (кай) тэ зорьякирэн ва́нта;

Isajos 22:11

и кэрэ́на машки́р дуй ва́нты вэндэри́н [рово (хохо́й)-ю.о.], соб (кай) тэ ракхэ́н пани́ пхуранэ́ вэндэриня́тыр. А пэ Одолэ́стэ, Кон кэрэ́ла дава́, тумэ́ на явэ́на тэ дыкхэ́н; и тумэ́ на дыкхэ́на пэ Одолэ́стэ, Кон ґара́ припхэндя́, соб (кай) адя́кэ тэ явэ́л.

Isajos 36:2

И бичхадя́ Асирия́киро кра́ли Лахисостыр дро Ерусалимо кэ кра́ли Езэки́я, Рабсакос халадэнца; ёв тэрдия́ одо́й, кай тхадэлас пани́ панипролыджаибнытконэстыр упратунэ вэндэриньятыр (прудостыр), пэ дром пашы́л фэ́лда, кай парнякирэнас похтана.

Isajos 55:7

Мэк грэхи́тко ману́ш тэ мэкэл пэ́скиро дром и пэ́скирэ налачхэ́ ду́мы, мэк тэ явэ́л ёв кэ Рай Дэвэ́л, и Дэвэ́л отмэкэ́ла лэ́скиро грэ́хо; мэк ёв тэ явэ́л кэ Дэвэ́л амаро́, Савэ́скэ сарэ́ исын дро́га.

Isajos 6:13

И ко́ли ячэ́лапэ дэ́што паш пэ ла́тэ и рисёла, усае́кх явэ́ла пхув чхучи́, нэ сыр теревинфостыр и дэмбостыр, ко́ли ёнэ исын чингирдэ тэлэ́, исын ячаибэ́н, адя́кэ свэ́нто ячаибэ́н ячэ́лапэ.”

Ереме́ё 22:1

Адя́кэ пхэндя́ Рай Дэвэ́л, ма́нгэ, Еремеёскэ: “Джа́ дро кхэр Юдэя́кирэ крали́скиро, и одо́й пхэн дава́ лав,

Римлянэнгэ 9:27

Исаё ракирэ́ла роибнаса пал Израилё: “Мэк Израилёскирэ чхавэ́ тэ явэ́н ада́кицы бут, кицы́ исын морёскиро (дэрьявэ́скиро) пра́хо, а усае́кх набари паш лэ́ндыр зракхэ́лапэ: